Ru 2:14 - Sơ̆p Hlabơar Nơ̆r 'Bok Kei-Dei

¹⁴ Kơplah jơ sŏng sa 'Bôô khan dơ̆ng kơ sư: Hiăng hơ-oei mă jê̆ tơ âu, iŏk sa 'bĕng âu păng chơ̆m tơ lăm sik iŭ bĕ, na sư năm hơ-oei jê̆ lu bơngai drŏ-kăn yua 'ba, lu đe noh ăn por hơdrĕng. Sư sa dĭng phĭ, kư̆m oei rơkah sư 'măn lê̆.

Ru 2:14 交叉參考

II Sam 17:28

chĕp ba ăn kơ Đawit păng kơ đĭ-đăng bơngai kiơ̆ sư. Lu hơkok, pơnhan, lu bô̆i teh, 'ba mi, 'ba tơ'bâu, tơpŭng, găr hơdrĕng, lơ găr tơh, păng lơ găr hơdrĕng nai,

Horiso 23:5

Kră Yang hơmet ăn kơ inh gơ'bang sŏng sa. 'Bơ̆t anăp lu bơngai ayăt kơ inh; Kră Yang tuh đak rơmă tơ kơ̆l inh, kơchŏk inh 'bĕnh blai.

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Mathiơ 14:20

Đĭ-đăng lu bơngai sa 'bĕng mi ei phĭ mah rơkah rơkai boih. Đơ̆ng noh lu bơngai pơhrăm păng Sư chă dônh tah tơ bai mă đơ̆ng đêl lu sư sa rơkah, kư̆m mah oei 'bĕnh kơ mơjĭt-'bar tŏ bai plơ̆ng dơ̆ng.

Both 11:15

Sư kư̆m gô pơm ăn kơ mir tơmăn đei 'nhĕt chăt ăn kơ sem dơrong iĕm; iĕm gô đei sŏng sa phĭ mah rơkah rơkai.

Both 8:10

Mưh iĕm sŏng sa phĭ mah rơkah rơkai, iĕm gô bơnê ư-ang kơ Kră Yang 'Bok Kei-Dei iĕm, yua kơ teh đak 'lơ̆ng mă đơ̆ng Sư ăn boih kơ iĕm.

Ru 2:13

Rut tơl thoi âu: Ơ yŏng tơ'ngla inh, ih đei jơhngơ̆m mơnat kơ inh păng pơlung inh, ih pơm 'lơ̆ng kơ inh đam ih, mă khan inh ưh kơ trŏ kơ lu đam drŏ-kăn ih.

Ru 2:15

Đơ̆ng noh sư iung năm chă mok dơ̆ng 'Bôô pơma hơtă kơ bơngai tơdăm jang kơ sư. Ăn kơ sư chă mok măi lu hơie mă khan sơlam hơchô̆ 'ba ră iĕm 'nĕ kơ chrih pơm kơ sư mơlâu.

Ru 2:18

Sư pŭ brŏk tơ pơlei. Sư tơ'bôh ăn kơ tơnei sư 'ba mă đơ̆ng sư chă mok, klaih kơ noh Rut iŏk ăn kơ tơnei sư 'ba mă đơ̆ng sư chă mok, klaih kơ noh Rut iŏk ăn kơ tơnei sư por đêl sư sŏng rơkah.

I Sam 17:17

Na Isai khan kơ Đawit, kon drŏ-nglo sư: Dăm kon e iŏk minh kơthŭnga 'ba mi hơdrĕng păng mơjĭt tŏ 'bĕng âu, kơdâu năm ba truh tơ kơđông chĕp ba ăn kơ lu đe 'nhŏng e.

I Sam 25:18

Abigail hăt hot iŏk 'bar-hrĕng tŏ tơpei 'bĕng, 'bar kơthŭng akar sik hơmu; 'nhĕm pơđăm tŏ triu pai sĭn boih. Pơđăm kơthŭng phe 'ba mi hơdrĕng. Minh-hrĕng hơie plei hơmu, 'bar-hrĕng tơpei 'bĕng plei hơra kro, sư hơtŏk tơ rŏng aseh iĕ.