Tơdrông Tơ'bôh 20:10 - Sơ̆p Hlabơar Nơ̆r 'Bok Kei-Dei

¹⁰ Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 20:10 交叉參考

Da 7:11

Dang ei inh lăng dơ̆ng yua kơ tơdrong pơrŏ pơang na mă lĕch nơ̆r pơma đơ̆ng hơke noh. Thoi noh inh lăng dĭng truh tơ sem brem noh đe pơlôch, akâu sư đe pơrăm đĭ păng klơ̆m ăn kơ ŭnh sa.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Markôs 9:44

Lăm dơnâu ŭnh ei boih đei hrai mă ưh kơ lôch wă sa lu bơngai mă huŏng lăm dơnâu ŭnh ei; păng ŭnh ei ưh kơ layơ păt hơngăm.

Tơdrông Tơ'bôh 16:13

Inh kư̆m 'bôh pêng 'nu yang kơnê̆ 'mê̆-'mach hơbŏ sư thoi kưt, sư lĕch đơ̆ng 'bơ̆r yă-grai, 'bơ̆r sem mă kơnê̆ păng 'bơ̆r sem mă gơh tơdrong hlĭch wă kơ kon bơngai lui kiơ̆ kơ sư.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 20:8

Na sư gô pơhlŭ kon bơngai jơ̆p kơ teh đak, jơ̆p kơ dêh char, lu bơngai mă đe anăn Gok păng Magok. Sư krao akŭm kon bơngai jơ̆p kơ teh đak wă năm tơblah. Lu sư lơ tơpă dang pơlao chuơh dơsĭ.

Tơdrông Tơ'bôh 9:17

Lăm tơdrong mă tơ'bôh kơ inh noh, inh đei 'bôh lu linh hao aseh ei tă hrŭk ao mam 'brê thoi pla ŭnh, 'nhui ŭnh, tơmo ŭnh dreng. Kơ̆l aseh ei thoi kơ̆l dăm-brang; sư đei pla ŭnh, 'nhui ŭnh păng tơmo ŭnh dreng lĕch 'nhui 'bâu chhok hơ̆-hang, kon bơngai hơ'nơ̆k lôch yua kơ sư pruih tơlĕch đơ̆ng 'bơ̆r sư.