Matsiyù 2:13 - Bible Dzùùngoo Unicode

¹³ Àwà, è bèumaà shɔ̀ùn, Ŋaablà re mɛ̀rɛ̀kɛ sɔn yeè e yɛrɛ kpadè Yusufù rà sìràn ɲàn, è dzin à ra ci: «Fù, e dziɛ̀n ko e naà sen, e vwɛ̀yn be è ka Misiran jamaan nɔn. Bè to mɔn, fɔ min nà dzin a ra, ci e sèè na, kàtsu Erodzì nà dziɛ̀n gaa, ci wo nà à vu.»

Matsiyù 2:13 交叉參考

Kɛɛradzin neè faadziɛ 12:11

Tɔ̀un, Piyɛrì akiri nàu à jà, è dzin ci: «Dòònuùn, mun y'à jàu ci à sààben taki rii. Mùn Tsìfaà yè e re mɛ̀rɛ̀kɛɛ̀ ka nau, è nà mun tsi bo Erodzì suun. Dzyèèsìbee mòdzin neè sàò to na ni yè gooɲaan ge o ge fa mun na, è mun tsi twɛy sa ra.»

Kɛɛradzin neè faadziɛ 10:7

Àwà, mɛ̀rɛ̀kɛɛ̀ gooma dou Kɔrɔnayì ka min niì, è geren. À gereun min niì, Kɔrɔnayì yè e re faagoofadzian fii kiri, ko kaadzin soo, tɔ ni à tɛyn faagoò rà fɔ waatsi gbaan, è bà shia Ŋaablà jɔun sa.

Kɛɛradzin neè faadziɛ 5:19

Ŋà, fen nɔ̀n, Ŋaablà yeè e re mɛ̀rɛ̀kɛ sɔn baji na, è nà kàsògbaà dzii san, è kɛɛradzin neè bo. À yè è bou, è dzin è ra ci:

Matsiyù 2:12

Twɛy goo rèè shɔ̀ùn, è ci e ye e kpɛyn sèè e fatsii doùn, Ŋaablà yeè è sɔ̀nmin sìràn ɲàn, ci è mà sèè be Erodzì kpà dɛ. Tɔ̀un, yè bo shi kpɛr'le, yè bè e fatsii doùn.

Matsiyù 1:20

À ni tɔ̀ goò kɛ̀sɛɛ̀ rà, Tsìfaà rè mɛ̀rɛ̀kɛ sɔn yeè e yɛrɛ kpadè à ra sìràn ɲàn, è dzin à ra ci: «Dawudà tsua dzin Yusufù, maà shi e Mariyamùn bà a re tààn waa. Don nìi yɛ à ɲan, à tɔ̀ seòn Ŋaablà re Dzi Fɛnɛɛ baraka rɔ̀n nì.

Matsiyù 2:16

Àyìwà, Erodzì y'à tɔu waatsi riì bwèy ci twɛ̀yfabaa rèè wò jàànfau, à vunun yè ta fɔ à yè bè geren. Tɔ̀un dziin gè o ge jii fii boo, ko gè o ge gbaɔ̀ jii fii mà, Bɛtsilɛmùn ko e dziire wɔ rèè ɲàn, è mòdzin ì ka bè, yè bè twɛy sapɛ vu. À tàànmàshɛ̀n tɔ reè teroun swɛɛ̀n jà waatsi riì mà, à tɔ̀ waatsia rìì jàtsi kuun, à y'à goò fa.

Goo kpàdèuma rèè 12:14

Tà doùn, bibi blaa tànman fiɛ̀ yè sìn taàn nà, è bà ni e tsyɛn bè jènjàà kor'nà doùn e re gàne rɔ̀n, à dziira nà gaa min niì fɔ jii zhiigi ko tara, è bà mɛnɛɔn myɛɛn jɔun mɔn.

Kɛɛradzin neè faadziɛ 16:36

Tɔ̀ sa yeè bè tɔ̀ goomaa dzi Polì ì tsɛ ci: «Kitsikun'neè kɛɛrɛbe ka naɔ, ci ye yè bàji. E dzia bo dòònuùn, y'a waa. Ŋaa yè bè e ko xɛɛrɛ tsi.»

Kɛɛradzin neè faadziɛ 10:22

Twɛy yè dzin ci: «Kaadzin kuntsii niì tsoo ci Kɔrɔnayì, tɔ̀ rii ɲe ka naɔ. À mòdzin tereonma, à Ŋaablà blabee, à tsoo dzi yeè bà ni Dzyèèsìbee mòdzin neè sapɛ dzu. Ŋaablà re mɛ̀rɛ̀kɛ sɔn y'a gaaŋnà à re, ci è wo kiri na e re tsii, ci gooma ni wo re, wo y'à dè à ra.»

Kɛɛradzin neè faadziɛ 7:19

Àwà, à na ba làyìrì modzìn waa, è ɲe re mòò rèè kuun'n kuru ɲaan fa. È bè wɔ, fɔ à y'à bà è mà fààn, ci yè e re dzinyɛy kereoma rèè maa, sànko yè san.

Matsiyù 10:23

Àwà, yè byɛnbee shì e ra nèe wɔ̀ rèe ɲan, ye vwɛ̀yn be nèe ɲan. Sààben na, mun nì ci e ra, sani ye yè Isirayɛli jamaan wɔ̀ rèè sapɛ dzii tsi dò, Adamà dziàn nà sèè na.

Goo kpàdèuma rèè 12:6

Taàn yè vwɛ̀yn dɔn bè jènjàà kor'nà doùn Ŋaablà na gàne sɔn lamɔ̀nɔunà à re mɔn, à nà bè to min niì, y'à dziira gaa è bè tàrà fɔ bwèy gbaa soo ko càànmoò fii, ko mùey.

Goo kpàdèuma rèè 12:4

À kplaa yè jìran nɔ̀n swɛyn nèè tara zhiigia tara soo fla bo mɔn, è maa dzɔ̀nxɔɔ̀ tsɛ. Tɔ̀un, kparan ɲaan yè bè e tsiì taàn donkunkɔɔn jaaterema, à y'à dziàn shù tsùù, à ye kere min niì, wò y'a ɲɔn bo mɔn.

Matsiyù 2:22

Àwà à myɛ̀unmaà à re ci Arikelayusì rìì tsùuŋnà Yude mar'la màsàbee tsɛ e fa Erodzì tsɔ̀saan ɲàn, mɔn bèè y'à shi. Tɔ̀un Ŋaablà y'a sɔ̀nmiun sìràn ɲàn, è dɔ̀n be Galile mar'lɔùn.

Matsiyù 2:14

Yusufù yè fù tɔ̀un fen nɔ̀n, è dziɛ̀n ko e naà sen, yè dɔ̀n be Misiran jamaan nɔn, yè bè e mɛnɛn mɔn.

Kɛɛradzin neè faadziɛ 12:7

Tɔ̀un, mùn Tsìfaà rè mɛ̀rɛ̀kɛ sɔn yeè nà bàràma bo jaa soo. Kàsò gbaà doòn sapɛ yeè bà vyevyee brìsi tà nɔ̀nkɔɔrɔn. Mɛ̀rɛ̀kɛɛ̀ yè Piyɛrì màban ban e gaakaa rà, à y'à kpunan, ci è fù tabe tabe. Tɔ̀ nɔ̀nkɔɔrɔn ko e sa, jɔ̀rɔ̀kɔ reè yè tɔrɔn bo Piyɛrì si rèè rà.