Ne 7:4 - Sơ̆p Hlabơar Nơ̆r 'Bok Kei-Dei

⁴ Pơlei tih să rơhơi, mă-lei kon pơlei oei lăm noh tŏ sĕt đĕch păng tam mă pơm hnam 'nao.

Ne 7:4 交叉參考

Ne 11:1

Lu kră pơgơ̆r kon pơlei tă kơ oei lăm pơlei Jêrusalem: Gah lu kon pơlei nai đe hlang rơih iŏk minh lăm mơjĭt đơ̆ng lu bơngai noh, năm oei tơ pơlei Jêrusalem, pơlei 'lơ̆ng rơgoh păng lu tơsĭn 'nu noh oei tơ pơlei nai;

Ne 11:2

Kon pơlei sơkat ăn pŭn hiôk kơ bơngai drŏ-nglo ayơ mă pơyơ̆r akâu sư oei tơ pơlei Jêrusalem.

Ne 7:3

Inh pơkă kơ lu sư thoi âu: 'Nĕ kơ pơih lu 'măng jang pơlei Jêrusalem adrol kơ măt 'năr tŏ, ih athei tang lê̆ 'măng-'mŏk păng chơkăl lê̆ đơ̆ng lăm kơplah bơngai oei gak 'măng tơ noh păng athei ăn bơngai lăm kon pơlei Jêrusalem tơplih băl gak, rim 'nu bơngai dơ̆ng tơklă hnam sư kơdih.

Ne 7:5

Kră Yang 'Bok Kei-Dei pơtrŭt jơhngơ̆m krao pơpôi dôm lu bơngai mơdrŏng, lu pơm kuan păng kon pơlei wă chih tơmơ̆t lăm sơ̆p hla bơar kiơ̆ kơ adrĕch, inh đei chă 'bôh minh sơ̆p hla bơar chih gah adrĕch lu bơngai Juđa brŏk mă tăl blŭng-a păng lăm noh inh 'bôh đei chih thoi âu:

Êsai 58:12

Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.