Piyɛrì jɔ̀naà 3:1 - Bible Dzùùngoo Unicode

¹ Nìi ye tàan rèè sa, ye e majàà e re kpir'leè rè. Tà tsuru è swey ma ba e tsiiŋnà yè ɲɛn Ŋaablà re Goomaa nà, yè dzi tarà bà Ŋaablà raa e re tààn fau'n kuru wuɔ saabu ɲan, à mà bà gooma tsu ka waa.

Piyɛrì jɔ̀naà 3:1 交叉參考

Kolosika reè 3:18

Tàan rèè, ye e majàà e re kpir'leè rè a ci à dàaŋnà Tsìfaà ɲàn nìi tsuru.

Efɛsika reè 5:33

À kpɛ̀yn nìi boò tɔ̀ rii yɛ ci e soo soo sapɛ yeè e re tààn kɛ̀n a ci e yɛr'la, taàn sa yeè e re kpir'la blàbe.

Korɛntsika reè jɔ̀naà 11:3

Ŋà mun sào ni ye yè goo soo tɔ, nìi yɛ, ci Kirisà rìì kpir'la sapɛ kuntsii, taàn kùntsiɛ̀ kpir'la, Ŋaablà yeè bà Kirisà kùntsiɛ̀.

Korɛntsika reè jɔ̀naà 7:16

Àwà ɲɛynamoo taàn, w'a tɔ̀ wo ye ba nà a re kpir'la tsi ɔ ? Ɲɛynamoo kpir'là, wo sa y'a tɔ̀ wo ye ba nà a re tààn tsi ɔ ?

Piyɛrì jɔ̀naà 3:7

Tɔ̀ soo tsuru, jaamabee dzyèè doùn, ye kpir'leè sa yeè e re tààn rèè kun akiritsifabe ka, ye bà à tɔ̀ ci tàànbee nìi tsuru gè, à fàan dzyɛ̀n. Ye è blàbe, è ɲɛn à tsɛ, jaamabe riì tàr'la Ŋaablà ɲanwùɔ baraka ɲan, ye tɔ̀ shɛɛ̀n seen esire. Ye tɔ̀ fa, gè riì ni à to goo sɔn pɛn mà e re Ŋaabla mafyɛyn nèè jɔun shu waa.

Ɔ̀rɔ̀mùnka reè 7:2

Tà tsuru, tàan nìi furuɔ̀, à y'à re kpir'la to sì rà, à shiɔ̀ à ra, è ɲɛn sàrìyaa tsɛ. Ŋà kpir'la ye dzi san nòn, fur'la sàriyaa bou à kùùn.

Korɛntsika reè jɔ̀naà 14:34

Tàan rèè yè e mɛnshɛ̀n ɲɛynamoo kur'lèè doùn. À shi na ni è suun yè gooma waa. À wù yè e majàà, a ci sàrìyaa ci nìi tsuru.

Matsiyù 18:15

A ɲɛyna moosia ye fabɛy fa, b'a re, a ko à fii, a dè à ra. À ye toro wɔ wo re, tà bwèy wo dziu a ɲɛyna moosia dzuun.

Kolosika reè 4:5

Nìì reè na ɲɛynamoo ì waa, ye e re jaamabee fa akiri ka twɛy kàjaa tsɛ. Ye waatsia kùngɔ màbo.

Dzyèèsìbee mòdzin neè 11:8

Nìi Ibraximà, tɔ̀ sa ɲɛunmaà kamà Ŋaablà ra, Ŋaablà y'a kiriu è nìi dè à ra, à tɔ̀ shi jiiŋ. Ŋaabla dziun à ra, ci è bo e fatsiɛ doùn, è bè jàmàan ɲan, wo nà nìi sìn à ra, è bà à raa. Ibraximà to yè dɔ̀n be, tɔ̀ y'a tàrà, à bèe min niì, à na tɔ̀ tɔ̀ waa.

Tesalonikika reè fiiraa 1:8

À nà nà sàden brìsi fi. Nìì reè na Ŋaablà tɔ waa ko nìì reè na mùn Tsìfa Yesù rè Kùnàgoo Dziɔ̀ goomaa shi jiɛ waa, è byɛnbe ji twɛy tsɛ.

Ɔ̀rɔ̀mùnka reè 6:17

Mìn tswɛ̀y fa Ŋaablà re, è ɲɛn à tsɛ, ye na gooɲaan rè jon ì, ŋà ye kàr'nìi tàrau, ye tɔ̀ shi jiiŋ e duɔ̀n sapɛ ka.

Piyɛrì jɔ̀naà 4:17

Àwà kitsia dziikun bwèy wɔu, à to jɔ̀ɔn Ŋaablà re gbàdòùndzin neè rìì tsɛ. À to ye ba jɔ̀ɔn ɲe rìì tsɛ, nìì reè na e tsiiŋnà yè ɲɛn Ŋaablà re Kùnàgoo Dziɔ̀ goomaa nà, twɛy raà nà e latan dzùrù ?

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Dzyèèsìbee mòdzin neè 5:9

Àwà, twɛy goo rèè y'à bàu mòdzin dziitsyɛunma. Tà tsuru, nìì reè y'à dzugoomaa blàbee, à bàu twɛy tsibaa kudɛyn.

Ɔ̀rɔ̀mùnka reè 10:16

Ŋà mòdzian sapɛ na e tsiì tɔ̀ Kùnàgoo dziɔ̀ goomaa nà waa. Kɛɛra Esayì dziun ci: «Tsìfaà, nìi myɛ̀un è bo ɲe dzu, tsì rii ɲɛun tɔ̀ ra ?»

Piyɛrì jɔ̀naà 3:2

È ɲɛn à tsɛ, è nà ye jìì saàn kààwɔ, y'à jà ci blàbe ni ye ɲan, ye duùn yè bà fyɛɔ.