Ya 4:10 - Sơ̆p Hlabơar Nơ̆r 'Bok Kei-Dei

¹⁰ Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

Ya 4:10 交叉參考

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Jop 5:11

Sư tơiung lu bơngai răm-'băm. Ăn kơ lu bơngai nhơ̆m hmoi oei tơ anih hơđơ̆ng.

Horiso 113:7

Sư tơiung bơngai dơnuh hin đơ̆ng 'mui teh. Dui lu kơ'bah kơ'bôch đơ̆ng 'bruih 'brăm

Horiso 147:6

Kră Yang dŏng tơgŭm lu bơngai pơmat-tat. Teh tơhuŏng lu bơngai pơm kơnê̆ tơ teh.

Horiso 27:6

Dang ei kơ̆l inh gô ngơk kơjung. Hloh kơ lu ayăt mă wang tăp kơ inh. Lăm kơđông Sư inh pơyơ̆r tơmam soi. Hăm nơ̆r ôr chơt hiôk, Inh gô hơri, bơnê kơ Kră Yang.

Horiso 28:9

Apinh ih dŏng pơklaih kon pơlei pơla Ih păng tuh ăn pŭn hiôk kơ tơmam Ih yua. Apinh Ih wei rong păng tơgŭm dŏng lu sư ling-lang hlŏng hloi.

Horiso 30:1

Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Êsêkiên 21:26

Kră Yang khan thoi âu: Yaih bĕ nhiêu đơ̆ng kơ̆l, plôh bĕ môk pơtao, tơdrong dang ei ưh pă thoi sơ̆ boih! Bơngai kơđeh hơtŏk bĕ tơ kơjung, bơngai kơjung tơjur bĕ tơ ala.

Mathiơ 23:12

Bơngai bu pơma pơang akâu sư wă kơ đe pôk sư pơm tih, bơngai noh ning-mônh sư gô mơlâu hloh kơ đe. Bơngai bu ưh kơ hơnhŏ chă pơang akâu sư kơ đe, bơngai noh 'Bok Kei-Dei mơnat, ăn kơ sư pơm tih.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.

I Sam 2:7

Kră Yang ăn kơ đe dơnuh, Păng tơiung đe mơdrŏng; Sư tơjur đe păng kư̆m pôk hơtŏk mơ̆n.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.