Rom 15:1 - Sơ̆p Hlabơar Nơ̆r 'Bok Kei-Dei

¹ Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

Rom 15:1 交叉參考

Rom 14:1

Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

Rom 14:2

Pơtih gia minh 'nu bơngai lui, sư hlôh boih tơdrong 'Bok Kei-Dei na sư gơh sa tôm tơdrong tơmam sa. Minh 'nu bơngai lui nai ưh tam mă hlôh, sư sŏng sa mơh 'nhot đĕch, ưh kơ sa 'nhĕm.

Rom 4:20

Păng đon sư ưh kơ tơchĕng wă lui dah ưh ôh, sư kư̆ kơ lui dôm tơdrong 'Bok Kei-Dei pơkă kơ sư rai đunh rai kơjăp, rai ư-ang 'Bok Kei-Dei.

I Kor 4:10

Đe lăng nhôn jang tơdrong Yêsu Krist thoi bơngai kơtul, đe lăng iĕm thoi lĕ bơngai hơgei tôm tơdrong Yêsu Krist. Nhôn bơngai tơrăn, iĕm bơngai pran. Đe pơjĭp pơjăm nhôn, gah iĕm đe ư-ang.

I Kor 9:22

Kơplah inh chă bơtho kơ lu bơngai ưh kơ gan hlôh tôm tơdrong 'Bok Kei-Dei, inh kư̆m pơm thoi sư mơ̆n wă kơ pơlung sư lui kơjăp. Inh druh kiơ̆ rim đon kon bơngai wă kơ gơh pơlung lu sư lui kơ Yêsu Krist na klaih đơ̆ng dôm tơdrong yoch.

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Philip 2:4

Iĕm athei pơhiôk jơhngơ̆m đe mơ̆n, 'nĕ kơ pơhiôk jơhngơ̆m kơdih đĕch ôh.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

I Yo 2:14

Ơ lu kon hơ'lơ̆p, inh chih kơ iĕm kơlih kơ iĕm băt kơ 'Bă bơ̆n 'Bok Kei-Dei. Ơ lu mih ma duch nă, inh chih kơ iĕm kơlih kơ iĕm băt kơ Yêsu Krist mă oei arih đơ̆ng blŭng-a sơ̆. Ơ lu adruh tơdăm, inh chih kơ iĕm kơlih kơ iĕm pran kơtang. Iĕm kiơ̆ tơpă dôm nơ̆r 'Bok Kei-Dei, na yang Satan thuơ kơ iĕm boih.