Ru 2:3 - Sơ̆p Hlabơar Nơ̆r 'Bok Kei-Dei

³ Thoi noh na Rut năm mok druh kiơ̆ đơ̆ng rŏng đe yuă 'ba lăm minh hlak mir ei. Sư chă mok noh trŏ kơ mir 'Bôô, kơtum Êlimêlek.

Ru 2:3 交叉參考

II Sam 1:6

Bơngai tơdăm ei tơl: “Lăp inh năm rok trong kông Gilbôa,” na inh 'bôh Sôl oei 'bĭch hơgrop hăm tơju sư, gre hăm lu linh ayăt druh wă jê̆ sư.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Pot 8:5

Gêhasi oei roi ăn kơ pơtao mơ̆ng thoi yơ Êlisê hlôi tơiung arih minh 'nu bơngai đơ̆ng lôch, na blư bơngai drŏ-kăn mĕ bơngai 'lơ̆p mă đêl Êlisê tơiung arih noh truh, sư apinh pơtao ăn kơ sư gơh đei iŏk dơ̆ng hnam păng mir chŭn sư. Gêhasi khan: “Ô yŏng tơ'ngla ĭnh, duch 'nâu bơih păng 'nâu kon drŏ-nglo sư mă đêl Êlisê tơiung arih ki.”

Mathiơ 10:29

Bơ̆n băt sem rĕch tĕch hơi dêh, 'bar tŏ lăp minh hlak jên, mă-lei 'Bok Kei-Dei kư̆m wei rong sư mơ̆n. Mă minh pôm păr huŏng tơ teh, Sư kư̆m băt mơ̆n.

Luka 10:31

Đơ̆ng rŏng 'biơ̆ kơ noh đei minh 'nu 'bok soi Juđê năm rok trong noh 'bôh sư ră, mă-lei sư năm yoh đĕch.

II Tes 3:12

Kră Yang Yêsu Krist wă kơ nhôn bơtho pơkă ăn kơ lu bơngai alah kơ jang thoi âu: Sư athei jang sa 'me klak akâu kơdih 'nĕ pă nŏng kơ chă ngôi.

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.

Ru 2:4

'Bôô lĕch đơ̆ng pơlei Betlehem năm truh tơ mir sư khan kơ lu bơngai yuă 'ba thoi âu: Hơpơi kơ Kră Yang oei hơdai iĕm! Lu sư tơl khan. Hơpơi kơ Kră Yang ăn tơdrong pŭn hiôk kơ ih!