線上聖經

首頁
線上聖經
Tesalonikika reè jɔ̀naà 1:3

Tesalonikika reè jɔ̀naà 1:3 - Bible Dzùùngoo Unicode

³ Ye re ɲɛynaà faagoò nìi boò, ko ye re kɛ̀nbààbee faagoò byɛnbee, ye si to xɔ nìi tsɛ, ye yè bà e shiɔ̀ à ra mùn Tsìfa Yesù Kirisà ɲàn, ɲe taa ni tɔ̀ mà kudɛyn mùn Fà Ŋaablà jaa ra.

參見章節 複製

« 以前的

回去 ⬆

下一個 »

Tesalonikika reè jɔ̀naà 1:3
55 交叉參考

Yùxanà 14:15

Ye ye ba mun kɛ̀niɔ̀n taki, ye nà mun dzugooma xɔù rèè shi jiì.

參見章節

Yùxanà 15:10

Ye ye mun dzugooma xɔù rèè to e duùn, ye nà to tsùù mun ne kɛ̀nbààbee doùn, a ci mun yè n Fa Ŋaablà dzugooma xɔù rèè tou n duùn nìi tsuru, min bà ni tsuù à re kɛ̀nbààbee doùn.

參見章節

Kɛɛradzin neè faadziɛ 10:31

È dzin mun na ci: "Kɔrɔnayì ! Ŋaabla wo re màfyɛyn nèè kuun. Wo to goowùù niì faa gbakɔɔn reè rà, à twɛy kààwɔuna, à to yè e taa too wo re.

參見章節

Kɛɛradzin neè faadziɛ 3:19

Dòònuùn, ye sèè bo e re gooɲaan neè kpɛyn, ye e re jaamabee fau'n kur'la lakere, ye sèè na Ŋaablà ra, sànko e re gooɲaan tsìɛ̀ yè mɛɛy bo e vu ra.

參見章節

Ɔ̀rɔ̀mùnka reè 12:12

E si xɔ nìi tsɛ, ye taama dzibe tɔ̀ ra. Byɛnbee doùn ye e mɔɲɔn, ye e maxɔ̀n màfyɛɛ̀n nà.

參見章節

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

參見章節

Ɔ̀rɔ̀mùnka reè 15:4

Nìi sapɛ sɛbɛun dan, tɔ fau nì, è bà ni mùn kàràn. Tà ko twɛy gooma reè nà mɔ̀ɲɔn niì sìn mùn na, yè mùn màxɔ̀n, tɔ̀ yeè bà saabu mìn sixɔbema tarà.

參見章節

Ɔ̀rɔ̀mùnka reè 16:26

Àwà dòònuùn, kɛɛra reè rè sɛbɛn neè baraka rɔ̀n, à kpàdèu è fyɛ. Tɔ fau a ci Ŋaablà dobɛɛ y'à dèu nìi tsuru, nìi yɛ, kun kpɛrɛ mòdzin neè sapɛ y'a tɔ̀, yè ɲɛynaà shi jiì.

參見章節

Ɔ̀rɔ̀mùnka reè 16:6

Ye tswɛ̀y sin Mariyamùn nà, tɔ̀ niì faagoo giri fau ye re.

參見章節

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

參見章節

Korɛntsika reè jɔ̀naà 13:13

Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

參見章節

Korɛntsika reè jɔ̀naà 15:58

Tà doùn, mun neema kɛniunma rèè, e san gbaunma yè to cɛyn, e maà yuuyuu bo e shɔùn waa. Ye bè jɔun kudɛyn Tsìfaà rè faagoò doùn, ye bà à tɔ̀ ci ye re faagoò na maana Tsìfaà ɲàn waa.

參見章節

Korɛntsika reè fiiraa 2:17

Mòò giri ni, twɛy Ŋaablà re Goomaa baɔ̀ durukun. Ɲe na ni a ci twɛy waa. Ɲe goomaa fyɛɔ rìì tsɛ. Ɲe tɔ̀ faa è bo Ŋaablà rii lè, Ŋaablà jaa ra, ko Kirisà ɲàn.

參見章節

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

參見章節

Galatsika reè 5:13

Àwà neema reè, nìi kpɛ̀yn ye, ye kiriu xɔrɔnbe rii kamà. Ŋà, tɔ̀ xɔrɔnbee mà bà saabu, è nà gɔɔ̀n kur'la goo ɲaan faa ka e ma waa. Ye nìi fa, tɔ̀ rii yɛ kɛ̀nbààbee doùn, ye e magoo wɔ e si ɲan.

參見章節

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

參見章節

Galatsika reè 6:9

Àwà mùn mà byɛn goowuu faa rà waa. È ɲɛn à tsɛ, mùn ma tɔ̀ dzii bà fyeu, mùn nà nà à shìmaan gaa e waatsi wuu ɲan.

參見章節

Tesalonikika reè jɔ̀naà 3:6

Ŋà Tsìmotè daun ye re mɔn, è nà kùnàgoo dziù dè ɲe ra ye re ɲɛynaà ko ye re kɛ̀nbààbee tsɛ. À ci ye taa ni ɲe mà cɛyn. Ci à kuru ni ye ra ye yè ɲe sèè jà, a ci à kuru ni ɲe sa ra nìi tsuru, ɲe yè ye sèè jà.

參見章節

Tesalonikika reè fiiraa 1:11

Tɔ̀ kamà, ɲe Ŋaablà mafyɛ̀ɛn ye re kudɛyn, gè riì ni à to, è jà ci ɲe re Ŋaabla ye kiriɔ kùn nìi rà, ye wù tɔ̀ ka, tà ko à re dzibaabee baraka rɔ̀n, ye re goowùɔ ŋɛ̀nɛ̀ɲan wuɔ sapɛ, ko ɲɛynaà faagoò dzii yè tsyɛn.

參見章節

Tesalonikika reè fiiraa 1:3

Neema reè, kudɛyn, ɲe wù ɲe yè baraka sìn Ŋaablà ra ye kamà. Tɔ ni e shi tsɛ, è ɲɛn à tsɛ ye re ɲɛynaà fàan blàbe beè màan ji o ji seroun. Kɛ̀nbààbe riì to ni ye ɲan, tɔ̀ sa buu bèe ye ko e si fi.

參見章節

Tsìmotè jɔ̀naà 1:14

Mùn Tsìfaà ɲanwùɔ blàbeu mun kàjaa tsɛ fɔ è bè geren, è ɲɛn ɲɛynaà ko kɛ̀nbààbee tsɛ, tɔ̀ niì ni Yesù Kirisà ɲàn.

參見章節

Tsìmotè jɔ̀naà 2:3

Nìi wù, è bà dzi mùn Tsibaa Ŋaablà ra, tɔ tɔ̀ rii,

參見章節

Dzyèèsìbee mòdzin neè 10:36

E ye dzin ci ye Ŋaablà saɔ fa, è bà ni e re làyiri seunmaà bo e shi tsɛ, à wù y'a tsi e ma.

參見章節

Dzyèèsìbee mòdzin neè 11:17

Ibraximà ɲɛunmaà kamà Ŋaablà ra, Ŋaablà ci e y'a sɔ̀n mà siin waatsi riì bwèy, ci è Ishakà sìn wò ra saaka, Ibraximà na e nɔn waa. À na e nɔn e dzin kpiri soo sìàn mà waa, tɔ̀ to y'à tàrà, Ŋaabla na làyiri seòn à re.

參見章節

Dzyèèsìbee mòdzin neè 13:21

Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !

參見章節

Dzyèèsìbee mòdzin neè 4:11

Tɔ̀ kamà, y'a to mìn maxɔbe, mìn dɔ̀n tɔ̀ ɲànwɔma nɔn. Y'a to mìn tɔ̀ fa, sànko, mòò mà nà jà mùn ɲan, Ŋaablà dzugoomaa shi jiìbɛ̀ybeè kamà, a ci ɲe fàbɔɔ rèè, è to dɔ̀n bɛy waa.

參見章節

Dzyèèsìbee mòdzin neè 6:15

Àwà, Ibraximà sa to yè e mɔɲɔn, fɔ Ŋaablà na nìi làyiri seòn à re, tɔ̀ yeè bè bo e shi tsɛ.

參見章節

Piyɛrì jɔ̀naà 3:4

Ŋà e re màwɔɔ yè bà duùn naa màwɔɔ rìì, nìi màwɔ mɛnɛunma. Tɔ̀ rii yɛ vununmadzibeè ko vununciàn. Tɔ màwɔ, nìi na bar'la waa, à kpà yè bà xɔ Ŋaablà re.

參見章節

Yùxanà jɔ̀naà 3:18

Dziniin ì, n mà kɛ̀nbààbee fa dziira goòmàà ko nɛɛ̀n bàsɔùn ka waa, ŋà faadziɛ ko sààbeen.

參見章節

Yùxanà jɔ̀naà 3:21

Mun ne kɛ̀niunma rèè, mùn dùsùkuan ma ba mùn jààkia fyeu, mùn akiri tsùuŋma bàa ni Ŋaablà biìn.

參見章節

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

參見章節

Yùxanà jɔ̀naà 5:3

Àwà, e Ŋaablà kɛn, tɔ̀ rii yɛ, a dzugooma xɔù rèè shi jiì, à dzugooma xɔù rèè to na seyn vuun waa.

參見章節

Goo kpàdèuma rèè 2:19

Mun wo faadziɛ tɔ̀. Wo re kɛ̀nbààbee, ko wo re ɲɛynaà, ko wo re faagoò, ko wo re mɔ̀ɲɔɔn. M'a tɔ̀, wo re bònè goo fauma rèè giri jɔ̀na rèè mà.

參見章節

Goo kpàdèuma rèè 3:10

Wo y'à mɔɲɔn niì fau w'e to mun ne goomaa tsɛ, mun sa nà wo màrà dzɔ̀nxɔɔ̀ tsɛ byɛnbe nakɔɔn jɔun, tɔ̀ niì nà dziɲaan ko e kur'la mòdzian sapɛ tarà, è dzuun bo.

參見章節

跟著我們：

贊助商連結

Tesalonikika reè jɔ̀naà 1:3 - Bible Dzùùngoo Unicode

Tesalonikika reè jɔ̀naà 1:355 交叉參考

Tesalonikika reè jɔ̀naà 1:3
55 交叉參考