Yo 1:42 - Sơ̆p Hlabơar Nơ̆r 'Bok Kei-Dei

⁴² Thoi noh na Andrê anhăk 'nhŏng sư Simôn năm tơ Yêsu. Yêsu lăng sư păng khan: “Ih Simôn kon Yôhan, na dang ei Inh wă anăn ih Sêphaih.” Sêphaih noh nơ̆r Juđê, kiơ̆ nơ̆r Grĕk sư khan Pêtrôs. (Nơ̆r Pêtrôs noh wă khan tơmo.)

Yo 1:42 交叉參考

II Pot 5:4

Thoi noh Naaman mơ̆t roi kơ pơtao, yŏng tơ'ngla sư dôm nơ̆r drŏ-kăn 'lơ̆p bơngai Isơrael.

Mathiơ 10:2

Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs, sư pơm tih 'biơ̆ kơ bôl sư; oh sư Andrê; Yakơ hăm oh sư Yôhan. 'Bă bre sư Sêbêđê.

Markôs 3:16

Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs;

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 6:14

Na âu jô̆ tôm lu anăn mơjĭt-'bar 'nu lu sư: Simôn, mă Yêsu anăn Pêtrôs; oh sư Andrê; Yakơ, Yôhan, Philip, 'Barthôlêmi,

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 21:2

Pêtrôs, Thôm mă đe anăn sư Kon Kơmar, Nathanel đơ̆ng Pơlei Kanna dêh Galilê păng 'bar 'nu kon Sêbêđê păng 'bar 'nu bơngai pơhrăm buăl sư, lu sư akŭm pơđâu tơduă lu sư.

Yo 4:16

Yêsu khan kơ duch ei: “Ih năm krao klo ih năm kiơ̆ ih tơ âu dơ̆ng bĕ.”

I Kor 1:12

Inh wă roi thoi nơ̆r iĕm khan: “Inh wă kiơ̆ Pôl.” Mơ'nah khan: “Inh wă kiơ̆ Apôlê.” Mơ'nah khan: “Inh wă kiơ̆ Pêtrôs.” Mơ'nah dơ̆ng khan: “Inh wă kiơ̆ Yêsu Krist.”

I Kor 15:5

Klaih kơ noh Yêsu Krist tơ'bôh akâu Sư kơ Pêtrôs păng tơ'bôh kơ mơjĭt-'bar 'nu jơ̆ng 'bang Sư.

I Kor 3:22

Iĕm đei Pôl, đei Apôlê, đei Pêtrôs, iĕm đei tôm tơdrong ala teh âu, iĕm kư̆m arih ling-lang ưh pă lôch boih; iĕm kư̆m đei tôm tơdrong ahrei păng kư̆m đei tôm tơdrong ning-mônh. Dôm tơdrong noh tơmam iĕm ngăl

I Kor 9:5

Dah nhi đei akăn kư̆m bơngai lui, na juăt kơ anhăk thoi đe Pêtrôs, thoi lu đe oh Yêsu, thoi lĕ lu jơ̆ng 'bang Yêsu nai, lê̆ kơ lu bơngai lui 'me sa sư, kư̆m gơh mơ̆n dah kiơ?

Galati 1:18

Đơ̆ng rŏng kơ inh lui kơ Yêsu pêng sơnăm na inh năm tơ Pơlei Jêrusalem hơpong kơ Pêtrôs. Inh oei păng sư tơ noh 'bar 'măng giĕng.

Galati 2:11

Sơ̆ Pêtrôs năm tơ Pơlei Antiôs, inh khă sư, yua kơ sư pơm ưh kơ trŏ tơpă. Sư pơm thoi âu:

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.