Ya 4:11 - Sơ̆p Hlabơar Nơ̆r 'Bok Kei-Dei

¹¹ Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.

Ya 4:11 交叉參考

Horiso 140:11

Ăn kơ lu bơngai đei hơpiĕt hơlĕnh pơdăr ưh kơ gơh pơjing kơjăp lăm teh đak. Ăn tơdrong răm druh lu bơngai pơm kơnê̆.

Luka 6:37

“Iĕm 'nĕ bâu roi đe, khan đe bơngai ưh kơ 'lơ̆ng. Dah iĕm jô̆ kơ đe bơngai ưh kơ 'lơ̆ng, kơnh 'Bok Kei-Dei kư̆m jô̆ kơ iĕm bơngai ưh kơ 'lơ̆ng mơ̆n. Iĕm 'nĕ kơ jâu đe, na 'Bok Kei-Dei huay kơ jâu iĕm. Iĕm 'nĕ kơ jô̆ yo kơ đe wă kơ 'Bok Kei-Dei huay kơ jô̆ yo kơ iĕm.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Rom 2:13

'Bok Kei-Dei jô̆ bơ̆n bơngai 'lơ̆ng, ưh kơ sĭ yua kơ bơ̆n kơtơ̆ng tơdrong Sư pơkă đĕch ôh, yua kơ bơ̆n kiơ̆ tơdrong noh.

Rom 7:7

Mă-lei iĕm 'nĕ tơchĕng khan inh jô̆ kơ tơdrong juăt 'Bok Kei-Dei pơkă ưh kơ 'lơ̆ng, ưh ôh hŏ. Tơdrong juăt 'Bok Kei-Dei pơkă 'lơ̆ng tơpă. Sư tơbăt ăn kơ bơ̆n đei tơdrong yoch. Tơ̆ng bơ̆n ưh kơ đei tơdrong juăt 'Bok Kei-Dei pơkă, lei bơ̆n ưh kơ băt bơ̆n đei tơdrong yoch ôh. Pơtih gia kơ akâu inh kơdih thoi âu: Sơ̆ inh ưh kơ băt kơ tơdrong juăt 'Bok Kei-Dei khă kuă ăn bơ̆n 'nhĕng mŭk tơmam đe, mưh 'nhĕng jing yoch tơpă; na inh ưh kơ băt kơ tơdrong 'nhĕng noh yoch.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Êphêsô 4:31

Iĕm athei lê̆ đĭ dôm tơdrong tơhil pơma ôr pơret, tơdrong ơh lăm jơhngơ̆m pơma kơnê̆ kơ đe, hăm đĭ dôm tơdrong khĕnh hơwĕng.

I Tim 3:11

Lu bơngai drŏ-kăn wă jang lăm hnam 'Bok Kei-Dei, sư kư̆m athei pơm mă 'lơ̆ng tơpăt mơ̆n; 'nĕ kơ pơma plĕch kơ đe, 'nĕ kơ et sik suai. Sư athei pơm tôm tơdrong 'lơ̆ng tơpăt ngăl.

II Tim 3:3

Sư ưh kơ băt 'mêm mơnat kơ bôl buăl ôh. Bơ̆n bơngai nai ưh kơ băt wă pơma lung sư thoi yơ dơ̆ng, yua kơ sư pơma bơbĭt dêh. Sư chă tơdrong kơnê̆ păng đe. Sư bơngai hơwĕng, sư ưh kơ wă pơm tơdrong 'lơ̆ng ôh, sư areh kơ bơngai 'lơ̆ng.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

Ya 1:16

Ơ lu 'nhŏng oh mă inh 'mêm kơeng, dang ei iĕm băt boih tơdrong 'noh, na iĕm 'nĕ pă tơchĕng khan 'Bok Kei-Dei pơhlŭ bơ̆n pơm yoch.

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Ya 2:8

Dah iĕm rok kiơ̆ tơdrong juăt 'Bok Kei-Dei mă đe chih tơ lăm sơ̆p hla bơar Sư, Sư athei bơ̆n 'mêm kơ bôl buăl thoi bơ̆n 'mêm kơ akâu kơdih, tơ̆ng iĕm pơm thoi noh tơpă lei 'lơ̆ng boih.

Ya 5:10

Ơ 'nhŏng oh, bơ̆n athei adrin pơm kiơ̆ thoi lu bơngai pơtruh nơ̆r 'Bok Kei-Dei sơ̆ bĕ; yua kơ sơ̆ đe pơm kơ lu sư lơ tơdrong pơmat-tat, mă-lei lu sư ưh kơ achăng lê̆ tơdrong lui ôh.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.

Ya 5:9

Ơ 'nhŏng oh, iĕm 'nĕ kơ pơma mơmơnh dih băl, hli kơ Kră Yang sek tơlang tơdrong bơ̆n pơma mơmơnh noh Sư hil kơ bơ̆n, yua kơ 'Bok Sek Tơlang ei wă jê̆ jur tơpă, dang lĕ kơ kiơ̆ 'măng dur bơ̆n boih.

I Pet 2:1

Thoi noh na bơ̆n 'nĕ pă pơm dôm tơdrong kơnê̆, dôm tơdrong hơlĕnh pơdăr kơ đe, 'nĕ kơ 'nhĕng đe, 'nĕ kơ bâu roi pơjăm đe.