52 Na 'bok kuan ei jet lu đĭch sư khan: “Sư 'nao klaih layơ?” Lu sư khan: “Klaih đơ̆ng mônh jơ 'năr lăp glơh brei, sư klaih hloi kơ bơlŏ.”
Đơ̆ng noh na Yêsu pơpuh yang kơnê̆ lĕch đơ̆ng akâu bơngai 'lơ̆p noh. Yang kơnê̆ lĕch jăk hloi ưh pă pơm kơ bơngai 'lơ̆p noh pơ̆k dơ̆ng.
Yêsu khan dơ̆ng kơ 'bok tih linh: “Brŏk mă 'lơ̆ng, đĭch ih klaih boih yua kơ ih lui.” Đĭch sư klaih hloi đơ̆ng jơ 'noh tơpă.
Kơplah sư oei yak rok trong na sư tơ'bơ̆p lu đĭch sư giong khan kơ sư. Lu sư khan: “Kon ih klaih boih.”
'Bok kuan ei băt hloi kơplah mônh jơ 'năr glơh brei 'blep hloi kơ jơ Yêsu khan kơ sư, khan kon sư huay kơ lôch. Thoi noh na 'bok kuan ei lui hloi kơ Yêsu păng đĭ-đăng hnam dơnŏ sư kư̆m lui mơ̆n.
