線上聖經

首頁
線上聖經
Matsiyù 2:4

Matsiyù 2:4 - Bible Dzùùngoo Unicode

⁴ Tɔ̀un, Saaka Jɔundzin neè, ko Sàrìryà Kaamoo reè gè o ge ni à re màr'là doùn, è twɛy sapɛ ladzyèè. È tey ci Ŋaablà Jaara Modzìàn na wù è kere min ?

參見章節 複製

Matsiyù 2:4
30 交叉參考

Kɛɛradzin neè faadziɛ 23:9

È bà màànkan brisi è re. Sàrìyà Kaamoo swey na ni, twɛy yè bà na Faridziɲɛn rèè raa kur'la mòdzin ì. Tɔ̀un, twɛy yè fù, yè e san gban. È ci: «Sààben fyan, ɲe na jààma pɛn jaɔ̀ kpir'lee ra waa. Tɔ̀ nìn yè bo à ra, kwey rìì goomaɔ̀ à ka ò, mɛ̀rɛ̀kɛ rìì to goomaɔ̀ à ka ò, tsi tɔ̀ ?»

Kɛɛradzin neè faadziɛ 6:12

Tɔ dèu tɔ̀ tsuru, yè mòdzian, ko bɔɔ rèè ko Sàrìyà Kaamoo reè sa pi son ji Etsiyɛnìn kpɛyn. Yè bè e mɛɛy à tsɛ tɔ̀un, y'à kun dɔ̀n be fààn na kitsi kunun kuru blàa mòdzin neè rè.

Matsiyù 21:23

Àyìwà, Yesù yè bè dɔ̀n Ŋaablà re gbà blàa doùn tɔ̀un, è maa è mòdzian kàr'na. À ni tɔ̀ kàr'nà nà, Saaka Jɔundzin neè ko Dzyèèsìbee mòdzin neè rè bɔɔ rèè yè nà e kpɛrɛ̀ à ra, y'à tey ci: «Dzi kɛn ni baraka ɲan wo nèe goo rèe rèè faa ? Tàà tsì rii yè è faa dzi siun wo ra ?»

Matsiyù 7:29

À ko è re Sàrìryà Kaamoo reè raa mòdzìn kàràùn'n kur'la naà soo waa. À na gooma barakama ì ka è kàr'na.

Kɛɛradzin neè faadziɛ 4:5

Àyìwà, tɔ̀ raa gbey rɔn, kitsi kunun kur'là mòdzin neè yè e si ladzyeè Yerusalɛmùn. Tɔ̀ na Dzyèèsìbee mòdzin neè kùntsii rèè ko bɔɔ rèè, ko Sàrìyà Kaamoo reè.

Yùxanà 18:3

Yesù ko e re kàràndzin neè ni tɔ̀ gàne rɔ̀n, Yudasì, tà ko kaadzin kuru sɔn yeè nà e kungɔ bo mɔn, Ŋaablà re gbà blàa kplatsuubaa rèè swey sa na ni è ka. Saaka Jɔundzin neè, ko Faridziɲɛn rèè rìì na twɛy ka naɔ è bà Yudasì tɛ̀y. È ci e ye nà bo, fìtsina rèè, ko kaan deunma rèè, ko màràmàge rèè rìì na ni è suun.

Yùxanà 8:3

Sàrìyà Kaamoo reè ko Faridziɲɛn rèè yè tàan sɔn kun na à re, yè nà à tsìì à jaaterema, ci ye tɔ̀ taàn kuɔn ɲànmɔ̀ɔ̀be ra.

Yùxanà 7:32

Jàmaà nìi sapɛ deè Yesù rè goò ɲàn sàn dzuun, Faridziɲɛn rèè toro yè ji tɔ̀ ɲan. Tɔ̀un, è ko Saaka Jɔundzin neè yè Ŋaablà re gbà blàa kplatsuubaa rèè swey ka, ci yè bè Yesù kun.

Yùxanà 3:10

Yesù ci: «Wo rìi tɔɔ̀ Isirayɛlì kàrànfa brìsi, wo na tɔ̀ tɔ̀ ɔ̀ ?

Lukì 23:10

Tɔ faa waatsi riì bwèy, tɔ̀ y'a tàrà, Saaka Jɔundzin neè ko Sàrìyà Kaamoo reè na ni, twɛy yè bà sɔn ɲaan ɲaan kaatsià sapɛ wɔɔ̀ à rà.

Lukì 20:19

Àwà, Yesù tà goomaa dèu tà tsuru min niì, tɔ̀ gàne soo ɲàn, Sàrìyà Kaamoo reè, ko Saaka Jɔundzin neè yè e maa, y'à gaa kunàma, kàtsu, è na à tɔ̀, ci Yesù nèe gooma bɔɔ rèe dè siɔ̀n ye rìì là. Ŋà, yè shi jàmaà jɔun.

Marikì 8:31

Àyìwà, tà shɔ̀ùn, à yè e maa è kàr'na. À ci è ra ci: «Fɔ Adamà dziàn yè byɛn cɛyn. Bɔɔ rèè, ko Saaka Jɔundzin neè ko Sàrìyà Kaamoo reè yè e nɔn à re, è vu. Bwèy zhììgi à saunmaà shɔ̀ùn, è sèè kpunan bo saàn ɲàn.»

Matsiyù 27:1

Àyìwà jia seroun, gbishɛɛ̀mà muri, Saaka Jɔundzin neè, ko Dzyèèsìbee mòdzin neè rè bɔɔ rèè yè e tsuù, yè byɛ̀n à mà ci Yesù yè vu.

Matsiyù 26:47

Àyìwà, è Yesù dzii to tɔ̀ goomaa nà ŋe, nìi Yudasì, kàràndzin teeŋ fii rèè sɔn, tɔ̀ yeè nà e kungɔ bo ko jàma brìsi ka, kaa faa kaamunun ì ko kɔn ì yè bà ni twɛy suun. Saaka Jɔundzin neè ko Dzyèèsìbee mòdzin neè rè bɔɔ rèè rìì na è kaɔ.

Matsiyù 26:3

Tà doùn, Saaka Jɔundzin neè, ko Dzyèèsìbee mòdzin neè rè bɔɔ rèè yè e si ladzyeè Saaka Jɔundzin blaa rè gàne rɔ̀n, tɔ̀ niì tsoo Kàyifè.

Matsiyù 21:15

Tɔ̀un, Saaka Jɔundzin neè ko Sàrìryà Kaamoo reè Yesù rè kabagoo goo fakɔɔn reè jà nìi fau, tà ko dziin nèè yè bà dziàn fààna Ŋaablà re gbà blàa fɔɔn doùn ci: «Tsoo dzi yeè ɲɛn màsà kpiri Dawudà tsua dziàn tsɛ», tɔ̀ yeè è vunun ta fɔ è bè geren.

Matsiyù 13:52

È dzin è ra ci: «Tɔ̀ kamà, Sàrìryà Kaamoo ge o ge ye ba Jìrànxɔɔ̀ Màsàbee doùn kàràndzin, tɔ bàa boo gbàtsi re, nìi gè ye ì ko gè bɔrɔɔ ì sa boò e re nàfòrò marama nɔ̀n.»

Matsiyù 2:3

Màsà kpiri Erodzì nàu tɔ̀ goomaa myɛ̀n, à akiri na tsuù waa, à ko Yerusalɛmunka reè sapɛ.

Matsiyù 2:5

Yè dzin à ra ci: «À Bɛtsilɛmùn wɔ̀ rɔ̀n nì, Yude mar'la ɲàn, kàtsu kɛɛraa sɔn y'a sɛbɛɔ̀n nèe tsuru ci:

跟著我們：

贊助商連結

廣告

廣告