Sa 6:13 - Sơ̆p Hlabơar Nơ̆r 'Bok Kei-Dei

¹³ Sư boih wă man hnam kơkuh kơ Kră Yang; păng sư boih đe gô ư-ang, oei pơgơ̆r tơ anih tang-dŏ pơtao sư păng pơm 'bok soi tơm tơ anih pơtao sư, sư kư̆m pơgơ̆p hiôk-hian kơ 'bar tơdrong noh.’

Sa 6:13 交叉參考

Horiso 110:4

Kră Yang đei pơkă pơkăm kơdih; Sư ưh kơ đei tơplih đon: “Ih jing 'bok soi ling-lang, kiơ̆ thoi Mêlkisêdek.”

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Êsai 22:24

Đe gô hơtol kơpal sư dôm tơdrong ư-ang hnam 'bă sư, đơ̆ng kon hơ'lơ̆p, adrĕch adrung păng đĭ-đăng tơmam yua tih iĕ đơ̆ng pơnhan kơthao truh tơ ge gŏ.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Horiso 21:5

Đơ̆ng tơdrong dŏng pơklaih Ih, sư đei ư-ang tih tơpă: Ih ăn kơ sư tơdrong rang rŏ dêh.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Kôlôsê 1:2

chih hơpong kơ iĕm lu kon 'Bok Kei-Dei tơ Pơlei Kôlôssê, lu iĕm bơngai lui kơjăp minh jơhngơ̆m minh đon hăm Yêsu Krist. Inh krao khan apinh 'Bă tơm bơ̆n 'Bok Kei-Dei wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Sa 6:11

Iŏk jên dah maih đơ̆ng sư, pơm bĕ minh tŏ môk pơtao na pơyơ̆l ăn bĕ tơ kơ̆l Jôsua 'bok soi tơm kon dăm Jêhôsađak.

Sa 4:14

Sư khan thoi âu: “Noh wă khan đei 'bar 'nu chu tuh đak rơmă, dơ̆ng cheng 'bơ̆t Kră Yang mă Yang kơ đĭ-đăng teh đak.”

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Êsai 54:10

Mă đơ̆ng kông hiŏng tơ nai, mă đơ̆ng groi rĭ tơplih, mă-lei jơhngơ̆m đon Inh 'mêm mơnat hăm iĕm ưh kơ đei tơplih. Nơ̆r pơgơ̆p hiôk-hian Inh ưh kơ đei tơplih Kră Yang, jơ̆ Tơ'ngla 'mêm mơnat kơ iĕm pơma thoi noh.

Bl 14:18

Mêlkisêdek pơtao Salem, athei ba 'bĕng păng tơdrô, kơplah noh pơtao âu jơ̆ 'Bok soi kơ Kră Yang 'Bok Kei-Dei mă tih hloh.

Horiso 110:1

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Sa 4:9

“Đơ̆ng ti Sôrôbabel đei pơjing hnam 'nâu păng ti sư kư̆m gô pơm keh mơ̆n.” Kơplah noh ih gô băt Kră Yang Tih Hloh đei wơh inh năm tơ lu iĕm.

II Sam 7:13

Sư noh kơnh gô pơm hnam kơ anăn Inh oei păng Inh gô ăn kơ tang-dŏ dêh char pơtao sư kơjăp ling-lang.

Horiso 21:4

Sư apinh Ih tơdrong arih, Ih ăn hloi kơ sư Ih ăn kơ sư năr đunh sot ling-lang hlŏng hloi.

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.