Rom 10:20 - Sơ̆p Hlabơar Nơ̆r 'Bok Kei-Dei

²⁰ Tơdrong noh Êsai kư̆m chih pơjăm lu bôl sư bơngai Isơrael, mă-lei sư ưh kơ hli, sư chih kiơ̆ kơ nơ̆r 'Bok Kei-Dei thoi âu: “Lu bơngai mă ưh kơ băt chă Inh sơ̆, dang ei lu sư 'bôh Inh boih păng kơnăl kơ Inh, yua kơ Inh wih tơbăt kơ lu sư akâu Inh dơ̆ng.”

Rom 10:20 交叉參考

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Mathiơ 20:16

Tơdrong âu Yêsu pơma pơtih gia kơ 'Bok Kei-Dei wă pơgơ̆r bơ̆n: “Mă dôm tơdrong kiơ lu bơngai mă pơm iĕ kơ đe dang ei, ning-mônh sư gô tih; dôm lu bơngai pơm tih kơ đe dang ei ning-mônh sư jing iĕ.”

Luka 14:23

Na tơ'ngla sư 'nei khan kơ đam sư thoi âu dơ̆ng: ‘Ih lĕch đơ̆ng pơlei âu, ih chă năm jơ̆p kơ trong mă tơ yơ yơ, ih tơ'bơ̆p bu bu, ih dui pơđĭ kơ lu sư tơ âu tơ̆p mă 'bĕnh kơ hnam inh 'mơ̆i.

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Rom 9:30

Thoi noh na lu bơngai tơmoi nai mă ưh kơ khŭl Isơrael, sơ̆ lu sư ưh kơ băt chă tơdrong pơm 'lơ̆ng hăm 'Bok Kei-Dei thoi yơ ôh, mă-lei 'Bok Kei-Dei kư̆m 'mêm kơ lu sư mơ̆n, kư̆m jô̆ lu sư bơngai 'lơ̆ng. Lu bơngai noh wă khan dôm lu bơngai khŭl nai mă oei gơnang kơ Yêsu.

Rom 9:31

Gah lu bơngai Isơrael lu sư gơnang kơ akâu kơdih đĕch wă kiơ̆ tơdrong juăt 'Bok Kei-Dei pơkă sơ̆ khan jing bơngai 'lơ̆ng hăm 'Bok Kei-Dei. Mă-lei lu sư ưh kơ kĕ kiơ̆ tơdrong 'Bok Kei-Dei pơkă ôh,

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.