Rom 5:5 - Sơ̆p Hlabơar Nơ̆r 'Bok Kei-Dei

⁵ Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 5:5 交叉參考

Jop 27:8

Lu bơngai ưh kơ lui đei chang hơmĕng kiơ mưh chăl arih âu tôch, Mưh Kră Yang 'Bok Kei-Dei pơdrâu lê̆ tơdrong arih lu sư?

Horiso 119:116

Apinh Ih tơgŭm tơiung inh kiơ̆ thoi Ih pơkă wă kơ inh gơh arih; 'Nĕ ăn kơ inh mơlâu kơ tơdrong inh chang hơmĕng,

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Jang 10:45

Lu bơngai lui đơ̆ng Pơlei Japa mă kiơ̆ Pêtrôs ei sư bơngai Juđê. Sư kơtơ̆ng lu kon pơlei ei pơma nơ̆r hlĭch ư-ang kơ 'Bok Kei-Dei, na sư băt 'Bok Kei-Dei ăn Yang Bơhngol 'Lơ̆ng kơ lu kon pơlei ei boih. Na sư sơleng kơ đon kơlih kơ sư lăng lu bơngai akŭm ei ưh kơ trŏ kơ khŭl bơngai Juđê thoi sư. Sư ngêh kơ 'Bok Kei-Dei wă ăn Yang Bơhngol 'Lơ̆ng kơ khŭl Juđê đĕch. Na Pêtrôs pơma kơ lu bôl sư thoi âu:

Jang 2:17

‘'Bok Kei-Dei khan: Lăm năr hơtuch kơnh, Inh wă ăn Yang Bơhngol Inh kơ jơ̆p-jang bơngai. Lu kon drŏ-nglo drŏ-kăn sư wă pơma nơ̆r khan lê̆ hơdrol, lu tơdăm gô apo 'bôh lu tơdrong mă ưh tam mă truh, lu 'bok kră gô apo mơ̆n.

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Rom 9:33

'Noh thoi sơ̆p hla bơar 'Bok Kei-Dei khan lê̆ sơ̆ thoi âu: “Iĕm lăng. Tơ Pơlei Siôn Inh đei 'măn minh pôm tơmo tŏk-bŏk trong wă kơ đe kơtơih pơ̆k. Bu lui kơ tơmo noh, bơngai noh huay kơ hli minh tơdrong kiơ ôh.”

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

II Kor 1:22

Sư ăn Yang Bơhngol 'Lơ̆ng oei hơdai hăm nhôn, dang Sư chơ̆m đŏng yâu Sư tơ akâu nhôn, thoi noh na dôm tơdrong Sư pơkă, nhôn băt kơ gô đei tơpă.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Galati 4:6

Bơ̆n băt boih bơ̆n jing kon Sư tơpă, yua kơ Sư wơh Yang Bơhngol 'Lơ̆ng đơ̆ng Kon Sư jur oei păng bơ̆n, Sư bơtho bơ̆n krao kơ 'Bok Kei-Dei Aba, 'Bă.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Êphêsô 1:13

Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.