線上聖經

首頁
線上聖經
Tsìmotè jɔ̀naà 4:6

Tsìmotè jɔ̀naà 4:6 - Bible Dzùùngoo Unicode

⁶ Àwà wo ye neema reè kàràn tɔ̀ ra, wo nà bà Yesù Kirisà rè faagoofadzin wuu, ɲɛynaà gooma reè ko kàràn wùɔ baɔ̀ wo xɔɔn ɲwɛyndzii, wo y'à gbaɔn twɛ̀y nìì ree kpɛyn.

參見章節 複製

Tsìmotè jɔ̀naà 4:6
39 交叉參考

Matsiyù 13:52

È dzin è ra ci: «Tɔ̀ kamà, Sàrìryà Kaamoo ge o ge ye ba Jìrànxɔɔ̀ Màsàbee doùn kàràndzin, tɔ bàa boo gbàtsi re, nìi gè ye ì ko gè bɔrɔɔ ì sa boò e re nàfòrò marama nɔ̀n.»

Kɛɛradzin neè faadziɛ 1:15

Àwà, sii sɔn see, kàràndzin neè yè nà e ladzyèè kɔn, è giribee yè bà na mòkun caànmoò ko dzin mòò boò. Tɔ̀ sii sèè, nìi Piyɛrì, tɔ̀ yeè fù, è tsiì è fi, è dzin nèe tsuru ci:

Kɛɛradzin neè faadziɛ 20:31

Tà doùn, e maà cìi dɛ ! Ye e taa to, ci è bè tàrà fɔ jii zhiigi feèn ko bwèè sa, kudɛyn, mun na ye mòò sɔ̀n sɔ̀nkɔɔn sapɛ latsia fɔ mun bèe jaayu boò waatsia sɔn ɲan.

Kɛɛradzin neè faadziɛ 20:35

Min niì sapɛ, mun na à kpàdèe ye ra kudɛyn, ci ye faagoò fa tɔ̀ tsuru, ye wɔ gbakɔɔn reè rà. Tsìfa Yesù nìi dèu, mìn taa to tɔ̀ re. À dziun ci: "E mòò kɔ̀, dzwɛ ni tɔ̀ rii ɲàn, è geren mòò y'à kɔ."»

Ɔ̀rɔ̀mùnka reè 15:15

Ŋà min bà ni ye taa to, min kuùn xɔbeu min sɛbɛn fa kàjaa reè swey tsɛ ye re, è ɲɛn Ŋaablà ɲanwùɔ tsɛ, à tɔ̀ niì faɔ̀ mun ne.

Korɛntsika reè jɔ̀naà 4:17

Tɔ̀ rii kamà, mun Tsìmotè kaà ye re, mun dzin kpiri kɛniunmaà, è bà vusootsi Tsìfaà ɲàn. Mun yè n ne jaamabee shi jiɛ nìi tsuru Kirisà ɲàn, a ci mun y'à kàr'na nìi tsuru min niì sapɛ, ɲɛynamoo kur'lèè sapɛ re, à nà ye taa to tɔ̀ re.

Korɛntsika reè fiiraa 11:23

È Kirisà rè faagoofadzin ì nì kɛ̀ ? Mun kpɛ̀yn nà gooma a ci akirifukɔɔn dɛ, ŋà mun Kirisà rè faagoofadzin è geren è tsɛ. Faagoo ɲaɔ̀n kàjaa tsɛ, mun tɔ̀ fau è geren è tsɛ. Kàsò dòùn jia kàjaa tsɛ, mun tɔ̀ fau è geren è tsɛ. Banbwee kàjaa tsɛ, tɔ̀ giri mun tàrau è mà, min saàn jà n jaa ra waatsi giri.

Korɛntsika reè fiiraa 3:6

Wò rii y'à dzi siun ɲe ra sa, ɲe yè bà dzyèèsìbè yeu faagoofabaa ì, nìi na sɛbɛɛn raa dzyèèsìbee waa, ŋà à Ŋaablà re Dzia raà rìì. È ɲɛn à tsɛ sɛbɛɛn, tɔ vui faa, ŋà Dzia, tɔ jaamabee sìan.

Korɛntsika reè fiiraa 6:4

Goò sapɛ doùn, ɲe yè e yɛrɛ goo dèe nìi ka tɔ̀ rii yɛ ɲe y'à kpàdè kàjaa sapɛ tsɛ ci ɲe Ŋaablà re faagoofabaa ì. Mɔ̀ɲɔn brisi ka, ɲe tɔ̀ kpàdèe byɛnbe reè doùn, fààntsì goo reè, vununkɔn goo reè.

Efɛsika reè 6:21

Àwà, ye yè bà ni à tɔ̀ goo nìì reè ni mun ne, ko mun nìi faa, nìi Tsishikì, mùn neema kpiri kɛniunmaà, Tsìfaà rè faagoofabaa vusootsià, tɔ nà bè ye toro kɔ̀ tɔ̀ sapɛ ra.

Filipika reè 2:20

È ɲɛn à tsɛ, Tsimotè boshɔ̀ùn, mòò pɛn kpɛrɛ na ni nìi ko mun kɛ̀sɛmàà sa soo ye raa goò tsɛ, è bà à vyɛ̀ɛ goo taki waa.

Filipika reè 2:22

Y'a tɔ̀, Tsìmotè yè e re sɔ̀bɛ̀nbee kpàdèu nìi tsuru, nìi yɛ è yɛrɛ siun Kùnàgoo Dziɔ̀ faagoo rà mun ka a ci dzin ko fà.

Filipika reè 3:16

Ŋà à bàu dzii o dzii, mùn wɔɔ wɔmà nìi ɲàn, mìn jìɛ̀ fa esire kàjaa soo tsɛ.

Kolosika reè 2:19

Kirisà, tɔ̀ niì kùngɔɔ̀, è na e shiɔ̀ tɔ̀ ra waa. Tɔ̀ to y'à tàrà, wò rii gɔɔ̀n sapɛ kuɔn e si ra soo xɔtsuma rèè ko fɛ̀r'lèè ka, è bà à dziira gaa è bɔɔ Ŋaablà re bɔɔ ɲan.

Kolosika reè 3:16

Kirisà rè goomaa yè e tsuù e ɲan, è buu. Ye e si kàràn, ye e si lasɔnmin akiriblabeè sapɛ ka ko ye ì ka: zàbùrù ye ì, màkìrì ye ì ko Ŋaa blabe ye ì. Ye è cèè Ŋaablà re ko e dusùkuan sapɛ ka è kòrò à ɲanwùɔ ka.

Kolosika reè 4:7

Goo o goo ni mun ne goò ɲàn, nìi Tsishikì, mùn neema kpiri kɛniunmaà, Tsìfaà rè faagoofabaa vusootsià ko mun faagoofasià, tɔ nà bè ye toro kɔ̀ tɔ̀ sapɛ ra.

Tesalonikika reè jɔ̀naà 3:2

Ɲe yè e neema kpiri Tsìmotè ka ye re, Ŋaablà faagoofasià Kirisà rè Kùnàgoo Dziɔ̀ dèè doùn, è bà ni fààn wɔ ye ɲan, è ye màxɔ̀n e re ɲɛynaà doùn.

Tsìmotè jɔ̀naà 1:10

È bà tsùuŋnà kɛ̀kɛ̀ɛ̀y gòò fa reè kamà, ko kpiri ko kpiri gaa reè, ko jòn gɔɔ reè, ko doo de reè, ko nìì reè yè e kɛɛ doò tsɛ, ko goo o goo rìì dzun wɔɔ kàràn takia rà.

Tsìmotè jɔ̀naà 4:16

A taa to a yɛr'le, a taa to a re kàr'nà rè. A ɲanshì tɔ̀ ra, è ɲɛn à tsɛ à fakɔɔn tɔ̀ tsuru, tɔ nà wo yɛ̀r'la tsi, è wo lamyɛnbaa rèè sa tsi.

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Tsìmotè fiiraa 1:6

È ɲɛn tɔ̀ tsɛ, mun wo taa toò ci wo Ŋaablà ɲanwùɔ kwɛ̀yge rìi tàrau, mun si rèè tsùuŋmaà doùn wo tsɛ, tɔ̀ sàà dzu den kpɛrɛ.

Tsìmotè fiiraa 3:10

Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.

Tsìmotè fiiraa 4:3

È ɲɛn à tsɛ, waatsi nàa, nìi doùn mòdzian na naà gaa kàràn takia rà dɛ, ŋà è kòrò è yɛ̀r'la dzibee goo reè ka, nìi dzi è tor'là rà, è nà twɛy dèbaa kààmoo reè kuru brisi gaa e yɛrɛ kɔ.

Tsitè 2:1

Àwà Tsitè, nìi kpɛ̀yn wo, mòdzian kàràn, è kòrò kàràn takia ka.

Piyɛrì jɔ̀naà 2:2

A ci dzinyɛy kereuma yeu ì, ye sɔ̀ɔ̀n Ŋaablà re Goomaa nɔnɔn taki takìà kpɛyn, gè riì ni à to tɔ̀ baraka ɲan, ye dzi bɔɔ e tsià kamà.

Yùxanà fiiraa 1:9

Mòò o moò na toò Kirisà raa kàr'nà tsɛ, fɔ à sɔn ni bà beè à tɛ̀y, tɔ̀ na Ŋaablà taraɔ̀ waa. Ŋà mòò riì toò tà kàr'nà tsɛ, tɔ Fàà ko Dzin Kpir'la sa taraɔ̀.

Yudè 1:5

Àwà mun sào ni min ye taa to goo sɔn ne, ye to kɛ̀nsɛɛn ye ba à sapɛ tɔ nòn. Nìi yɛ, ci Tsìfaà rè e re mòò rèè tsi boumaà shɔ̀ùn Misiran jamaan doùn, nìì reè na ɲɛn à ra waa, à twɛy vuu.

跟著我們：

贊助商連結

廣告

廣告