線上聖經

首頁
線上聖經
Matsiyù 10:2

Matsiyù 10:2 - Bible Dzùùngoo Unicode

² Twɛy mòkun teeŋ fii nìì reè kiriu kɛɛradzin neè, twɛy tsoo rèè rìì siin nèe: jɔ̀naà tsoo Shimɔ̀n, à tsoò sɔn, ci Piyɛrì. Tɔ̀ raa tseyn nìi tsoo Andère, tɔ̀ yeè gban. Zhebedè dzin kpiri Yàkubà ko Yùxanà yè gban.

參見章節 複製

Matsiyù 10:2
44 交叉參考

Matsiyù 17:1

Àyìwà bwèy tsùnmɛn tà shɔ̀ùn, Yesù yè Piyɛrì, ko Yàkubà, ko tɔ̀ raa keresi Yùxanà kiri gban e ra, è bè tèyn è ka jèn gbààn sɔn tsɛ, yè bà ni mɔn e si.

Matsiyù 20:20

Tà doùn, nìi Zhebedè raa tààn, tɔ̀ yeè nà e kpɛrɛ̀ e dzin kpiri fiɛ̀ ka Yesù rà, è kunun gban à bììn, à y'à gaa à re, ci è goo sɔn fa wò re.

Matsiyù 26:37

À bèkɔɔn, è Piyɛrì ko Zhebedè dzin kpiri fii rèè kiri bà e tɛy. Tɔ̀un à taama yè nà e maa è ŋununbee, à duungoo yeè bà doò.

Matsiyù 4:18

Àwà sii sɔn see, Yesù jììkɔɔn Galile yu blàa dziire, è keresima mokun fii jà. Soo tsoo Shimɔ̀n, yè bà à kir'là sa Piyɛrì, soo tsoo yè bà Andère, Shimɔ̀n naa keresia. Twɛy na ni yɔ̀ maa rii là yu rɔ̀n, kàtsu è na jikunbaa ì rìì.

Matsiyù 4:21

È kpɛrɛ̀ bèu jɔun kɔn, è keresima fii kpɛrɛ jà. Soo tsoo Yàkubà, soo tsoo yè bà Yùxanà, è fàà tsoo Zhebedè. Twɛy na ni e fa Zhebedè ka konkor'na doùn, yè bà e re yɔ̀ rèè lamɔn'na. Tɔ̀un, Yesù yè è kiri.

Marikì 1:29

Àyìwà, Yesù bou tɔ̀un ŋaablabegbaà doùn, à ko kàràndzin neè yè dɔ̀n be Shimɔ̀n ko Andère re tsii, Yàkubà ko Yùxanà sa yeè bà ni è ka.

Marikì 13:3

Tà shɔ̀ùn, Yesù yè bè e tsuù oliviku rèè jèèn tsɛ, à jaa yè bà kereò Ŋaablà re gbà blàa rà. À ni mɔn, Piyɛrì, ko Yàkubà, ko Yùxanà, ko Andère yeè b'a tey e si.

Marikì 6:30

Àyìwà, kɛɛradzin neè daun yè bo jìɛ̀ rà, yè nà e ladzyèè Yesù tɛyn. È goo o goo fau jìɛ̀ doùn, ko è goo o goo kàraun mòdzian nà, yè tɔ̀ sapɛ lakɛ̀ɛ̀y à ra.

Lukì 11:49

Tɔ̀ rii y'à to, Ŋaablà re akiriblabeè doùn, è bà na à deò nèe tsuru ci: "Mun nà n ne kɛɛra ì, ko kɛɛradzin ì ka bè è re. È nà swey vu, yè swey byɛn."»

Lukì 22:14

Àyìwà, ɲwɛɛ̀n waatsi nàu wɔ, Yesù ko e re kɛɛradzin neè yè bè e tsuù ɲwɛɛ̀n nà.

Lukì 22:8

Tɔ̀ ɲan, Yesù yè Piyɛrì ko Yùxanà ka. È dzin è ra ci: «Ye bè Geren n tsɛɛ̀ sɛr'là ɲwɛyn goo jaa bo tsùù mùn ne.»

Lukì 5:10

Mòkun fii nìì reè na ni ko Shimɔ̀n ka, tɔ̀ na Zhebede tsoo sɔn naa dzin kpiri fii. Twɛy tsoo na Yàkubà ko Yùxanà. Twɛy sa ɲɛyn na shɛɔn tà tsuru. Tɔ̀un, Yesù yè dzin Shimɔ̀n nà ci: «Maà shi waa ! È sen dòònuùn nà, wo nà bà mòdzin ì nì gaa, yè bà Ŋaablà raa jàci wo na ji rèè kuàn nìi tsuru.»

Lukì 9:10

Àyìwà, kɛɛradzin neè sèè nau waatsi riì bwèy yè bo jìɛ̀ rà, è goo o goo fau jìɛ̀ doùn, yè nà tɔ̀ sapɛ lakɛ̀ɛ̀y Yesù rà. Tɔ̀un, Yesù yè fù è ka, è bo è ka mòdzian tɛyn, yè bè fɔ wɔ̀ sɔn kpakèrè ci Bɛtsisayidà.

Yùxanà 12:22

Kàràndzin neè ɲàn, nìi tsoo Andère, Fìlipù yè b'a jaa dè tɔ̀ ra. Tà shɔ̀ùn, è fiɛ̀ sa yeè dzi Yesù tsɛ, y'à jaa dè à ra.

Yùxanà 13:23

Tɔ̀ y'a tàrà, kàràndzin neè mòò sɔn na ni, Yesù na nìi kɛ̀niɔ̀n. È tsùuŋmaà ɲwɛɛ̀n nà yè e nɔnkɔ̀nma, tɔ̀ kàràndzian na sàraɔ̀ Yesù ra ceu.

Yùxanà 20:2

Tɔ̀un, è vwɛ̀yn be, è b'a jaa dè Shimɔn Piyɛr'là, tà ko kàràndzin niì goo na dzi Yesù rà. À ci è ra ci: «È Tsìfaà sen bou fùnkɔɔ doùn, ɲe to na à tɔ̀, y'à jiɔ̀ min niì waa.»

Yùxanà 21:2

Shimɔn Piyɛrì tà ko Tomà, tɔ̀ niì kir'là fìrìkàmaa ko Natanayɛlì è bo Kanà wɔ̀ rɔ̀n, Galile mar'la ɲàn, ko Zhebedè raa dzin kpir'leè ko kàràndzin fii kpɛ̀rɛ̀kuru ì twɛy sapɛ na ni esire.

Yùxanà 21:20

À yè è to tɔ̀ goomaa nà, Yesù kàràndzin niì kɛ̀niɔ̀n, Piyɛrì yè e jaa kere, è tɔ̀ nàkɔɔn ja è kpɛyn. Tɔ̀ kàràndzian nì na e kanman beò Yesù ɲìɛ̀ kpàkèrè ɲwɛyn ɲɔnma nɔ̀n, à y'à tey ci: «Tsìfaà, tsì rii wo jàànfabaà ?»

Yùxanà 21:24

Tɔ̀ kàràndzin soo rìì twɛy goo rèè shɛɛrɛbe faa, wò rii to yè sɛbɛɔ̀n. Ɲe sa y'a tɔ̀, ci à re shɛɛrɛbee sààben.

Yùxanà 6:67

Tà doùn, Yesù yè e re kàràndzin teeŋ fii rèè sa tey ci: «Ye do, à na ni ye sa duùn ye y'à waa gbɛ ?»

Yùxanà 6:70

Yesù yè dzin è ra ci: «Mun nì na ye mòkun teeŋ fiɛ̀ sa bo n jaa ra ɔ ? Ŋà, mòò sɔn ni ye ɲan, tɔ Sànwɔbaà rè mòdzin !»

Yùxanà 6:71

À re kàràndzin neè ɲàn, nìi tsoo na Yudasì, à fàà tsoo yè bà Shimɔn Sikariyɔtsì, à na tɔ̀ rii gooma deè tɔ̀ tsuru. Wò rii na Yesù jàànfabaà, tà to y'à tàrà, à sa na Yesù rè kàràndzin teeŋ fii rèè sɔn ni.

Yùxanà 6:8

Shimɔn Piyɛr'laa tseyn kpiri Andère, è bà Yesù rè kàràndzian sɔn, tɔ̀ yeè dzin à ra ci:

Kɛɛradzin neè faadziɛ 1:13

È nàu wɔ Yerusalɛmùn, è dɛ̀rɔɔ̀n yè e si ladzyee sangaso nìi doùn, yè bè dɔ̀n mɔn. À na Piyɛrì, ko Yùxanà, ko Yàkubà, ko Andère, ko Fìlipù, ko Tomà, ko Batelemin, ko Matsiyù, ko Àlifù raa dzin kpiri Yàkubà, ko Shimɔ̀n, nìi kir'là ci Zhèlɔtsì fàtsiɛ kùùnkààfabaà, tɔ̀ yeè kòmànà ɲɛn Yàkubà raa dzin kpiri Yudè tsɛ.

Kɛɛradzin neè faadziɛ 1:26

Àwà, è Ŋaablà mafyɛ̀n dòu tà tsuru waatsi riì bwèy, yè kaan ji. È kaan jiu, kaan yè Matsiyasì rìì kpàdè. Tɔ̀un, Matsiyasì yè bà kɛɛradzin neè dzyee teeŋ sɔɔn tɛ̀y.

Kɛɛradzin neè faadziɛ 12:2

Tɔ̀un, nìi kɛɛradzin Yùxanà raa tsìnà kpiri Yàkubà, à y'à to, yè tɔ̀ vu kaamunun ka.

Kɛɛradzin neè faadziɛ 3:1

Àyìwà, sii sɔn see ɲɛ̀rɛɛ̀ rà, è dɛ̀rɔɔ̀n yè Ŋaablà blabee waatsi riì ɲàn, Piyɛrì ko Yùxanà yè fù, yè dɔ̀n be Ŋaablà re gbà blàa rà esire.

Korɛntsika reè jɔ̀naà 15:7

Tà shɔ̀ùn kɔn è yɛrɛ kpadè Yàkubà rà, tà ko è yɛrɛ kpadè kɛɛradzin neè sapɛ ra.

Efɛsika reè 4:11

Wò rii swey bou yè bà kɛɛradzin ì, swey yè bà kɛɛra ì, swey yè bà kùnàgòòdzìùdebaa ì, swey yè bà kplatsuubaa ì ko kààmoo ì.

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Piyɛrì jɔ̀naà 1:1

Mun Piyɛrì, Yesù Kirisà rè kɛɛradzian, nèe mun ne sɛbɛn, è sìn Ŋaablà jaara moo rèè rà, twɛy nìì reè jee jiɔ̀ yè bà ni tɔnɔnbee rà Pɔn mar'la, ko Galatsi mar'la, ko Kapadɔsi mar'la, ko Azhi mar'la, ko Bitsinin mar'la ɲàn.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Yùxanà fiiraa 1:1

Mun ɲɛynamoo kur'là bɔɔ̀, nèe mun ne sɛbɛn, è sìn Ŋaablà re tàan ɲankɛrɛunmaà ko e dzin nèè rà, mun twɛy nìì reè kɛ̀niɔ̀n è ɲɛn sààbeen tsɛ. À na mun soo re è kɛ̀niunma waa, ŋà nìì reè sapɛ rii sààbeen tɔɔ̀.

Yùxanà zhììgìraa 1:1

Mun ɲɛynamoo kur'là bɔɔ̀, nèe mun ne sɛbɛn, è sìn wo Gayusì rà, wo rìi mun ne kɛ̀niunmaà, min bà wo kɛ̀niɔ̀n sààbeen tsɛ.

Goo kpàdèuma rèè 1:1

Àyìwà, nèe Yesù Kirisà rè goo kpàdèuma, Ŋaabla nìi wɔu à suun, è bà ni à kpàdè e re jòn nèè rà, nìi nà fa sani dɛyn. Tà doùn, Yesù sa yeè e re mɛ̀rɛ̀kɛɛ̀ ka e re jòn kpiri Yùxanà rè, à y'à goò rèè kpàdè tɔ̀ ra.

Goo kpàdèuma rèè 1:9

Àyìwà mun Yùxanà, ye neema kpir'la, ko ye byɛnbefasià è ɲɛn Yesù rè goo rèè tsɛ, ye ko mun sa yeè bà soo à re màsàbee doùn, mìn bà e mɔɲɔɔ̀n à kamà, mun kun bèu Patsimɔsì kòòyua fi dzɔ̀nxɔ̀ gane sɔn ɲan, Ŋaablà re Goomaa ko Yesù rè shɛɛrɛbee yè bà saabu.

Goo kpàdèuma rèè 18:20

Jìrànxɔɔ̀, a taama dzibe ! Ŋaa re mòdzin neè, ko kɛɛradzin neè, ko Ŋaa re kɛɛra reè, e sa yeè e taama dzibe ! Ye taama dzibe, kàtsu Ŋaabla kitsia kùnuun à tsɛ, è tɔ̀ ka ye tsìì sàrà à ɲan.»

Goo kpàdèuma rèè 22:8

Mun Yùxanà, mun twɛy goo rèè myɛ̀un, mun yè è jà. È myɛ̀unmaà, mun yè è jà, mɛ̀rɛ̀kɛ rìi yè è kpàdèu mun na, min kunun gban ji tɔ̀ bììn, ci mun nà n kuu m'a blàbe.

跟著我們：

贊助商連結

廣告

廣告