DANIELI 7:4 - Bibliyeeda Ghaydit

⁴ Dea madeeda gawuurji ng'adiida ak gwandeawa meang'eega rabearda. Iidu nea geang'ulayi meang'eagaaschi ea silootiida, ak ea siitiing'da humng'eeda ghabeawa badayda sigeeda ak ghamiinaada aba geeshan iyeenya gawuurji siida; ak geataw fughareeda siida.

DANIELI 7:4 交叉參考

2 SAMWELI 1:23

“Sawli ea Yonatan, geabwariiy nea miyaas! Aba eaweega ea aba miyeeda ghanyea mwadarda; ak ea ng'weeni ea ghoadaraam rabearda, ak ea majeekcheewi ea ghang'al ng'anyeeka.

AYUBU 25:6

Ak gaygawuurji siida, was ghuughuucheeda, ea siida was maliilakcheanda!”

NYIIGHEEGA 9:20

Ea NG'UTAMIIDA, eaniyean nung' ghang'ut muuwda, eemoojiga danala gideaba saawa buuneeda gil.

YEREMIYA 25:38

Niwuurji ng'adiida nung'wa heeda gwaleadaanyi ng'eanyiida nyaawa niiw eeshtearajeanda nea gweagu ng'uta siida muy, ea nyarastaanyi ng'waan.”

YEREMIYA 4:13

Ng'ula ghwahitaayda shamooghuutka mutukwajeagaaschi ghapkaanda jeameeda shaarara nea faraasajeagaaschi ea ng'weani ea ghwanaawa madoonyaka– eeshageada aba gideaba siisheali!

YEREMIYA 4:7

Ng'adiida nirina jeeda surbataanyi, nihidu dararoocheanda eemoojiga, nirina heeda eawoojisu abiita nihidu ghabwara darari ng'eanyiidaang'u; nea ng'eanyiidaang'u gayghoah raghoonyeanda nea mujiinajeagaagu gayghoah eemeega manda jeeda sih.

YEREMIYA 48:40

Aba gideaba gwayi NG'UTAMIIDA: “Ng'ula, siida gayghang'eataayda rabearda asas, ak ghoayaaw meang'eagaaschi aba badayda Moabu;

YEREMIYA 49:19

Ng'ula, gaygwascheeng'deayda ng'adiida leabu dareabeeta Yordani ak gawa heeda haghweeda miy nih gichea dahoanda Edomu nea geashamnyi gil; ak gaydanung' ghoahaaghwa eemeeda siida jea daloat. Aba gideaba neada gawuurjeewean ng'eaha? Ak gayghoamu ng'eaha goorgweaksean? Ak ea ana jeagiischoochean gil dea ammu ghamiinaada aba madeedeanyu?

HEAREEGA 4:19

Fuga eadu geeshteanya ea asasi ea ghang'al murgheata mida humng'eeda; gweadu geeshteanya aba iheenga giijeega, ak geegwalgwaleeseasa aba dareapcheeda.

ESEKIELI 17:3

Eeshiina gwayi NG'UTAMIIDA was ASEETA, rabearda haw mideawa meang'eega hees, ea dabiniga geawi aba meang'eega, nea gwandeawa dabiniga saang'a bea oormeeda saang'a. Abeeda ghwahidu Lebanoni ak ghoang'waay uhuuda gubooyeanda.

ESEKIELI 28:2

Ea orjeeda siida, eeshiina siida haw bea Diro, gwayi NG'UTAMIIDA was ASEETA, “Aba gideaba gurooroadaang'u ning'ut ghwarjeeda, ak ea niyeeni, ‘Aniini geawooschi aseeta, ak ea neapteadawi hoorgeeda aseecheeka aba jeeda basooda,’ ak guwoosi siida nea mii ASEETA, earapeadi nihindi gurooroadaang'u guroorooda ASEETA.

ESEKIELI 28:9

Heapi? Ak gayhinda geaw gideaba ‘geawooschi ASEETA,’ aba madeeda gea jea ghabwarnyi, ak guwoosi siida, nea mii ASEETA, aba geatindaanyi dea jea ghabwarnyi.

DANIELI 2:38

nea siida ghwayiin geatinda, aba heeda wassean mida, orjooga buuneeda, ea diyeanga jarooda, ea dariidaka humng'eeda, ghwanung' ambala sean–aba gideaba gindi uhuuda dahaabu.

DANIELI 4:36

Iidu gabiiksean fughareedeanyu; hean gabiiksean giigheambiita ea uurdeanyu ea gharbeeda. Ak ghwadeaptanaan fugeasu hees ea ng'utamoojigeasu, ak geebiikta eegoonan sugoocheanduumeedeanyu ak geeheanean hawunda ea ghwanaawa dea ghayi bea mwadi.

DANIELI 7:12

Gawuurji giduurji aba heeda diyeanga suurja, gageanda gheambalmeeda nyaawa, nea eaweega nyaawa geekeawiidi ea ghwahita damwan.

DANIELI 7:5

Ak ging'ulayi, diyeayda nuut, bea iyeenya, gawuurji idarooda. Ak geetiing'u meatkweanagi; ak gwandeawa gisheaji samwagu aba ghuutaanyi dageascheeda geeshatkaaschi; ak geeyeesha, ‘Ng'eada, ak giyaagi banyeega muuchi.’

Mattayo 24:28

Heeda wassean mida guumeeda heeda jea gabatiisa geat madoonyaka.

GIIPKEATA DIIGHEANDA 28:49

Gaygweadu NG'UTAMIIDA eemeeda leabu heeda sheagi, leabu muudeanooda ng'eanyiida, gayghoanda gidatkwealiida madooyda, eemeeda miyiinyi iita nyaawa,

Giidaheechta 13:2

Nea diyeaydida aadaayiin gawuurji mariirda, nea geeshangaaschi gawuurji idamooda, ak ghuutaanyi gawuurji ghuuta ng'adiida. Ak ghoadaw hararjooda diyeayda uurdaanyi ea hoorgeadaanyi bea sugoocheanduumeeda ea gheambalmeeda haw.