Sa 6:6 - Sơ̆p Hlabơar Nơ̆r 'Bok Kei-Dei

⁶ Gre mă đei aseh găm sư dui gre năm tơ gah yă-nơ̆m, gre mă aseh kok năm tơpăt tơ gah bơmơ̆t, đơ̆ng noh aseh brông drơ̆k-drơ̆l năm tơklă tơ gah gơal.”

Sa 6:6 交叉參考

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Êsai 43:6

Inh gô khan kơ gah yă-nơ̆m: ‘Achăng lu sư bĕ’ păng khan kơ gah gơal: ‘Lê̆ pă rôp pơkơ̆ng lu sư.’ Chông ba bĕ lu kon drŏ-nglo Inh brŏk đơ̆ng dêh ataih, chông ba lu kon drŏ-kăn Inh brŏk đơ̆ng tôch kơ teh.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Êsêkiên 1:4

Inh lăng 'bôh kial hơbŭt lĕch đơ̆ng gah yă-nơ̆m, đei hơmơ̆l tih dêh đei ŭnh hơdah jum dăr, păng tŏk-bŏk sư, inh 'bôh nhen thoi đei bơsei rang hơdah lăm ŭnh.

Da 11:40

Truh tơnăr đơ̆ng rŏng, pơtao gah gơal gô truh tơblah hăm sư. Pơtao gah yă-nơ̆m gô chĕp ba khŭl linh gre aseh păng duk lơ, na tŏk blah pơtao noh thoi phŭt huơ̆r. Sư gô blah truh tơ lơ dêh char nai.

Da 11:9

Pơtao 'nâu gô năm tơ dêh char gah gơal, mă-lei sư hơlơ̆k brŏk tơ dêh char sư kơdih dơ̆ng.

Tơdrông Tơ'bôh 6:5

Inh 'bôh Kon Triu hek dơ̆ng tơdra mă pêng. Na inh kơtơ̆ng anăn mă pêng khan thoi âu: “Tơ âu bĕ.” Na đei minh 'nu bơngai hao aseh găm chĕp kĭ năm tơ sư. Kĭ noh wă tơbăt ăn kơ kon bơngai gô đei tơdrong pơngot rơwĕt.