線上聖經

首頁
線上聖經
Tesalonikika reè jɔ̀naà 2:4

Tesalonikika reè jɔ̀naà 2:4 - Bible Dzùùngoo Unicode

⁴ Ŋà Ŋaablà re à jàumaà ci Kùnàgoo Dziɔ̀ goomaa dzia kɛ̀ɛ̀yfa ɲe mà, ɲe na à dèe ci ɲe goo yè dzibe mòdzin ì nà dɛ, fɔ Ŋaablà, tɔ̀ riì mùn dùsùkun neè ɲansiɛ̀n.

參見章節 複製

Tesalonikika reè jɔ̀naà 2:4
38 交叉參考

Galatsika reè 1:10

Àwà dòònuùn m'a gaa min byɛ̀n mòdzian nì mà ràà, tàà min byɛ̀n Ŋaablà rii mà ? Mun y'à gaa min dzibe mòdzian nì nà ɔ̀ ? Min ba na à gaa min dzibe mòdzian nì nà, mun fa bà Kirisà rè faagoofadzin waa.

Ɔ̀rɔ̀mùnka reè 8:27

Àwà, nìi dùsùkun neè ɲansiɛ̀n, tɔ Ŋaablà re Dzia ŋɛ̀nɛ̀ɲaan tɔ̀. À y'à tɔ̀ ci à màfyɛyn nìi faa Ŋaablà re mòdzìn neè rè, tɔ kòroò Ŋaablà saɔ ka.

Galatsika reè 2:7

È yɛ̀rɛ̀ to y'à jàu nì, ci kun kpɛrɛ mòdzin neè raa Kùnàgòò Dzìù dee kɛ̀ɛ̀yfaɔ̀ mun mà, a ci Dzyèèsìbee mòdzin neè raà sa kɛ̀ɛ̀yfaɔ̀ Piyɛrì mà nìi tsuru.

Tsìmotè fiiraa 1:14

Gè wùù riì kɛ̀ɛ̀yfaunà a ma, tɔ̀ màrà Ŋaablà re Dzi Fɛnɛɛ baraka rɔ̀n, tɔ̀ niì ni mùn ɲan.

Efɛsika reè 6:6

À mà bà è jaa ra goo bàsɔùn, a ci y'a faa ye yè dzibe mòdzin ì nà waa. Y'a fa rii, ci ye Kirisà rè jon ì, è bà Ŋaablà saɔ fakɔɔn ko e duɔ̀n sapɛ ka.

Tsitè 1:3

Tà doùn è kòrò à waatsi wuu ka, è re goomaa kpàdèu waajibia baraka ɲan, à tɔ̀ niì kɛ̀ɛ̀yfau mun mà, è kòrò à re dèumaà ka, wò riì mùn Tsibaa Ŋaablà.

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Korɛntsika reè fiiraa 4:2

Goo nìì reè goo shɔn fakɔɔn yè bà seeyragoo, ɲe yè e nɔun twɛy mà. Ɲe na e raa goo faa sànbe ka, ɲe to na Ŋaablà re goomaa laker'la. Ɲe na tɔ̀ faa waa, ŋà ɲe sààbeen rìì kpàdè fyɛɛ̀, gè riì ni à to mòdzian sapɛ yeè bà ni dzi ɲɛn ɲe ra, Ŋaablà jaa ra.

Korɛntsika reè jɔ̀naà 9:17

Min ba na à faa n yɛr'la sàò tsɛ, mun na nà bà sàrà tàr'la à ɲan, ŋà è ba mun mà fààn ni, à faagoo, nìi kɛ̀ɛ̀yfaɔ̀ mun mà.

Lukì 16:11

Àwà, nìi dziɲantsiɛ nàfor'la, mòò ma ɲɛn ye ra tɔ̀ kuun'n kur'la doùn ye re, mòo nà dzi ɲɛn ye ra dzùrù, è nàfor'la taki takìà kɛ̀ɛ̀yfa ye mà ?

Goo kpàdèuma rèè 2:23

Mun nà à to à dzin nèè yè vu. Tà tsuru, ɲɛynamoo kur'lèè sapɛ nà à tɔ̀, ci mun nì mòdzian duungoo, ko è kɛ̀sɛmà rèè ɲansiɛ̀n, m'a tɔ̀. Mun to nà ye soo sookɔɔn sapɛ sarà, è kòrò ko ye faadziɛ ka.

Dzyèèsìbee mòdzin neè 4:13

Ŋaabla gè o ge ɲɛun, à jaà ni è sapɛ ra panparapa, è pɛn na mɛnɛɔn à mà waa. Mùn sapɛ nà bè e tsiì wò rii jaaterema, mìn kùn dey fa à ra.

Tsìmotè jɔ̀naà 6:20

Àwà Tsìmotè, nìi kɛ̀ɛ̀yfaunà a ma, tɔ̀ màrà. Gooma nafà bɛy reè, nìì reè ko Ŋaabla goòmàà na byɛɛ̀n, e twɛy jɔun bo. È to twɛ̀y goòmà nìì reè ka sɔ̀swɛy faa, sààben to na ni è ɲan waa, e twɛy sa jɔun bo.

Kolosika reè 3:22

Jòn nèè, goo sapɛ doùn, ye e re mìin dzɔ̀nxɔɔ̀ tsɛ kùntsii rèè dzugoomaa blàbe. À mà bà è jaa ra goo bàsɔùn, a ci y'a faa ye yè dzibe mòdzin ì nà waa, ŋà y'a fa duun fyɛ ka, Tsìfaà jɔun shiɲaanbe tsɛ.

Korɛntsika reè fiiraa 5:11

Mùn sa Tsìfaà jɔun shiɲaanbeè tɔ̀ gè niì, ɲe goò sapɛ faa mòdzian yè bà ni à tɔ̀, ci ɲe nìi dèe à sààben. Ɲe re goo sɔn pɛn na mɛnɛɔn Ŋaablà ma waa. Mun kɛ̀sɛmà nɔ̀n, ɲe tsu re goo sɔn pɛn na mɛnɛɔn ye mà, e duùn waa.

Tsìmotè fiiraa 2:2

Wo nìi myɛ̀un mun dzu shɛɛrɛ giri jaa ra, tɔ̀ kɛ̀ɛ̀yfa mòdzin ì mà a ɲɛɔ̀n nìì reè rà, è sa yeè bà dzia à kàràn mòò kpɛrɛ ì rà.

Korɛntsika reè fiiraa 5:16

Tà doùn, dòònuùn, ɲe na mòò pɛn tɔ̀ adamàdzin mòdzin niu'n kur'la dɛ. Ɲe kɛ̀nsɛɛn ye ba Kirisà tɔ̀u a ci adamàdzin mòdzin, dòònuùn, ɲe na à tɔ̀ tɔ̀ tsuru dɛ.

Korɛntsika reè jɔ̀naà 7:25

Àwà nìì reè na furu ŋe, pɛn na ni mun ne m'a dè twɛy rà Tsìfaà rè dè ɲàn waa. Ŋà min n naa akir'la rii sìan, nìi mòdzin naa, mòo dzia ɲɛn nìi rà è ɲɛn Tsìfaà màtsuruumaà tsɛ mun na.

Yùxanà 21:17

Yesù y'à tey e jaa zhiigira ɲan kɔn ci: «Yùxanà dzin kpiri Shimɔ̀n, mun goò dzi wo ra ɔ ?» Tɔ̀ goò yè Piyɛrì taama ŋununbe, kàtsu, tɔ̀ na à jaa zhiigiraa rìì, Yesù y'à teè ci: «Mun goò dzi wo ra ɔ ?» Piyɛrì yè dzin à ra ci: «Tsìfaà, wo y'à sapɛ jaa tɔ̀. Wo y'à tɔ̀ cɔ, ci wo goò dzi mun na.» Yesù yè dzin à ra ci: «Tà doùn, n ne sàà rèè kɔ̀ ɲwɛyn.

Lukì 12:42

Yesù yè dzin à ra ci: «Wo re o, mòo dzia ɲɛn gbàà goojaabobaa rìi rà à akiri yè bà dzi, tɔ mòdzìn kaatsi kɛ̀n ? Tɔ mòdzin, à kùntsiɛ̀ y'à tsùɔ e re gbàà doùn jòn dzyee reè kùùn, è bà ni è re ɲwɛɛ̀n sìn è ra e waatsi ɲan.

Korɛntsika reè fiiraa 2:17

Mòò giri ni, twɛy Ŋaablà re Goomaa baɔ̀ durukun. Ɲe na ni a ci twɛy waa. Ɲe goomaa fyɛɔ rìì tsɛ. Ɲe tɔ̀ faa è bo Ŋaablà rii lè, Ŋaablà jaa ra, ko Kirisà ɲàn.

Piyɛrì jɔ̀naà 4:11

Mòò riì waajibia faa, tɔ̀ y'a fa è kòrò Ŋaablà re goomaa ka. Mòò riì faagoò faa dzyee rèè rè, tɔ̀ y'a fa è kòrò Ŋaablà re fààn siunma ka à ra. Tɔ̀ tsuru goò sapɛ doùn, nɔɔrɔ yè bà ni ɲɛn Ŋaablà tsɛ Yesù Kirisà baraka ɲan, nɔɔrɔɔ̀ ko dzibaabee tɔ̀ niì raa, waatsi sen ɲɛn waatsi tsɛ. Àmiinà !

跟著我們：

贊助商連結

廣告

廣告