線上聖經

首頁
線上聖經
Tsìmotè jɔ̀naà 6:12

Tsìmotè jɔ̀naà 6:12 - Bible Dzùùngoo Unicode

¹² Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.

參見章節 複製

Tsìmotè jɔ̀naà 6:12
39 交叉參考

Korɛntsika reè fiiraa 6:7

Mùn y'a kpàdèe sààbeen goomaa ka, Ŋaablà re dzibaabee ka, terenbee kaa faa gè rèè ka, nìi yɛ ɲaàn kpɛyn kaa raa rèè, ko yɛ̀rɛ̀ tsɛ̀ shua raa rèè.

Korɛntsika reè fiiraa 9:13

Àwà tɔ̀ faagoò nàfaà kamà, è nà nɔɔrɔ ɲɛn Ŋaablà tsɛ è ɲɛn Kirisà rè Kùnàgoo Dziɔ̀ kuun'n kur'la tsɛ ye re, è kòrò ye dèvuà ka. Tà ko ye yè e si forou nìi tsuru ye yè e ko è sa ba soo, ko dzyee rèè sapɛ.

Filipika reè 1:30

Ye mun jàu tɔ̀ sikun niì rà m'a faa, ye toro yè bà à myɛ̀ɛn arì she ci mun ni à ra, ye sa ni tɔ̀ soo rìì là.

Kolosika reè 3:15

Arì she Kirisà rè jaanciàn yè kùntsììbee sen e dusùkuan tsɛ, e kiriɔ tɔ̀ niì kamà, ye bà gɔnkungɔ soo. Ye bà goowuutɔbaa ì Ŋaablà kajaa tsɛ !

Tesalonikika reè jɔ̀naà 2:12

Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

Tesalonikika reè fiiraa 2:14

À ye kiriu ɲe re Kùnàgoo Dziɔ̀ baraka rɔ̀n tɔ̀ rii sa kamà, gè riì ni à to ye nìn yè jà mùn Tsìfa Yesù Kirisà nɔɔrɔɔ̀ ɲàn.

Tsìmotè jɔ̀naà 1:18

Mun dzin Tsìmotè, mun nèe goo rèe kɛ̀ɛ̀yfaa wo mà, è kòrò kɛɛrabe goòmà dè dɔ̀unma rèè ka wo tsɛ, wo yè bà ni kaa wùɔ fa, twɛy baraka ɲan.

Tsìmotè jɔ̀naà 1:19

Tɔ̀ fa, e ɲɛynaà màrà ko kɛ̀sɛmà wùù ka. Swey tɔ̀ akir'là maaŋ, è bà baragoò è mà ɲɛynaà kàjaa tsɛ.

Tsìmotè jɔ̀naà 4:14

Ŋaablà ɲanwùɔ kwɛ̀yge rìi sìun a ra, è ɲɛn kɛɛrabe goòmà tsɛ, ko ɲɛynamoo kur'là bɔɔ rèè si tsùuŋmaà a tsɛ, m'a tɔ̀ bo a si bònè waa.

Tsìmotè jɔ̀naà 6:13

Ŋaablà riì jaamabee sìan gè sapɛ ra, ko Yesù Kirisà rìi shɛɛrɛbe wuu bou Pɔɔnsi Pilatsì jaaterema, twɛy jaa ra, mun nìi jia wo jɔun, tɔ̀ rii siin:

Tsìmotè jɔ̀naà 6:19

Tà tsuru è nà nàforo ladzyèè tsùù gàne gban gban ɲan e jɔun gbey, yè bà ni jaamabe takia tàrà.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Tsìmotè fiiraa 2:2

Wo nìi myɛ̀un mun dzu shɛɛrɛ giri jaa ra, tɔ̀ kɛ̀ɛ̀yfa mòdzin ì mà a ɲɛɔ̀n nìì reè rà, è sa yeè bà dzia à kàràn mòò kpɛrɛ ì rà.

Tsìmotè fiiraa 4:7

Mun kaa wùɔ fau, min vwɛ̀ɛ̀ fa wɔ e daùn, min ɲɛynaà màrà.

Dzyèèsìbee mòdzin neè 13:23

Àyìwà, ye bà à tɔ̀, ci è mùn neema kpiri Tsìmotè bàjiu. À ye dzi mun tsɛ tabe, à ko mun nà bè ye kpà, mìn bè ye siin.

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

Dzyèèsìbee mòdzin neè 6:18

Àwà, làyir'là ko kɛ̀ɛ̀, twɛy goo blà bla fiɛ̀ na dzia lakere waa. Ŋaablà to yè bà ni doò dè è doùn, tɔ̀ na dzia fa waa. Ɲe nìì reè vwɛ̀rɔɔ̀n ɲe yè e kungɔ mɛnɛn Ŋaablà re, tɔ̀ goò ɲe màxɔ̀ɔn cèreoma, à y'à to ɲe ye e si xɔbe arì she Ŋaablà re làyiri seunmaà tsɛ ɲe re.

Piyɛrì jɔ̀naà 3:9

E maà ɲaan ka ɲaan sarà, e to mà ɲɛ̀yn ka ɲɛ̀yn sarà. Ŋà ye dzwɛ rìì ji, è ɲɛn à tsɛ ye kiriɔ tɔ̀ rii là, nìi yɛ ye yè dzwɛɛ̀ tàrà shɛn.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Yùxanà jɔ̀naà 2:25

À nìi làyiri seòn mùn ne, tɔ̀ rii yɛ jaamabe dziù dòbɛɛ.

Yudè 1:3

Mun ne kɛ̀niunma rèè, mùn sa dzyèeŋnà tsii rìi mà, mun sàò na ni min goo sapɛ ko e kuru fa, min sɛbɛn ka ye re tɔ̀ kàjaa tsɛ. Ŋà, à bàu mun mà fààn, min nèe sɛbɛn nee ka ye re, m'a ka ye màxɔ̀n ye yè bà ni ɲɛynaà kaà fa, tɔ̀ niì sìun Ŋaablà re mòò rèè rà jaa soo pe.

Goo kpàdèuma rèè 3:3

Wo nìi tàrau, tà ko w'a myɛ̀n, a taa to tɔ̀ re, a màrà. Nimisa, e làkere taki dɔn a re jaamabee doùn. Wo m'a a jaara tsiì, mun nà nà a ci shɔn, min nà bàràma wo ɲan. Wo fa mun nà bwey tɔ̀ waa.

跟著我們：

贊助商連結

廣告

廣告