Tơdrông Tơ'bôh 22:2 - Sơ̆p Hlabơar Nơ̆r 'Bok Kei-Dei

² Đak krong ei ro tŏk-bŏk pơlei hloi, cheng đak krong ei đei 'long pah âu pah to wă ăn kơ kon bơngai arih. 'Long ei minh sơnăm mơjĭt-'bar 'măng plei, rim khei minh 'măng. Hla sư kư̆m yua wă ăn kơ kon bơngai sa jing đei jơhngơ̆m pran.

Tơdrông Tơ'bôh 22:2 交叉參考

Bl 2:9

Kră Yang 'Bok Kei-Dei ăn kơ teh chăt lu 'long 'lơ̆ng lăp măt păng plei sư sa 'ngam; lăm tŏk-bŏk pơgar ei kư̆m đei chăt minh tơnơm 'long tơdrong arih, kư̆m đei minh tơnơm 'long băt kơ tơdrong kơnê̆ păng băt kơ tơdrong 'lơ̆ng.

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Tơdrông Pơđơk 3:18

Tơdrong gơh hơgei sư jing minh tơnơm 'long arih kơ bơngai bu đei rôp sư; Bơngai bu đei rôp sư kơjăp jô̆ bơngai pŭn hiôk tơpă.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Je 17:14

Ơ Kră Yang apinh Ih ming pơklaih inh, na inh gơh klaih; apinh Ih dŏng pơklaih inh na inh gơh klaih: Ih boih mă Tơ'ngla inh bơnê ư-ang.

Êsêkiên 47:1

Bơngai noh, sư chông ba inh wih dơ̆ng tơ ‘măng mơ̆t tơ anih hnam akŭm; na inh 'bôh đak ro đơ̆ng ala kơtơ̆n 'măng anih hnam akŭm, ro gah hơlĕch; yua kơ anăp hnam akŭm tơ gah hơlĕch, Đak đơ̆ng ala 'măng hnam akŭm gah gơal ro năm tơ gah gơal kơ chơnang soi.

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”

Tơdrông Tơ'bôh 21:21

Rim kơ mơjĭt-'bar tŏ 'măng dur pơlei ei đei minh găr anam tih rang kok atol pơm 'măng. Trong pơlei tă lơ̆k maih rang thoi amĭl.

Tơdrông Tơ'bôh 21:24

Rim kơ khŭl kon bơngai jơ̆p kơ teh đak gô yak nơnăm yua hơdah pơlei noh pơchrang. Kư̆m đei lu 'bok pơtao đơ̆ng jơ̆p kơ teh đak năm ư-ang kơ 'Bok Kei-Dei hăm Kon Triu tơ noh.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.

Tơdrông Tơ'bôh 22:19

Bơngai bu tŭk nơ̆r 'Bok Kei-Dei đơ̆ng lăm sơ̆p hla bơar Sư âu, bơngai noh Sư ưh kơ ăn sa plei 'long kon bơngai arih ôh, plei 'long mă Sư đei roi kơ bơ̆n lăm sơ̆p hla bơar âu. Sư kư̆m ưh kơ ăn sư mơ̆t tơ Pơlei Jêrusalem 'nao, pơlei mă Sư đei roi kơ bơ̆n tơ lăm sơ̆p hla bơar âu.