Giidaheechta 2:5 - Bibliyeeda Ghaydit

⁵ Asi apkaada gidabwaanyi, ak giduukuuni ak gibiiksi gadiyoojiga ghayi iisini bea madeeda. Ak iimisini, gaydahidu headaang'u, ak gaydageanda hoorgeeda gheaboonyaneadaang'u aba heeda mida, ea eaghus duukuunana.

NEAJEEDA EESH BEA BUUNEESSEAN

⁵ Asi apkaada gidabwaanyi, ak giduukkuuni ak gibiiksi gadiyoojiga ghayi isni bea madeeda. Ak imisni, gaydahidu headaang'u, ak gaydageanda hoorgeeda gheaboonyaneedaang'u aba heeda mida, ea eaghus duukkuunana.

Giidaheechta 2:5 交叉參考

ISAYA 1:26

Ak gaydanung' gabiigu gicha fugaagu aheeldooschi buuneeda gawuurji gideaba ghayi bea mwadiin, ea weedangaagu gawuurji gideaba ghayi bea mwadi. Iing'ata nih abeeda gajeeguureewaneey mujiineeda doabiiwaat, mujiineeda miy.”

ISAYA 14:12

“Ang'iing'i geeng'adeateaydaneeyiin aba humng'eeda, Ea miing'weanda Muchuunooda, orjeeda Sakteayda Geanung' abeadaaydaan, ang'iing'eeda ijoari eemoojiga!

ESEKIELI 20:43

Nea aba hoowa gajoopkaada naweadingeagwa, ea gadiyoojigeagwa sean, ghayi oang'udi geat ririnnyeanda. Ak gajasta geat agooga nea goobea geat, aba ng'asheegeagwa munyas oosinyi.

ESEKIELI 36:31

Abeeda gajoopkaada naweadingeagwa munyas, ea sinaweegeagwa munyas. Ak gajasta sasanuukeagwa aba gheanyangeagwa aba ng'asheegeagwa munyas oosinayi.

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

HOSEYA 9:10

Gawuurji sabiibooda mida dareapcheeda, heeda aanyasi Israeli. Gawuurji haghweega madeeda bea geeta siguura mtiini, damanda jeataanyi bea madeeda, naadaayi ghweanigaagu. Ng'ata ghapka uhuuda giijeeda Baal-beori, ak ghang'eat ghabwat Baali, ng'ata ghwayamwa ghoan munyinda ea gawuurji gidida bwariiyiin.

MALAKI 3:4

Abeeda haleanjeeda ghadooweeda bea Yuda ea Yerusalemu gajea miyaasiin aba heeda NG'UTAMIIDA gawuurji gideaba garayi ea gidagweanyeeka ning'ata.

MALAKI 4:6

Ak gayghwayam gurooruunatka ghweaniga gagal diibiga nyaawa ak ghwayam gurooruunatka diibiga gagal ghweaniga nyaawa, gajiidu ghaahidu ak ghaalaschi ng'eanyiida aba mooshteayda.”

Mattayo 5:14

“Agooga goowooschi weeshinda ng'eanyiida. Mujiineeda sideeksa uhuuda heayeeda moamu ea funyaat.

Mattayo 5:15

Eara buuneeda meayeeta gheaboong'nyeanda ak geedukuteawa dahuuda iissa ghwayiin uhuuda ghamarda ak ghoabwaay buuneesean mida jeeda gheeda.

Marko 12:9

Asi gaygwasin naaha siida bea madamnyeanda? Gayghwahidu ak ghwalas uhuudeaba fugiga ghayi aragan madamnyeandean amang'ata gayghwanung' gooragan fih suuk madamnyeanda sabiibu.

Lukka 1:17

ak Gaygoosheedeawa aba jeeda guroorooda ea uurda Eliya, ak ghwayam gurooruunatka ghweaniga gagal diibiga, nea fuga mandeawana mureeda ghoadaw weaghuumeeda doobiiwnata, ak gwasissa Ng'utamiida fuga hideadi.”

Lukka 20:16

Adaaha gayghoan ama hidu gaygwanuuseada fugiga aragan madamnyeandanyiin ama hit gaygagasa fih suuk jea gwanung'usa madamnyeandaanyi.” Siyiiy ng'asheesu geeyi, “Gagasa ghoashiiy ASEETA!”

Galattiya 5:4

Asi silealneegwa aba Gristo, agoogeeda jea eegooneegwa doobiiwnata aba deaweeda; noapeadi ak gooriteawi jeeda dagheerjeanduumeeda.

Filippi 2:15

ak ea meerukunana badahuukeagwa ng'asheega munyas nea ghoahuuyi fuga manda giidiinyeanda, diibiga ASEETA meerukunana badahuuka ng'asheega munyas mida bugusta seaygeeda gwaneadi bea ng'ooweata, ak ghoayeati weeshinda, aba jeenyaawa aba jeeda ng'eanyiida,

Ebraniya 10:32

Asi apkaada askwearjoojiga ghayi bea mwadi damanda siipwaanyaneey, hean ghoarjeang'di ng'ucheeda ng'waan ea sawanadeeda,

2 Betro 3:17

Asi fugeasu aabwariinyi, iyoobean anala ng'asheesu aba mwadi, asi afura geat, adaghwaadaneegwa ghaat giidiinyeanyeekeaba fiisu, ak ghoanung'wi heeda giibindeang'wa majeek.

Yuuda 1:24

Asi ghamneawa aba heeda ninyeeda ammu ghwanung' ea moopeadani ak ghwaadeagwa nea meeyeateeweegwa ghuusi aba madeeda giigheambiitaanyi aba hooseaneega,

Giidaheechta 1:20

Makcheameedeaba miingiga as ispwa ideaksi geatindeanyu bea dugwean, ea hoorgajeegiga as ispwa meeng'meeng'iin, miingiga as ispwaan, malaykajeega ganiisajeegiga as ispwaan ak eara hoorgajeegiga as ispwa meeng'meeng'iin ea ganiisajeegiga asispwaan gil.

Giidaheechta 16:9

ak geaghwarda buuneeda aba beasta ng'waan, ak ghamwaashta saawa gheawunga ASEETA mideawa uurda aba badaydeaba sawanaduutsu, ak ea maduukuunana ak ghoadaw niny giigheambiita.

Giidaheechta 2:16

Asi duukuunana. Nea iimiduukuunani, gaydahidu headaang'u nea ghaalamwajaanyi ak gaydang'uchi saawa aba ng'uta leabu ghuuteanyu.

Giidaheechta 2:19

“‘Ghaanali gadiyoojigaagu, ea bariinyeagaagu ea masaweagaagu ea gidigadiyeati ea milikghteaydaang'u nea giihang'waanyi, ak gicha gadiyoojigaagu huuydean ghang'al gea ghayi bea madeeda.

Giidaheechta 2:2

“‘Aniini ghaanali gadiyoojigaagu, ea sawanadeadaang'u ea milikghteaydaang'u nea giihang'waanyi, ea gida miimuustani milikghta fuga munyas iissa ginyo ghanyi sima fugiga guura geat giijasoodiga nea mawoosean, ak gidaahi gideaba gaba ng'uya;

Giidaheechta 3:19

Fugiga aabwariinyiin, inyeessa geawoowsi nea ghaabwarji; asi milmiliida ak giduukuuni.