1 'Nâu, năr Kră Yang truh boih, lu tơmam đơ̆ng lu iĕm tơtông gô klah asong.
Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.
'Nâu năr Kră Yang truh bơih, năr kơnê̆ krưp đei tơdrong hil mĭl kơtang, wă pơrăm teh âu jing juơ păng pơlôch lu bơngai pơm kơnê̆ đơ̆ng lăm noh.
Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.
Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.
Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.
Khŭl tơpôl lơlang, khŭl tơpôl lơlap, tơ lăm thŭng tơdrong sek tơlang, yua kơ năr Kră Yang jê̆ truh bơih tơ lăm thŭng tơdrong sek tơlang.
Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.
Juđa gô tơblah hăm Jêrusalem păng dôm tơmam đơ̆ng rim kơ dêh char gô pơpôi akŭm đĭ tơ noh; hu maih păng lu ao tai hơ'bơ̆l lơ tơpă.
“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.
'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.
Măt 'năr jing măng mu, măt khei wă jing thoi pham, hơdrol kơ năr 'lơ̆ng, năr đe pơư pơang anăn 'Bok Kei-Dei tam mă truh.
Pêng 'nu yang noh yang kơnê̆ ngăl, lu sư kư̆m gơh pơm tơdrong hlĭch hlăch mơ̆n. Păng lu sư năm jơ̆p kơ teh đak krao akŭm lu 'bok pơtao tơblah hăm 'Bok Kei-Dei kơplah năr 'Bok Kei-Dei hăt kơ tơblah tơblŭng hơlŭng pơdang, mơsêh tăp pang mơyang tăp dăr tôch 'bơ̆t Sư boih.
