Tơdrông Tơ'bôh 4:9 - Sơ̆p Hlabơar Nơ̆r 'Bok Kei-Dei

⁹ Rim wơ̆t lu sem brem ei hơri ư-ang 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch,

Tơdrông Tơ'bôh 4:9 交叉參考

Horiso 47:8

Kră Yang 'Bok Kei-Dei pơgơ̆r đĭ teh đak. Kră Yang 'Bok Kei-Dei oei tơ anih Rơgoh Sư.

Horiso 48:14

Sư boih Kră Yang 'Bok Kei-Dei, 'nâu jơ̆ Kră Yang 'Bok Kei-Dei lu nhôn ling-lang hlŏng hloi. Sư gô chông anhăk nhôn ling-lang hlŏng hloi.d

Le 15:18

Kră Yang gô pơgơ̆r ling-lang, hlŏng hloi.

Êsai 6:1

Sơnăm pơtao Usia lôch, inh 'bôh Kră Yang tơoei kơpal tang-dŏ pơtao kơjung hloh kơ đĭ-đăng păng pơyom ao tai sư 'bĕnh kơ lăm hnam akŭm.

Da 12:7

Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Both 32:40

Inh yơ̆r ti tơhlâu tơ plĕnh păng khan: Tơpă Inh oei arih ling-lang.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Hêbrơ 7:8

Lu 'bok soi kon sâu 'bok Lêwi, mă khan sư gơh iŏk sa tơmam kon pơlei pơyơ̆r minh lơ̆m mơjĭt, mă-lei lu kon sâu sư noh sơ̆ lôch đĭ boih. Mă gah Mêlkisêdek, lăm sơ̆p hla bơar 'Bok Kei-Dei khan sư oei arih ưh kơ lôch ôh.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 10:6

na sư pơma pơsĭt kơ đe 'bơ̆t anăp 'Bok Kei-Dei Kră Yang arih ling-lang ưh kơ đei layơ tôch, sư pơjing plĕnh tôm tơdrong kơpal plĕnh, pơjing teh tôm tơdrong kơpal teh, pơjing đak dơsĭ tôm tơdrong lăm đak dơsĭ. Na tơdrong sư pơma pơsĭt kơ đe noh khan: “'Bok Kei-Dei ưh pă wă gô dơ̆ng boih.

Tơdrông Tơ'bôh 15:7

Klaih kơ noh đei minh 'nu lăm puăn anăn sem brem mă ư-ang anăn 'Bok Kei-Dei, sư iŏk ăn kơ tơpơh 'nu lu linh jang 'lơ̆ng tơpơh tŏ pơnhan 'bĕnh kơ tơdrong 'Bok Kei-Dei mă arih ling-lang hil areh kơ kon bơngai, Sư wă phak pơhrăp tơdrong Sư hil areh noh.

Tơdrông Tơ'bôh 21:5

'Bok Kei-Dei mă oei tơ tang-dŏ khan: “Inh pơjing tôm tơdrong 'nao.” Sư wih khan dơ̆ng kơ inh thoi âu: “Ih chih răk lê̆ dôm tơdrong Inh pơma, yua kơ tơdrong âu sĭt gô đei tơpă iĕm gơh lui.”

Tơdrông Tơ'bôh 4:2

Na Yang Bơhngol 'Lơ̆ng pơm kơ inh ưh kơ băt thoi yơ, 'bôh 'băi tơ kơpal plĕnh boih. Na inh 'bôh tang-dŏ 'lơ̆ng rŏ tơ plĕnh ei, tang-dŏ ei đei minh 'nu oei.

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”

Tơdrông Tơ'bôh 5:1

Păng inh 'bôh 'Bok Kei-Dei oei tơ tang-dŏ Sư, ti Sư gah 'ma chĕp minh sơnôm hla bơar, hla bơar ei chih 'bar pah rŏng klak na lôm pơklep sư tơpơh 'măng pơklep, wă kơ băt tơdra hli kơ đe hek lăng.

Tơdrông Tơ'bôh 6:16

Đĭ lu sư khan: “Ơ kông, ơ tơmo, klơ̆p nhôn bĕ wă kơ nhôn huay pă 'bôh muh măt 'Bok Kei-Dei mă oei tơ tang-dŏ, hăm huay pă 'bôh muh măt Kon Triu hil kơ nhôn,

Tơdrông Tơ'bôh 7:15

Thoi noh na dang ei lu sư oei 'bơ̆t anăp tang-dŏ 'Bok Kei-Dei, kơkuh kơ 'Bok Kei-Dei ling-lang măng năr tơ noh. Pơtao bơ̆n 'Bok Kei-Dei kư̆m oei hơdai lu sư. Lu sư huay pă đei tơdrong truh dơ̆ng boih.