Rom 11:30 - Sơ̆p Hlabơar Nơ̆r 'Bok Kei-Dei

³⁰ Lu iĕm bơngai khŭl nai, sơ̆ iĕm ưh kơ băt kơ lui kơ 'Bok Kei-Dei thoi lu bơngai noh ôh. Lu bơngai noh lu sư băt kơ 'Bok Kei-Dei mă lu sư kuă kơ lui. 'Noh na 'Bok Kei-Dei mơnat kơ iĕm krao iĕm lui kơ Sư.

Rom 11:30 交叉參考

Rom 11:29

Yua kơ nơ̆r 'Bok Kei-Dei pơkă wă rơih iŏk đe Isơrael, tơgŭm đe Isơrael, na Sư ưh kơ hŭt ôh lu bơngai Isơrael noh.

Rom 11:31

Lu đe Isơrael mơ'nah arăng kơ̆l kuă kơ lui kơ Yêsu truh dang ei, 'Bok Kei-Dei mơnat dêh, thoi Sư mơnat kơ iĕm.

Rom 15:9

Sư iŏk tơdrong pơmat-tat noh wă kơ lu bơngai tơmoi khŭl nai ư-ang 'Bok Kei-Dei, yua kơ 'Bok Kei-Dei 'mêm mơnat kơ lu sư mơ̆n. 'Noh kư̆m thoi đe chih roi lăm sơ̆p hla bơar 'Bok Kei-Dei sơ̆ thoi âu: “Inh pơư ang anăn Ih kơ lu bơngai tơmoi mă ưh kơ khŭl Juđê, inh hơri ư-ang kơ Ih.”

I Kor 7:25

Bĭ gah tơdrong lu bơngai oei hơdrô̆, Kră Yang Yêsu Krist ưh kơ đei bơtho pơkă kơ bơ̆n thoi yơ ôh sơ̆. Mă-lei inh wă bơtho iĕm mơ̆n, yua kơ Kră Yang tơgŭm inh bơtho iĕm mă trŏ.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

Kôlôsê 3:7

Sơ̆ iĕm kư̆m pơm mơ̆n dôm tơdrong thoi lu sư noh.

I Tim 1:18

Ơ dăm Timôthê, ih pơm dôm tơdrong inh athei ih âu hŏ. Ih pơm kư̆m thoi lu bơngai khan lê̆ hơdrol pơkă gah ih sơ̆. Ih 'blŏk kơ tơdrong sư pơkă 'noh wă kơ ih nuih kơ tơblah hăm yang kơnê̆,

Hêbrơ 3:18

Bĭ Sư khan: Iĕm ưh kơ gơh layơ wă mơ̆t pơdơh tơ dêh char Inh, noh Sư hil kơ đe bu? Sư hil kơ lu bơngai mă ưh kơ chu Sư.

I Pet 2:10

Sơ̆ iĕm ưh kơ trŏ kơ kon Sư ôh, mă-lei dang ei đĭ-đăng kơ bơ̆n jing kon Sư ngăl boih. Sơ̆ 'Bok Kei-Dei kư̆m ưh tam mă tơ'bôh kơ iĕm tơdrong Sư mơnat, mă-lei dang ei iĕm 'bôh nhên boih.