2 Wă kơ ih răk đon gơh hơgei, bơwei 'bơ̆r hlôh wao ih.
Jơhngơ̆m bơngai gơh hơgei đei bơtho kơ 'bơ̆r sư, Păng pơthim 'bơ̆r nơ̆r pơma đe lui.
Nơ̆r 'bơ̆r bơngai hơgei rei tơdrong hlôh wao; Mă-lei jơhngơ̆m lu kơwao ưh kơ thoi noh.
Ơ ŭnh om, hơkŭng ih lĕch đak sut. Tơ hơpiĕt ih đei đak sut păng đak toh; 'Bâu phu đơ̆ng hơbĕn ao ih, thoi 'bâu phu đơ̆ng char Liban.
Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.
Nơ̆r 'bơ̆r lu bơngai tơpăt rong arih lơ bơngai; Mă-lei lu bơngai kơwao lôch, yua kơ ưh kơ hlôh.
'Bơ̆r inh gô ră roi, dôm lu nơ̆r đơ̆ng 'bơ̆r Ih tơtă.
Rim năr 'bơ̆r inh gô ră roi tơdrong tơpăt păng tơdrong Ih dŏng pơklaih. Mă inh ưh kơ băt jô̆ lơ dôm yơ.
Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.
Đei maih đei jơmŏng lơ; Mă-lei đei 'bơ̆r đon hơgei noh mă tơmam gĭt hloh.
Ơ dăm wei răk bĕ tơdrong gơh hơgei, păng tơdrong băt đon tơchĕng, 'Nĕ ăn măt ih weh ataih đơ̆ng tơdrong noh.
