線上聖經

首頁
線上聖經
Tesalonikika reè jɔ̀naà 3:2

Tesalonikika reè jɔ̀naà 3:2 - Bible Dzùùngoo Unicode

² Ɲe yè e neema kpiri Tsìmotè ka ye re, Ŋaablà faagoofasià Kirisà rè Kùnàgoo Dziɔ̀ dèè doùn, è bà ni fààn wɔ ye ɲan, è ye màxɔ̀n e re ɲɛynaà doùn.

參見章節 複製

Tesalonikika reè jɔ̀naà 3:2
24 交叉參考

Kɛɛradzin neè faadziɛ 16:1

Àwà, Polì ko Silasì yè bè Dɛribè wɔ̀ rɔ̀n. È bou mɔn, yè bè Lisìrì wɔ̀ rɔ̀n. È wɔu mɔn, yè kàràndzin sɔn ja mɔn, tɔ̀ tsoo ci Tsìmotè. À naà na Dzyèèsìbee mòdzian sɔn, è bà baɔ̀ Yesù rè kàràndzin. À fàà, tɔ̀ yeè bà na kun kpɛrɛ mòdzin, nìi Gɛ̀rɛ̀kià sɔn.

Kɛɛradzin neè faadziɛ 16:5

Ɲɛynamoo kur'là kpɛ̀yn na fààn ni tàrà beè kudɛyn, è ɲɛunmaà doùn Ŋaablà ra. Màan ji o ji to seroun, gè rìì na bà beè è mòdzìn dziɛ tɛ̀y.

Kɛɛradzin neè faadziɛ 18:5

Àyìwà, Silasì ko Tsìmotè nàu dan yè bo Maseduwanìn waatsi riì bwèy, Polì na goo kpɛ̀rɛ̀ fa waajibi faa tɛ̀y dɛ. À y'à jaa dèe Dzyèèsìbee mòdzin neè rà, ci Yesù rìì Ŋaablà Jaara Modzìàn.

Ɔ̀rɔ̀mùnka reè 16:21

Tsìmotè, mun faagoofasià ye tswàa. Lukiyɔsì, ko Yasɔ̀n, ko Sosipatɔrɔsì, mun kunsi reè sa yeè bà ye tswàa.

Korɛntsika reè jɔ̀naà 3:10

È kòrò Ŋaablà ɲanwùɔ ka à tɔ̀ niì fau mun ne, mun gbàà dzun bau a ci gbàjibaa akiritsi, mòò kpɛrɛkuru yeè gbàà ji à tsɛ. Ŋà, mòdzian soo soo sapɛ yeè e yɛrɛ kaàwɔ e re gbàà jiu'n kur'la rà à tsɛ.

Korɛntsika reè jɔ̀naà 4:17

Tɔ̀ rii kamà, mun Tsìmotè kaà ye re, mun dzin kpiri kɛniunmaà, è bà vusootsi Tsìfaà ɲàn. Mun yè n ne jaamabee shi jiɛ nìi tsuru Kirisà ɲàn, a ci mun y'à kàr'na nìi tsuru min niì sapɛ, ɲɛynamoo kur'lèè sapɛ re, à nà ye taa to tɔ̀ re.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Korɛntsika reè fiiraa 1:19

È ɲɛn à tsɛ, Yesù Kirisà, Ŋaablà Dzin kpir'la, ɲe tɔ̀ niì gooma deu ye ra, mun ko Silivɛ̀n ko Tsìmotè, tɔ̀ na ba ɔ̀ɔn ko ɔ̀ɔɔn waa, ŋà ɔ̀ɔn ni bàu ni tɔ̀ ɲan kudɛyn.

Korɛntsika reè fiiraa 2:12

Àyìwà, min bè wɔ Torowasì wɔ̀ rɔ̀n tɔ̀un, ci mun nà Kirisà rè Kùnàgoo Dziɔ̀ dè. Mun wɔu mɔn, min b'a jà Tsìfaà dziɛ san jiɔ̀ mun ne mɔn.

Korɛntsika reè fiiraa 2:13

Tà ko e sa ra, mun akiri naà tsùuŋnà waa, è ɲɛn à tsɛ mun na n neema kpiri Tsitè jà waa. Mun to yè shi gaa è re tɔ̀un, min dɔ̀n be Maseduwanin mar'lɔùn.

Korɛntsika reè fiiraa 8:23

Tsitè, tɔ mun dzyèèsi è bà mun faagoofasi ye re. Ŋà mùn neema dzyee reè, twɛy ɲɛynamoo kur'lèè raa kɛɛradzin ì nì, yè bà nɔɔrɔ ɲɛɛn Kirisà tsɛ.

Filipika reè 1:25

Mun to y'à tɔ̀, min bà ɲɛɔ̀n à ra, ci mun nà to, min bà ni ye sapɛ ka gè riì ni à to ye yè dzi be jɔun, ye taama yè bà dzi ɲɛynaà doùn.

Kolosika reè 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè,

Kolosika reè 1:7

Epafarasì, ɲe faagoofasi kɛ̀niunmaà tɔ̀ rii tɔ̀ kàr'nà sìun ye ra. À Kirisà rè faagoofadzin vusootsi, è bà faagoò faa ye re.

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Kolosika reè 4:9

Mun y'à kaà ko Onesimùn ka, mùn neema kpiri vusootsi kɛ̀niunmaà, è bà ye sɔn. Goo o goo ni mìin, è nà bè ye toro kɔ̀ à sapɛ ra.

Tesalonikika reè jɔ̀naà 3:13

Arì she Ŋaa yè fààn wɔ e dusùkun neè ɲàn, jààma mà jà e ra fɛnɛbee kàjaa tsɛ mùn Fà Ŋaablà jaa dzuun, mùn Tsìfa Yesù nà sii sèè e re mòò rèè sapɛ ka waa. Àmiinà !

Tesalonikika reè jɔ̀naà 3:5

Tɔ̀ rii kamà, mun sa mɔɲɔn gbauma Tsìmotè kau ye re, è bà ni be ye re ɲɛynaà kùnàgoo tɔ. È ɲɛn à tsɛ, mun na vyɛ̀rɔɔ̀n dzuunbweyfabaà mà nà bà ye dzuun boo, è ɲe re faagoò bà maana waa.

Tesalonikika reè fiiraa 2:17

arì she twɛy yè e maxɔ̀n, yè fààn wɔ e ɲan goowuu faa, ko gooma wuu dee rà.

跟著我們：

贊助商連結

廣告

廣告