線上聖經

首頁
線上聖經
Tsìmotè jɔ̀naà 4:7

Tsìmotè jɔ̀naà 4:7 - Bible Dzùùngoo Unicode

⁷ Tàànbɔ̀ɔ̀rìì sina niì reè ko Ŋaabla goòmàà na byɛɛ̀n waa, twɛy jà e to mɔn, a yɛrɛ karàn Ŋaablà jɔun shiɲaanbeè rìì là.

參見章節 複製

Tsìmotè jɔ̀naà 4:7
20 交叉參考

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Tsìmotè jɔ̀naà 1:4

Ci è mà e shi sina cee goòmà ì ko buruju gbaan goòmà ì nà, twɛ̀y nìì rèe nàa sɔ̀swɛy giri ka sani yè Ŋaablà raa goò kuun'n kuru wuu kpadè mòò rà, tɔ̀ niì gbaɔn ɲɛynaà tsɛ.

Tsìmotè jɔ̀naà 1:9

Mìn nèe fàànmun: sàrìyaa na tsùuŋnà mòdzin tereonmaà kamà waa fɔ terenbɛy reè, ko mòdzin mabaunma rèè, ko nìì reè na shia Ŋaablà jɔun waa, ko gooɲaan fa reè, ko nìì reè màgoo na ni Ŋaablà ɲan waa, ko Ŋaabla tɔ bɛy reè, ko nìì reè yè e fa vua, nìì reè yè na vua, ko mòdzìn vu reè.

Tsìmotè jɔ̀naà 2:10

Ŋà è raa màwɔɔ ye byɛ̀n faadzii wuu ì rìì mà, a ci tàan nìì reè ci ye shia Ŋaablà jɔun, twɛy raa faadziɛ ni nìi tsuru.

Tsìmotè jɔ̀naà 3:16

Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

Tsìmotè jɔ̀naà 4:8

E a gɔɔ̀n dɛ̀ɛ̀y ɲuun fa ra, tɔ̀ nàfaà dzyɛ̀n, ŋà nàfa ni nìi ɲàn è geren, tɔ̀ rii Ŋaablà jɔun shiɲaanbeè, è ɲɛn à tsɛ jaamabee làyir'là seòn tɔ̀ rii ɲàn she ko gbey sa.

Tsìmotè jɔ̀naà 6:11

Ŋà nìi wo, Ŋaablà re mòdzian, vwɛ̀yn twɛy goo rèè jɔun. A gban nìì reè kpɛyn, tɔ̀ rii yɛ terenbee, ko Ŋaablà jɔun shiɲaanbee, ko ɲɛynaà, ko kɛ̀nbààbee, ko mɔ̀ɲɔɔn, ko vununmadzibeè.

Tsìmotè jɔ̀naà 6:20

Àwà Tsìmotè, nìi kɛ̀ɛ̀yfaunà a ma, tɔ̀ màrà. Gooma nafà bɛy reè, nìì reè ko Ŋaabla goòmàà na byɛɛ̀n, e twɛy jɔun bo. È to twɛ̀y goòmà nìì reè ka sɔ̀swɛy faa, sààben to na ni è ɲan waa, e twɛy sa jɔun bo.

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Tsìmotè jɔ̀naà 6:5

ko sɔ̀swɛy xɔù dòbɛy mòdzin akiri barauma ì ko e si fi, sààbeen na ni è ɲan waa, è to yè bà Ŋaablà jɔun shiɲaanbeè jàa tɔ̀nɔ̀n tàrà shi.

Tsìmotè fiiraa 2:16

Gooma nafà bɛy niì reè ko Ŋaabla goòmàà na byɛɛ̀n waa, twɛy jɔun bo. Nìì reè ni è fyɛ̀ùn, twɛy bèe jɔun Ŋaablà jɔun shiɲaanbɛybeè ɲàn.

Tsìmotè fiiraa 2:23

Sɔ̀swɛy gɔ̀rɔ̀, akiribɛy goòmà rèè jɔun bo. W'a tɔ̀, ci twɛy nàa kaà rìì ka.

Tsìmotè fiiraa 3:12

Àwà, nìì reè sapɛ sao ni yè e re jaamabee fa Ŋaablà jɔun shiɲaanbe tsɛ Yesù Kirisà ɲàn, byɛnbe nà ɲɛn twɛy sapɛ tsɛ.

Tsìmotè fiiraa 3:5

Yè e yɛrɛ baà ci ye shia Ŋaablà jɔun, tɔ̀ to y'à tàrà è na e tsiiŋnà à ɲan dzibaabee rà waa. A dan gbànbe twɛy mòdzin neè rà.

Tsìmotè fiiraa 4:4

È nà e toro bo sààbeen goomaa ɲàn, yè toro wɔ sina cee goòmà rèè rè.

Tsitè 1:14

Ci è mà e shi Dzyèèsìbee mòdzin neè rè sina cee goòmà ì nà waa, è to mà e gban mòdzin maana ì nè sàrìya ì kpɛyn waa, twɛy nìì reè yè e bon wɔɔ sààbeen rà.

Tsitè 2:12

Tɔ̀ rii mùn kàr'na mìn sèè bo Ŋaablà jɔun shiɲaanbɛybeè kpɛyn, mìn nɔn nèe dziɲan ree kur'la goo ɲaan neè mà, mìn e re jaamabee fa nèe waatsi ree ɲan akiri ka, terenbe ka, ko Ŋaablà jɔun shiɲaanbe tsɛ.

Tsitè 3:9

Ŋà nìi sɔ̀swɛy gɔ̀r'leè, ko buruju gbaan goòmà rèè, ko kaa goòmà rèè, ko sàrìyaa tsɛ raa dziira sɔswɛɛ, twɛy jɔun bo. È ɲɛn à tsɛ, kùn na ni à ra, nàfa to na ni à ɲan.

Dzyèèsìbee mòdzin neè 5:14

Nìi ɲwɛyn màxɔɔ̀, mòòbɔɔ rèè rìì tɔ̀ ɲɔɔ̀n. È yè e akir'là dɛ̀rɔɔ̀n è goowùɔ ko gooɲaan tɔ̀ bo e si ɲan.

跟著我們：

贊助商連結

廣告

廣告