Yo 8:21 - Sơ̆p Hlabơar Nơ̆r 'Bok Kei-Dei

²¹ Yêsu bơtho dơ̆ng lu sư thoi âu: “Inh gô jăk tơ nai, na iĕm gô chă Inh mă-lei ưh kơ 'bôh. Păng iĕm gô lôch yua kơ tơdrong yoch iĕm. Iĕm ưh kơ gơh truh tơ anih Inh ôh.”

Yo 8:21 交叉參考

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

Jop 20:11

Akâu sư 'bĕnh kơ tơdrong pran oei hơmuh hơmŏng mă-lei gô lôch hơdai sư jing 'mui teh.

Tơdrông Pơđơk 11:7

Mưh lu bơngai kơnê̆ lôch, tơdrong sư chang hơmĕng pă đei. Păng tơdrong lu sư chang gô hoh-hoy.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Êsai 65:20

Tơ noh ưh pă đei bơngai hơ'lơ̆p nge lôch hrôih, kư̆m ưh kơ đei bơngai kră ayơ mă ưh kơ arih sot tôm kơ sơnăm Yua kơ lôch kơplah minh-hrĕng sơnăm noh wă khan lôch oei mơlôh păng bơngai arih đei lăp minh-hrĕng sơnăm noh lăng thoi đei hiap pơtê̆.

Mathiơ 23:39

Inh khan kơ iĕm tơpă, iĕm pă 'bôh muh măt Inh boih tơ̆p truh năr Inh jur dơ̆ng ning-mônh na iĕm khan: ‘Ư-ang kơ Yêsu đơ̆ng 'Bok Kei-Dei wơh jur tơ bơ̆n dơ̆ng.’ ”

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Yo 12:33

Yêsu khan thoi noh wă kơ lu đe ei băt kơ Sư lôch thoi yơ.

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 13:33

“Ơ tơpôl lu dăm, Inh oei hơdai hăm iĕm ưh pă đunh boih. Iĕm gô chă Inh; kư̆m thoi Inh khan kơ lu bơngai Juđê ki, lu iĕm ưh kơ gơh truh tơ anih Inh ôh.

Yo 7:34

Iĕm gô chă Inh mă-lei ưh kơ 'bôh. Iĕm ưh kơ gơh truh tơ anih Inh ôh.”

Yo 7:36

Păng Sư wă khan kiơ Sư khan: ‘Iĕm gô chă Inh mă-lei ưh kơ gơh 'bôh Inh,’ păng: ‘Iĕm ưh kơ gơh truh tơ anih Inh mơ̆n?’ ”

Yo 8:24

Kơlih kơ thoi noh na Inh khan kơ iĕm boih, iĕm gô lôch yua kơ tơdrong yoch iĕm. Dah iĕm ưh kơ lui kơ Inh đơ̆ng plĕnh ti iĕm gô lôch yua kơ tơdrong yoch iĕm tơpă.”

Êphêsô 2:1

Sơ̆ iĕm dang lôch yua kơ tơdrong yoch hăm dôm tơdrong kơnê̆ iĕm oei juăt kơ pơm.