DANIELI 12:9 - Bibliyeeda Ghaydit

⁹ Ak gwayi, “Una heechea una, Danieli, aba gideaba ng'asheega sirat ak ea siiroor ea ghwahita damanda huuydean.

DANIELI 12:9 交叉參考

ISAYA 29:11

Ak gilisiihiimu aba badaydeaba ng'asheesu seaniin gawuurji giijasta sing'oorsa jeeda gitaabooda sirat aba giirooraneeda. Ama iyeasi siida was sean nal giisoomanda ak giyeeshi, “Asoamwana gitaabwajeanji,” gaygwayi, “Maydaamu daasoamwa aba gideaba sirat aba giirooraneeda.”

ISAYA 8:16

Rada muwuunooni, ak giyiini giirooraneeda mida bugusta giinealangeasuun.

DANIELI 10:14

Ak ghwaan ghwanung' nala gichea gwahisa buuneadaang'u askwearjoojiga jea ghwahidu. Aba gideaba giirgweatsu gaba askwearjoojiga jea ghwahidu.”

DANIELI 11:40

“Hean hita damanda huuydean gayghang'eat sugoocheanda mida wiilooda ng'eanyiida biyeara ak gang'uchi sea niny; ak gayghafwaja badaydaanyi sugoocheanda mida wiilooda ng'eanyiida ghayeawa nea ghabeada shaarara, nea ghwaat mutukwajeega ea faraasajeega, ea maleambajeega saang'a; ak gaygawa jeesinga ng'eanyoojiga ea ghoanyiit guldeayda beega ea ghang'ata.

DANIELI 12:4

Asi ang'iing'i, Danieli, rada ng'asheega, ak giyiini gitaabu giirooraneeda, ea ghwahita damanda muudeanooda. Gaygwasalda fuga saang'a nea gagal hiji ea hoowa nea gayghoahaada fughareenga.”

DANIELI 12:8

Ak ghayiinyi, ak ea mwaanali gidawas. Ng'ata geayeeshi, “Ea ng'utamiideanyu, huuydeandeaba ng'asheesu gaygawuurjiin?”

DANIELI 8:26

Giirgweatka shing'aduutka ea gea sakteawuutka sirugu huumwa; asi nung' ghoah makcheameeda, aba gideaba gayghang'ata askwearjoojiga saang'a nea miighoah huumwa ng'asheesu.”

Giidaheechta 10:4

Ng'ata nyeashteaba giighweendanyeekiga asispwaan, abeeda ea neagasayi dang'waar, hean ghaayiinyi ghuuta leabu humng'eeda nea gwayi, “Aroora ng'asheesu rugu giighweendanyeekiga asispwaan, ak ea ading'waari.”