Tơdrông Tơ'bôh 17:2 - Sơ̆p Hlabơar Nơ̆r 'Bok Kei-Dei

² Lu 'bok pơtao jơ̆p kơ teh đak kư̆m ngôi pơyô hăm sư mơ̆n, sư boih pơm pơyô kư̆ kă tơ'bôh kơ đe jơ̆p kơ teh đak adrol, dang sư ăn kơ đe et sik suai.”

Tơdrông Tơ'bôh 17:2 交叉參考

Je 51:7

Babilôn jơ̆ minh kơchŏk maih lăm ti Kră Yang, Pơm ăn jơ̆p kơ teh đak suai; Lu dêh char huch sik hơmu Babilôn, thoi noh lu sư jing wơnh.

Na 3:4

Noh yua kơ đơ̆ng bơngai đi pơm kư̆ kă pă kĕ jô̆, pơrŏ akâu chă pơhlŭ đe thoi noh. Chă hơlĕnh lu adrĕch kon bơngai hăm tơdrong pơm đi lu sư păng tĕch kon pơlei pơla hăm đi păng adrĕch adrung 'nhŏng oh sư hăm tơdrong pơm pơjâu tơwir hơlĕnh.

Yo 2:10

“Mă rim đe et sa tih, ling-lang đe ăn kơ tơmoi sik 'băt ngăl hơdrol na sik sap đơ̆ng rŏng. Na âu ăn kơ đe et sik 'băt đơ̆ng rŏng.”

Tơdrông Tơ'bôh 14:8

Đơ̆ng noh đei linh jang 'lơ̆ng nai mă 'bar kiơ̆ đơ̆ng rŏng sư khan: “Pơlei Babilôn tih krưp tŏ noh ră, mă-lei pơchah pơchek đĭ boih, yua kơ tơdrong yoch lu sư pơm tơ'bôh kơ đe jơ̆p kơ teh đak.”

Tơdrông Tơ'bôh 17:13

Đĭ dôm lu sư pôm đon pơjao ăn kơ sem brem mă lôch iung arih noh pơgơ̆r.

Tơdrông Tơ'bôh 17:17

Tơdrong lu sư blah bơngai drŏ-kăn noh 'Bok Kei-Dei lăp đon mơ̆n, yua kơ 'Bok Kei-Dei ăn kơ lu sư pơm pôm đon thoi noh, na lu sư pơjao ăn kơ sem mă kơnê̆ noh pơgơ̆r gô mơ̆ng kơ 'Bok Kei-Dei wă dang yơ.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 18:23

Ŭnh kon pơlei pă 'bôh hơdah, 'bơ̆r đe hiĕk 'nă pơkong kơ bre klo kăn chă kơ mĕ 'bă ŏng mai kư̆m pă đei kơtơ̆ng. E hăm băt dôm tơdrong truh noh yua kơ lu bơngai đơ̆ng iĕm mơdro sa ưh kơ tơpăt pơm kư̆ kă hưch tơmam âu tơmam to? Jơ̆p teh đak ư-ang pơlei iĕm mơdrŏng tih. Dang ei jơ̆p teh đak pơm rok tơdrong kơnê̆ thoi iĕm.

Tơdrông Tơ'bôh 18:3

Pơlei Babilôn, pơlei pơchah răm, yua kơ tơdrong yoch lu sư pơm tơ'bôh kơ đe jơ̆p kơ teh đak, pơm pơyô kư̆ kă; lu 'bok pơtao jơ̆p teh đak kư̆m pơm pơyô hăm sư mơ̆n. Lu bơngai mơdro sa ala teh mơdrŏng yua sư, kơlih kơ tĕch kơ sư mŭk tơmam lơ tơpă.”

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.

Tơdrông Tơ'bôh 2:22

Na dang ei Inh gô pơm kơ sư jĭ dêh 'bĭch păn tơ giơng. Na lu bơngai mă lui kiơ̆ kơ sư pơm kư̆ kă, dah ưh kơ chu tơbral kơdih tơdrong yoch, Inh kư̆m pơm kơ lu sư đei tơdrong gleh pơmat-tat mơ̆n.

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Tơdrông Tơ'bôh 9:21

Tơdrong lu sư pơlôch đe kư̆m ưh kơ chu tơbral, oei pơlôch đe hơnơ̆ng, oei pơm pơjâu chă sol đe, ngôi pơyô kư̆ kă, chă tơtông tơmam đe.