Ya 4:1 - Sơ̆p Hlabơar Nơ̆r 'Bok Kei-Dei

¹ Yua kơ kiơ iĕm hil areh pơjah pơjăng dih băl? Yua kơ jơhngơ̆m iĕm hưch kơ tơdrong âu tơdrong to, jing pơtuah kuă ăn iĕm kiơ̆ tơdrong 'Bok Kei-Dei hăm trŏ?

Ya 4:1 交叉參考

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Mathiơ 15:19

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơlôch đe, kơtrŏ hăm akăn đe, sư pơm pơyô kư̆ kă, sư tơtông, sư oei pơma hơlĕnh, sư pơjăm pơjuă đe.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Rom 7:23

Mă-lei tơdrong kơnê̆ lăm akâu inh pơgăn, tơdrong kơnê̆ noh rôp pơgŏ inh, wă kơ inh pơm yoch.

Rom 7:5

Hơdrol sơ̆ bơ̆n oei kiơ̆ kơ akâu bơ̆n kơdih, na 'maih pơm tôm tơdrong yoch. Bơ̆n băt kơ tơdrong juăt 'Bok Kei-Dei pơkă noh khă kuă ăn bơ̆n pơm yoch ră, mă-lei bơ̆n oei pơm yoch rai dêh khŏm khŏm truh tơ lôch.

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Galati 5:17

Dah jơhngơ̆m đon iĕm kuă kiơ̆ Yang Bơhngol 'Lơ̆ng bơtho, thoi noh Yang Bơhngol 'Lơ̆ng lăng jơhngơ̆m đon tơdrong iĕm pơm ưh kơ layơ wă 'blep trŏ thoi Sư wă. Jơhngơ̆m đon iĕm păng Yang Bơhngol 'Lơ̆ng, bre sư pơjrot băl, na iĕm ưh kơ gơh pơm kiơ̆ kơ iĕm wă ôh.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

II Tim 2:23

Ih 'nĕ kơ mơ̆ng lu bơngai pran pơjah pơjăng kư̆ kă. Sư pơjah pơjăng khŏm khŏm đon lu sư ưh kơ sor kơnh sư jing tơhil dih băl.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Tit 3:9

Ih 'nĕ ăn đe bơtho adrĕch adrung yă 'bok bơngai Juđê sơ̆ hŏ. Sư bơtho kư̆ kă đĕch, ưh kơ tơpă ôh. Lu sư kư̆m pơjah pơjăng tơhil băl gah tơdrong juăt 'Bok Kei-Dei pơkă sơ̆. Dôm tơdrong lu sư chă bơtho ưh kơ yua kiơ ôh.

Ya 1:14

Tơdrong 'noh lăm jơhngơ̆m bơ̆n hưch hanh 'maih pơm tơdrong âu tơdrong to, na pơhlŭ bơ̆n

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.

I Pet 1:14

Sơ̆ iĕm ưh kơ hlôh tơdrong 'Bok Kei-Dei na iĕm hưch hanh lơ tơdrong kơnê̆. Dang ei iĕm jing kon 'Bok Kei-Dei boih, iĕm athei chu kơ 'Bok Kei-Dei, 'nĕ pă pơm tơdrong kơnê̆ dơ̆ng.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan: