DANIELI 2:5 - Bibliyeeda Ghaydit

⁵ Ak gwayeesha sugoocheanda fuga Galdayo, “Ng'asheanda leabu heedeanyu huumwa: iimoonung' danal giirgweatka ea gidawas, gajealajaada roobuutkeagwa, ak ghoah gealgeagwa eemeega.

DANIELI 2:5 交叉參考

2 SUGOODIGA 10:27

Ak geejaksa jarooda daraneeda mida jeeda gheeda Baali, ak geaghwarda.

ESRA 6:11

Ak ea neasinyi diigheanda, gideaba siida wassean jea ghwayam diigheanji abeeda gajeegeanda darearjeandeaba gheanyi ak geaghasa niny uhuudida nea gheanyi geanung' ghoah raghwata.

NYIIGHEEGA 50:22

“Anala ng'asheesu, agoogeeda oonung' gwarooseegwa ASEETA, adiidu ghabwaashaadaneegwa, ak ea manda siida jea gwalealneegwa!

NYIIGHEEGA 58:7

Ak ea darootiida beega ng'ata nea ghwalamwajaada; gawuurji nyeega siileapsa ng'eanyi ak ghwasis.

DANIELI 2:12

Ak ghwanyareas sugoocheanda aba badaydeaba ng'asheanji ea ghwadikghta muuchi, ak ghwanung' ealas uhuuda fuga sean bareahi iheeni bea ng'eanyiida Babeli.

DANIELI 3:29

Asi gaydasin diigheanda: Fuga wassean, ea eemeeda, ghana ea iita jea gwarukuna ng'asheega munyas badayda ASEETA Shadraki ea Meshaki ea Abedinego gajealajaada damealga, nea geenyarjeaweada gealga nyaawa; aba gideaba manda aseeta nuut ammu gwalealdeaydunu buuneeda.”

DANIELI 4:9

“Ea Belteshasa, sugoocheanda beeneediga, aniini ghaanali gideaba guroorooda aseecheeka ghaydidi gwanda jeadaang'u ak ea manda ng'asheanda funyaat ghana dea hang'waay aba headaang'u, asi suh giirgweatka aadaayi; asi rukunean gidawas.

GIIPKEATA DIIGHEANDA 13:16

Ak gajamughuusha easanga sean ak giyiini bugharjeanda mida bugusta mujiini, ak giijooni mujiini beasta ea haleanjeeda sean gawuurji haleanjeeda sisabwa geadi sigwariida siyeatiisa NG'UTAMIIDA was ASEATAANG'U, ak gayghoah eemeeda gidamanda muudeanooda, nea ea maygudu eadeas gicha.

YOSHUWA 6:26

Ak ghwanung' Yoshuwa ghwaak habeawooda saawa aba damandida nea gwayi, “Gagasa eamwaashta aba madeeda NG'UTAMIIDA siida jea ghang'eat ak ghwadeas mujiineani bea Yerikohiin. “Nea dea jea ghwadeas sindeeta gayghami duweacheadaanyi, nea dea jea gwasin dooshta gayghami gheareemaneadaanyi mwanang'.”

1 SAMWELI 15:33

Ak gwayi Samweli, “Gawuurji ng'utaang'u ninung' ea mwanyasa gadeemga diibiga, ak eara geamadu ea mayghwanyas baleanda aba jeeda gadeemga.” Ak ghwalajaada Samweli Agagi ea goomaneanyi aba madeeda NG'UTAMIIDA aba Gilgali.