Yo 7:52 - Sơ̆p Hlabơar Nơ̆r 'Bok Kei-Dei

⁵² Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

Yo 7:52 交叉參考

Yo 7:41

Lu mơ'nah dơ̆ng khan: “'Bok âu boih 'Bok Krist tơpă.” Đei lu mơ'nah dơ̆ng khan: “Ưh ôh. 'Bok âu sư lĕch đơ̆ng dêh Galilê mă-lei 'Bok Krist Sư ưh kơ lĕch đơ̆ng dêh Galilê ôh,

Yo 1:46

Na Nathanel khan: “Lơliơ? Tam mă biơh đei bơngai bu pơm tih đơ̆ng lăm Pơlei Nasaret ôh.” Na Philip khan dơ̆ng kơ sư: “Na ih jah năm lăng Sư deh wă kơ ih băt kơ Sư thoi yơ.”

Yo 9:34

Lu sư khan: “Ih măt tol đơ̆ng 'nao tơpŭ kơ ih sơ̆ kơlih kơ tơdrong yoch, na liơ ih wă bơtho lu nhôn dơ̆ng?” Lu sư pơpuh tơlĕch hloi bơngai ei tơ 'ngoaih.

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

Le 2:14

Mă-lei bơngai noh tơl khan: Bơngai bu pôk ih pơm pơtao, pơm tih sek tơlang kơ lu nhôn? Hăm trŏ ih wă pơlôch nhôn thoi lĕ ih pơlôch bơngai Êyiptơ 'noh hă? Môis hli, na khan: Trŏ tơpă, Tơdrong 'nâu rŏ lăng đe băt boih.

Bl 19:9

Na kon pơlei khan: “Ih weh tơ nai!” Khan dơ̆ng: “Ih tơmoi truh tơ âu năm oei đĕch, mă-lei ih 'maih wă sek tơlang kơ nhôn hă? Thoi noh! Gô nhôn pơm kơnê̆ kơ ih păng bre tơmoi noh.” Na, lu sư tŭn drŭt Lot kơtang dêh păng tŭn drŭt wă kơ 'măng noh pơchah.

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Yo 7:53

Klaih kơ noh đĭ-đăng lu sư brŏk tơklah tơ hnam kơdih.