線上聖經

首頁
線上聖經
Tsìmotè jɔ̀naà 4:8

Tsìmotè jɔ̀naà 4:8 - Bible Dzùùngoo Unicode

⁸ E a gɔɔ̀n dɛ̀ɛ̀y ɲuun fa ra, tɔ̀ nàfaà dzyɛ̀n, ŋà nàfa ni nìi ɲàn è geren, tɔ̀ rii Ŋaablà jɔun shiɲaanbeè, è ɲɛn à tsɛ jaamabee làyir'là seòn tɔ̀ rii ɲàn she ko gbey sa.

參見章節 複製

Tsìmotè jɔ̀naà 4:8
52 交叉參考

Matsiyù 12:32

Mòò o moò ye de dɔ̀n Adamà dziàn ɲàn, Ŋaablà nà e yɛrɛ to tɔ̀ tsìfa re tɔ̀ ra. Ŋà mòò o moò ye de dɔ̀n Ŋaablà re Dzi Fɛnɛɛ ɲàn Ŋaablà fa e yɛrɛ to tɔ̀ tsìfa re she, à fa e yɛrɛ to à re gbey.

Matsiyù 19:29

Àwà, mòò o moò to nà kaari e re gbà rèè shɔ̀ùn, è kaari e tseyn nèè, tàmafa e tsinà rèè, tàmafa e naà, tàmafa e faà, tàmafa e dzin nèè, tàmafa e re dzù rèè shɔ̀ùn mun tsoò kamà, tɔ nà twɛy tsuru càànmoò tàrà, è sèè kɔn è jaamabe dziù dòbɛɛ tàrà shɛn.

Matsiyù 6:33

Ye Ŋaablà re Màsàbee ko à re terenbee rìì gaa ŋe. Tɔ̀ ye fa, twɛy gè rèè sapɛ nà sìn ye ra, è bà twɛy tɛ̀y.

Marikì 10:30

tɔ̀ tsìfa nà twɛy gè rèè tsuru càànmoò mòò tàrà mìin dziɲan ree doùn. À nà gba ì tàrà, è tseyn ko tsina ì tàrà, è na ì tàrà, è dzin ì tàrà, è dzu ì tàrà, è byɛnbe ì sa tarà. Waatsi nakɔɔn doùn, è jaamabe dziù dòbɛɛ tàrà.

Lukì 5:38

Tɔ̀ kamà, dɔ̀ɔ̀ yɛɛ̀ wù è ji vɔ̀rɔ̀ ye ì doùn.

Ɔ̀rɔ̀mùnka reè 8:28

Mùn y'a tɔ̀ sa, ci goò sapɛ faagoò faa esire, è goowùù fa Ŋaablà kɛnbaa rèè rà, nìì reè sapɛ kiriɔ è kòrò à re goo sɔ̀n byɛunmaà ka.

Korɛntsika reè jɔ̀naà 3:22

Polì ò, Apolɔsì ò, Piyɛrì ò, dziɲaan ò, jaamabee ò, saàn ò, she goo rèè ò, gbey goo rèè o, à sapɛ ye raa.

Korɛntsika reè jɔ̀naà 8:8

Àwà ɲwɛyn nì fa mùn kpɛ̀rɛ̀ Ŋaablà ra waa. Mùn y'a ɲɔun o tɔ̀ fa gè bà mùn tɛ̀y, mùn to na à ɲɔn ò tɔ̀ fa gè bo mùn na.

Tsìmotè jɔ̀naà 4:7

Tàànbɔ̀ɔ̀rìì sina niì reè ko Ŋaabla goòmàà na byɛɛ̀n waa, twɛy jà e to mɔn, a yɛrɛ karàn Ŋaablà jɔun shiɲaanbeè rìì là.

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Tsìmotè jɔ̀naà 6:5

ko sɔ̀swɛy xɔù dòbɛy mòdzin akiri barauma ì ko e si fi, sààbeen na ni è ɲan waa, è to yè bà Ŋaablà jɔun shiɲaanbeè jàa tɔ̀nɔ̀n tàrà shi.

Tsìmotè jɔ̀naà 6:6

À sààben, Ŋaablà jɔun shiɲaanbeè tɔ̀nɔ̀n tàrà shi blà, ŋà fɔ a suun naà yè bà a jaa cɛɛ̀n.

Tsìmotè fiiraa 3:5

Yè e yɛrɛ baà ci ye shia Ŋaablà jɔun, tɔ̀ to y'à tàrà è na e tsiiŋnà à ɲan dzibaabee rà waa. A dan gbànbe twɛy mòdzin neè rà.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Dzyèèsìbee mòdzin neè 13:9

E maà à to mòò pɛn yè e san fìrì ko kàràn kpɛrɛ ì ka, e na nìi tɔ̀ waa. Àwà, à wùɔ rìì yɛ, Ŋaablà ɲanwùɔ yè fààn wɔ mùn ɲan, sani ɲwɛyn goo shi yeè tɔ̀ fa. Nìì reè gbaɔn ɲwɛyn goo shià raa goo rèè kpɛyn, tɔ̀ na gèsɔn pɛn wùbee twɛy mà waa.

Yùxanà jɔ̀naà 2:25

À nìi làyiri seòn mùn ne, tɔ̀ rii yɛ jaamabe dziù dòbɛɛ.

Goo kpàdèuma rèè 3:12

Mòò riì ye ba dzibaa, mun nà tɔ̀ bà n ne Ŋaablà re gbà blàa doùn tsindzin, à fa bo jà min niì dɛ. Mun nà n ne Ŋaablà tsoò sɛbɛn à tsìfa tsɛ, min Yerusalɛmun yee tsoò sɛbɛn à tsɛ, tɔ̀ niì mun ne Ŋaablàa rè wɔ̀, nìi nà jàà bo na à tɛyn jìrànxɔɔ̀ doùn, min tsoo ye sa sɛbɛn à tsìfa tsɛ.

Goo kpàdèuma rèè 3:21

Mòò riì ye ba dzibaa, mun nà tɔ̀ tsùù n ka n ne màsà gbaaniɛn tsɛ, a ci mun sa bàu dzibaa nìi tsuru, min bè n tsuù n Fa Ŋaablà ka e re màsà gbaaniɛn tsɛ.

跟著我們：

贊助商連結

廣告

廣告