DANIELI 9:12 - Bibliyeeda Ghaydit

¹² Ak ea niimajeek ng'asheagaaschi; ghayi rugu aba badahuukaasa ea badahuuka fuga ambaleasa, ak gweadu badahuukaasa nyariida haw; aba gideaba aba hing'eadayda humng'eeda manda ng'asheanda uurji dea sisima Yerusalemu.

DANIELI 9:12 交叉參考

ESEKIELI 5:9

Aba badayda ng'asheegeagwa munyas sean anyareasan, gaydasimaneegwa gidaghayi miidasimaneegwa ak ea maygut dabiikta gicha.

HEAREEGA 1:12

“Aba heedeang'wa mii gili aba agoogeeni eang'atiin? Ang'weersiina ak gidaahi ii mida siida mideawa gurmeahiida uurji gurmeahiidaanyi ghayi easinyi aniini ng'udana NG'UTAMIIDA gurmeahiida aba eaweeda nyarastaanyi.

ISAYA 44:26

dea amajeek ng'asheanda siidaanyi bea gadiyeeda, nea ghwanung' ghoah huumwa ng'asheega giijasoodigaaschi; ak geayeeniisi Yerusalemu, ‘Gaygoobiida buuneeda,’ ak mujiineeda Yuda, ‘Gajeadeas, nea gaydanung' ghamiinaada gicha eemeegeagwa ghayi sinyarja’;

HEAREEGA 2:17

NG'UTAMIIDA nisin gida ghayi bean gagasiida sinooda bea madeeda, ak gwanyarja nea mabwayda; ak ghwanung' gahoosan weajoodiga aba badaydaang'u, ak niidiing'u uurda weajoodigaagu.

HEAREEGA 2:13

Ghamneawa gaydayeeshiineeyiin, ak gaydagalaneey naaha, Ea huda Yerusalemu? Ak gaydanung' uurjeewana naaha ak geageandeawaneey salgheang'da, Ea huda miyeasat bea Sayuni? Aba gideaba nyariidaang'u gwadeena basooda; gayghoamu ng'eaha gooduuneey?

AYUBU 12:17

Niny inyeesa ghwanung' gaweay fuga argweakiisa buuneeda nea dawiiri, nea ghwanung' gwadasheahiidi fuga laja girgweaguutka.

Ruumi 15:8

Aba gideaba geayeeshiineegwa, Gristo ghoah soomjeanda aba heeda fuga ghasmeahooda aba badayda ng'asheega huumwa bea ASEETA, ak abeeda ghoadaajiit heeleeda ghayi siitaw ghweanigeagwa,

Lukka 21:22

aba gideaba eawoojigiga gajea gea sawanadeeda ak ghoah gida nyaashta ng'ooruutka.

Marko 13:19

Aba gideaba damandida gaygwanda sawanadeeda manda dea jea eegala ghang'eada deaghayi nibwada ASEETA ng'eanyiida ea gagul ghamneawa. Ak ea maygudu gabiigu gicha dea jea gawuurji nih.

Mattayo 24:21

Aba gideaba damani gaygwanda sawanadeeda haw manda dea deena aba deaghayi sisna ng'eanyiida ea ghoah ghamneawa, ak ea maygudu abiikta adaaha sawanadeeda uurji nih earahay.

Mattayo 5:18

Aba huumwa geayeeshiineegwa; eara ghang'ata humng'eeda ea ng'eanyiida, ghanyea manda eara hiji mwanang', ghana roobadeanagi mwanang', muuchi bea deaweeda majeegeanda ea gwasa ng'asheega sean.

SAKARIYA 1:8

“Ghaadaayi eawa siida mida badayda Faraasajeanda areara, ak ghamiinaada aba dang'adiga geediga was mihadaasi mida jeeda burgadeeda, ak murdeadaanyi gwanda Faraasajeega suuk areeri ea gea murjeew ea gea eashish.

SAKARIYA 1:6

Ak ng'asheegeasu ea huumeanyeekeasu, earukusi fugeasu bea gadiyeeda was sibanga, heapi miigwasa aba heeda ghweanigeagwa? Ak gwaduukuuna nea gwayi, Eara gwasinda gidagasiida NG'UTAMIIDA bea lugweega aba sinaweega naweadingaasa, hean ghoah gidasimaneasa.”

AMOSI 3:2

“Fuga aanali agooga gil ak ghwahit aba jeeda buuneesean mida badayda ng'eanyiida; asi gaydaaganeagwa ghoorjooda aba giidiinyeanyeekeagwa sean.

YOELI 2:2

eaweeda misaneeda duw, eaweeda shamooghuutka ea misaneeda haw. Gawuurji deashamga gharoodeaba gayeew bwargiit aba iheenga giijeega, suh ea hees ak gabiisa gwandeawa uurda, ak ea manda dea uurji saawa eara heeda ghayi, ak ea manda dea jea gawuurji iing'ata saawa, bwak ea ghang'ata gweanyeeka seaygoojiga sean.

ESEKIELI 13:6

Gidanyaawa siihiimsa ng'uyeega gil muuchi, nea eara ng'asheega siramoorani ea ng'uyeega gil muuchi. Ak saawa gwayeena ‘gwayi NG'UTAMIIDA,’ nea NG'UTAMIIDA ea mii goojeakta saawa, ak saawa ghwanung' ghwarar buuneeda gideaba ng'asheanda gaygwasa.

HEAREEGA 4:6

Aba gideaba riing'eeda huda fugeasu aahaw, ea ghang'al lasooda Sodoma, ghayi sinung' goosha aba geeshangiga, ak ea manda geatinda siyiin uhuuda.

GHWASIILDEANGA 8:16

Ghaanung' goombaliischi fuga hees, asaha fuga ambaliischi ea gea laja girgweaguutka bea badayda ng'eanyiida.

NYIIGHEEGA 148:11

Sugoodiga ng'eanyiida ea buuneesean, fuga hees ea fuga sean ambaliischi bea ng'eanyiida!

NYIIGHEEGA 2:10

Ak ghamneawa, ea sugoodiga, asina fughareeda, ayiing'sheena iisireekuseegwa ea fuga ahaaghwa ng'eanyiida.

1 SUGOODIGA 3:9

Adawa siidaang'u bea gadiyeeda bareaynata uhuuda deambal fugaagu; ak ghaamuuschi deaheeli gida miy ea dea muy; aba gideaba gayghoamu ng'eaha goombal fiisu saang'aan?”

YEREMIYA 30:7

Aba huumwa eaweedida gajea haw Manda eaweeda jea eegala; Eaweeda giiseaneega gil aba fuga gheeh Yakobo; Ak eara gwasa gajeelealna jeedida.

YEREMIYA 32:23

Hean gaweay jeedeaba ng'eanyiita ak goombal, ak ea mooleeyseey iit nea mwaang'waanya deaweedeadaang'u, nea manda ng'asheanda nisin aba jeedeaba giika ghayi iyeeshi sinnean, nea aba badaydeaba nih ea ninung' ghoang'waay ng'asheesu munyas seaniin.

YEREMIYA 39:16

“Asi una ak giibalooli Ebedmeleki was siida Gushi, ak giyeeshi, “Gwayi NG'UTAMIIDA bea lugweega, was ASEETA Israeli; ‘Ng'ula, gaydanung' gwasa ng'asheega ghayi eargu aba badaydeaba mujiineani, nea mii ng'asheega miyaasiin gil, gea munyasi, ak ng'asheesu gaygwasa nea ging'ulayi aba gheanyangaagu eaweecheanji.

YEREMIYA 44:23

Ama noojooysi aroosta ng'andit, ak ea noosisi riing'eeda NG'UTAMIIDA nea mooleeysiini iit ghuut NG'UTAMIIDA nea moayaadi geeshta deaweedajeega ea hamurajeagaaschi ea diigheanyeekaaschi ghana ng'asheagaaschi muuwu, ni gidanyastaneegwa ng'asheesu munyasiin gil, ea ghoah ghamneawa.”

DANIELI 12:1

“Damandida gayghwahidu malaykajeanda siguura Mikaeli, was malaykajeanda haw ahaaghwa buuneadaang'u ak gaygwanda damanda jea eeng'uchi, manda dea uurji aba dea ning'eada eemeeda ea ghoah damani; abeeda damandida buuneadaang'u gajeelealu, was fuga sing'oorsa gheawunga nyaawa jeeda gitaabu.

SAKARIYA 7:12

Ghoahang'waay gurooruunatka nyaawa ea gawuurji lagheaneeda gideaba adaghwayiiy deaweeda ea ng'asheega NG'UTAMIIDA bea lugweega, ghayi ajeakteawa gurooroadaanyi aba ghuuta sibanga madeeda. Asi gayghwahidu nyarasta haw bea NG'UTAMIIDA bea lugweega.

2 SUGOODIGA 22:16

Gwayi NG'UTAMIIDA, Ng'ula, gaydeadu ng'asheanda muy hiji, ea badaydeaba fiisu mida hijiin aba huumwa ng'asheega sean bea gitaabooda asoamwa sugoocheanda Yuda.

ISAYA 43:28

Asi ghaang'udi ririnnyeanda fuga ambaliischi bea heeda ghaydit, ak ghaanung'waadi fuga Yakobo eegul uhuuda, nea ghaanung'waadi fuga Israeli eeng'eawi.