Tơdrông Tơ'bôh 7:1 - Sơ̆p Hlabơar Nơ̆r 'Bok Kei-Dei

¹ Klaih kơ noh inh 'bôh puăn 'nu lu linh jang 'lơ̆ng, sư dơ̆ng tơ puăn pah mum teh đak. Lu sư wei puăn pah trong kial tơthu tơ teh đak, na sư wei kuă ăn kial tơthu pơrăm teh, pơrăm đak dơsĭ, pơrăm lu 'long.

Tơdrông Tơ'bôh 7:1 交叉參考

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 27:3

Inh bơih Kră Yang Tơ'ngla wei-lăng sư, gô ruh đak kơ sư ling-lang, păng inh wei-lăng sư măng năr kơnh hli kơ đe pơrăm sư.

Êsai 27:8

Kŭm thoi noh lăm tơdrong Ih phak lu sư dă 'biơ̆ na puh lu sư năm tơ nai, Ih yua kial tih pơpuh lê̆ lu sư tơ ataih, thoi lăm năr đei kial bah đơ̆ng hơlĕch.

Je 49:36

Inh gô ăn đei puăn trong kial đơ̆ng puăn pah bah blah char Êlam; Inh gô săi lu sư tơklah tơklang kiơ̆ kơ puăn trong kial noh; dĭng ưh pă đei char ayơ mă ưh kơ đei bơngai Êlam năm oei.

Êsêkiên 37:9

Kră Yang khan kơ inh: Athei khan lê̆ adrol kơ kial arih, ‘ơ kon bơngai, athei khan lê̆ adrol bĕ kơ kial arih khan: ‘Kră Yang khan thoi âu: Ơ kial arih năm bĕ đơ̆ng puăn pah kial mơ̆t dui jơhngơ̆m bĕ tơ akâu lu bơngai lôch wă kơ lu sư arih.’”

Êsêkiên 7:2

“Ơ kon bơngai, 'nâu nơ̆r Kră Yang Tih Hloh khan kơ dêh char Isơrael: 'Nâu tơdrong tôch truh bơih! Tơdrong răm truh boih tơ puăn pah mum kơ dêh char.

Da 11:4

Kơplah pơtao noh iung pran, na dêh char sư pơchah na klah song jing puăn, kiơ̆ kơ puăn pah trong kial đơ̆ng plĕnh, mă-lei ưh kơ đei pơsư̆ kơ kon sâu, kư̆m ưh pă kĕ pơgơ̆r thoi ki dơ̆ng; yua kơ dêh char sư đe gô buch pơjao ăn kơ bơngai nai plơ̆ng kơ lu bơngai noh.

Da 7:2

Thoi noh, Đaniel khan: Kơmăng inh oei tep, inh apo 'bôh, lăm tơdrong tơ'bôh kơ inh thoi âu: Đei puăn tŏ trong kial tơthu bah kơpal đak Dơsĭ Tih.

Da 8:8

Bơbe bram pơm kơ akâu sư rai tih; mă-lei lăp sư pran dêh boih, hơke sư mă tih noh tơgơ̆ păng tơ đêl anih hơke tơgơ̆ noh chăt dơ̆ng puăn tŏ hơke plơ̆ng, puăn tŏ hơke noh chăt pơdơ̆ng tơklă tơ puăn trong kial tơ plĕnh.

Jôna 1:4

Mă-lei Kră Yang ăn đei kial hơbŭt tih tơ đak dơsĭ, duk mah wă jê̆ pơchah.

Sa 6:1

Inh ngơk lăng dơ̆ng na 'bôh puăn tŏ gre aseh lĕch đơ̆ng sơlam kông. Kông noh kông hu.

Sa 6:5

Linh jang khan dơ̆ng kơ inh: “Noh kiala đơ̆ng plĕnh, lĕch đơ̆ng lăm anih lu sư 'bơ̆t anăp Kră Yang mă Kră Yang kơ đĭ-đăng teh đak.

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Markôs 13:27

Na Inh wơh lu linh jang 'lơ̆ng Inh jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk, đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal, akŭm đĭ tơ Inh.

Tơdrông Tơ'bôh 20:8

Na sư gô pơhlŭ kon bơngai jơ̆p kơ teh đak, jơ̆p kơ dêh char, lu bơngai mă đe anăn Gok păng Magok. Sư krao akŭm kon bơngai jơ̆p kơ teh đak wă năm tơblah. Lu sư lơ tơpă dang pơlao chuơh dơsĭ.

Tơdrông Tơ'bôh 6:6

Păng inh kơtơ̆ng đơ̆ng lăm tŏk-bŏk lu puăn anăn noh đei 'bơ̆r pơma thoi âu: “Phe 'lơ̆ng đe gô tĕch minh kĭ minh năr jên jang, phe ưh kơ gan 'lơ̆ng đe gô tĕch pêng kĭ minh năr jên jang. Mă-lei gah lu đak rơmă, đak sik, sư ưh kơ tĕch kăp dang noh ôh.”

Tơdrông Tơ'bôh 7:3

“Iĕm 'nĕ tam pơrăm teh, đak dơsĭ, lu 'long, gô nhôn chơ̆m đŏng yâu tôm kơ klĕng lu đĭch đam Kră Yang bơ̆n 'mơ̆i.”

Tơdrông Tơ'bôh 8:7

Lăp linh jang 'lơ̆ng mă mônh hlôm keng, na đei hloi 'mi prĕl tih tơpă. Păng đei ŭnh hăm pham huŏng đơ̆ng plĕnh truh tơ teh, ŭnh sa pơđĭ minh lăm pêng pah teh đak. Lu 'long, ŭnh sa đĭ minh lăm pêng pah, tôm kơ 'nhĕt kư̆m lei-lăi sa pơgoh hloi.

Tơdrông Tơ'bôh 9:14

sư pơma kơ linh jang mă tơdrâu thoi âu: “Ih năm yaih achăng puăn 'nu yang mă đe chô̆ kron lu sư tơ jih đak krong Êphrat.”

Tơdrông Tơ'bôh 9:4

Lep noh 'Bok Kei-Dei ưh kơ ăn sư sa 'nhĕt, sa 'ba, dah sa hla 'long ôh. Sư ăn lep noh năm chă sôch kon bơngai mă ưh kơ lui, ưh kơ đei chơ̆m đŏng yâu 'Bok Kei-Dei tơ klĕng sư.