Ru 3:3 - Sơ̆p Hlabơar Nơ̆r 'Bok Kei-Dei

³ Thoi noh ih năm 'nhao hơrao hơpĕch bĕ, pik đak pơgang 'bâu phu păng hrŭk hơbĕn ao mă 'lơ̆ng, na jur năm tơ anih preh 'ba sư kơplah sư sŏng sa tam mă đang ih 'nĕ ăn kơ sư 'bôh ih.

Ru 3:3 交叉參考

II Sam 12:20

Kơplah noh, Đawit iung đơ̆ng teh, hum hơpĕch, pik đak pơgang 'bâu phu tơ akâu sư, hrŭk tơplih hơbĕn ao; sư mơ̆t tơ hnam Kră Yang drap kơkuh, đơ̆ng noh sư wih brŏk tơ hnam pơtao sư dơ̆ng, athei đe hơmet tơmam sŏng sa. Na lăp đe hơmet dang boih sư sŏng sa hloi.

II Sam 14:2

Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Bôk Bơthô 9:8

Mă layơ ih kư̆m athei hrŭk hơbĕn ao kok 'nao ling-lang thoi năr et sa tih păng 'nĕ hiơt pik pơgang 'bâu phu kơpal kơ̆l ih.

Êsêkiên 16:9

Inh tơhum hơrao ih hăm đak, ôp rơgoh pham đơ̆ng akâu ih, păng pung kơ ih pơgang.

Mathiơ 6:17

Năr iĕm ơ̆t kơ por iĕm athei 'nhao muh măt kor sŏk mă 'lơ̆ng hơnơ̆ng,

Ru 3:2

Ih băt boih 'Bôô, yua kơ ih đei kiơ̆ hơdai boih lu đam sư 'Bôô noh kơtum bơ̆n 'mơ̆i, măng âu kơnh sư păng lu jang kơ sư wă năm um pơliĕng 'ba tơ anih preh 'ba.

Ru 3:4

Mưh sư wă năm 'bĭch, ih athei lăng tông sư 'bĭch 'bơ̆t yơ, đơ̆ng noh ih năm pơih khan 'bơ̆t jơ̆ng sư, ih 'bĭch hloi 'bơ̆t jơ̆ng sư, sư gô khan kơ ih pơm kiơ kơnh.