Ne 9:25 - Sơ̆p Hlabơar Nơ̆r 'Bok Kei-Dei

²⁵ Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Ne 9:25 交叉參考

I Pot 14:9

Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

I Pot 8:66

Lăm năr mă tơhngam pơtao ăn kơ kon pơlei pơla brŏk; kon pơlei kư̆m krao khan hơpơi pŭn hiôk kơ pơtao kơplah lu sư brŏk tơ anih lu sư, lu sư chơt hiôk 'nă hal lăm jơhngơ̆m, yua kơ Kră Yang wei-lăng đĭch đam Sư Đawit hăm đĭ-đăng lu bơngai Isơrael, kon pơlei pơla Sư rơih.

Ne 9:35

Tơ lăm dêh sư oei pŭn hiôk rơkah rơkai đơ̆ng Ih ăn, teh rơhơi să păng jing 'lơ̆ng Ih asong ăn, mă-lei lu sư ưh kơ wă kơkuh kơ Ih, ưh kơ weh ôh đơ̆ng tơdrong jang kơnê̆ lu sư.

Horiso 105:44

Sư jao ăn teh kơ lu sư đơ̆ng lu dêh char. Lu sư yua iŏk mir chŭn pơgar đơ̆ng lu kon pơlei.

Horiso 65:11

Ih pơyơ̆l ăn môk pŭn hiôk kơ sơnăm. Rim trong Ih năm tơ noh đei hiôk jơnap.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Je 2:7

Inh chông ba iĕm mơ̆t lăm teh đak mơ̆r 'lơ̆ng, ăn kơ iĕm yua sa plei 'long păng yua iŏk lu tơmam sa 'lơ̆ng. Mă-lei lăp 'nao truh lu iĕm pơm pơ'mê̆ hloi kơ teh đak Inh, pơm kơ dôm tơdrong Inh pơjing đe lăng krưp.

Je 31:14

Inh gô ăn kơ lu 'bok soi đei tôm tơmam kăl yua, Lu kon pơlei Inh gô đei tôm tơmam kăl yua rơkah rơkai” Noh Kră Yang khan.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Da 11:24

Sư gô yua kơplah đe oei hiôk-hian rơnŭk rơnua noh tơgar iŏk teh 'lơ̆ng hloi lăm tơring ei păng gô pơm lu tơdrong mă 'bok yă păng lu kră sơ̆ tam biơh pơm; iŏk dôm lu tơmam mă đêl sư tơgar iŏk, asong mŭk tơmam noh kơ lu bơngai mă kiơ̆ sư, chă đon blah iŏk anih kơđông, mă-lei sư pơgơ̆r ưh kơ đunh.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Both 3:5

Đĭ-đăng lu pơlei tih noh jơ̆ pơlei kơjăp đei dur kơjung, 'măng jang păng đei 'long chơkăl; hloh kơ noh dơ̆ng kư̆m đei lơ lu pơlei mă ưh kơ đei dur.

Both 32:13

Kră Yang ăn kơ lu sư oei tơ tơring groi kông; Rong lu sư hăm tơmam sa đơ̆ng lăm mir chŭn; Ăn sa đak sut iŏk đơ̆ng lăm tơmo tih. Păng đak rơmă lĕch đơ̆ng teh lăm tơmo.

Both 32:14

Đơ̆ng khŭl rơmo păng triu bơbe lu sư đei đak toh păng đak toh iŭ. Sa 'nhĕm sĕch rơmă đơ̆ng triu kon păng triu tơno. Rơmo triu tơno, bơbe tơno đơ̆ng char Basan lu iĕm sŏng 'ba 'mi mă 'lơ̆ng hloh; Huch sik đak hơmu đơ̆ng tơm 'brê thoi pham.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.