Tsìmotè jɔ̀naà 4:4 - Bible Dzùùngoo Unicode

⁴ Àwà, Ŋaabla gè o ge ɲɛun, à sapɛ wù. À pɛn na maarama waa. À dààn yɛ mìn ba à ɲɔɔ̀n, mìn baraka sìn Ŋaablà ra.

Tsìmotè jɔ̀naà 4:4 交叉參考

Kɛɛradzin neè faadziɛ 10:15

Ŋà, vuà yè sèè è dzin à ra e jaa fiira ɲan ci: «Ŋaabla gè niì fɛnɛbeo, maà dzin ci tɔ nooŋnà waa !»

Kɛɛradzin neè faadziɛ 15:29

E maà ɲɔ̀n kɔɔ shu tàà waa, e maà shu còrò vuuma tàà waa, e to mà shu tsiin ɲɔn waa, ye dzi e re saaniin fɛɛ̀ rà. E ye dzi tɔ̀ sapɛ jɔun bo, tɔ wù. Ŋaa yè e cɛrɛma to.»

Kɛɛradzin neè faadziɛ 21:25

Àwà, nìì reè kun kpɛrɛ mòdzin ì, yè bà ɲɛun Yesù rà, ɲe byɛɔ̀n nìi mà, ɲe sɛbɛn kau twɛy rè, ɲe yè tɔ̀ jaa dè è ra, ɲe ci, è mà ɲɔ̀n kɔɔ shu tàà waa, è mà shu tsiin ɲɔn waa, è mà shu còrò vuuma tàà waa, è to yè dzi e re saaniin fɛɛ̀ rà.»

Ɔ̀rɔ̀mùnka reè 14:14

M'a tɔ̀, min bà ɲɛɔ̀n à ra Tsìfa Yesù ɲàn, ci gèsɔn pɛn na ni, nìi ko e yɛrɛ è bà nooŋnà waa. Ŋà mòò ye gèè sɔn ja ci à nooŋnà, à nooŋnà tɔ̀ re.

Ɔ̀rɔ̀mùnka reè 14:20

Ɲwɛyn goo mà à to e Tsìfaà rè faagoò bara waa. Gèsɔn pɛn na nooŋnà waa tɔ sààben, ŋà a naà nìi ɲɔn tɔ̀ yeè bà ni ba mòò mɛɛ̀ saabu, tɔ̀ na wù waa.

Ɔ̀rɔ̀mùnka reè 14:6

Mòò riì jisee reè blàbee e si mà, tɔ tɔ̀ faa Tsìfaà rìì lè. Mòò riì to ɲwɛɛ̀n ɲɔɔ̀n, tɔ tɔ̀ faa Tsìfaà rìì lè, è ɲɛn à tsɛ, à baraka sìan Ŋaablà ra. Nìi tsu na à ɲɔɔ̀n waa, tɔ̀ sa tɔ̀ faa Tsìfaà rìì lè è ɲɛn à tsɛ, à sa baraka sìan Ŋaablà ra.

Korɛntsika reè jɔ̀naà 10:23

Goò sapɛ dàaŋnà, tɔ sààben, ŋà nàfa na ni goò sapɛ ɲan waa. Ɔ̀ɔn, goò sapɛ dàaŋnà, ŋà goò sapɛ na fààn siàn waa.

Korɛntsika reè jɔ̀naà 10:25

Gè o ge gɔɔ̀ shu sii rɔn, y'a ɲɔn e maà tey fa waa, e akir'là mà nà e jaàki.

Korɛntsika reè jɔ̀naà 10:26

È ɲɛn à tsɛ, dzɔ̀nxɔɔ̀ ko e tsɛ gè rèè sapɛ Tsifaà rìì laa.

Korɛntsika reè jɔ̀naà 10:30

Mun baraka sìan Ŋaablà ra min ɲwɛyn nìi ɲɔn, fee bèe bà mun tsoo bara kun tɔ̀ ɲwɛɛ̀n kamà, mun to baraka siɔ̀n Ŋaablà ra ?

Tsìmotè jɔ̀naà 4:3

Twɛy rìì dziàn ci furu mà fa waa, ci ɲwɛyn nèè swey to mà ɲɔn waa. Tɔ̀ to y'à tàrà Ŋaablà twɛy gè rèè sapɛ ɲɛun, gè riì n'a to ɲɛynamoo rèè yè bà ni à ɲɔn baraka sin doùn Ŋaablà ra, twɛy nìì reè sààbeen tɔ̀.