Ne 2:19 - Sơ̆p Hlabơar Nơ̆r 'Bok Kei-Dei

¹⁹ Sanbalat, bơngai Hôrôn, Tôbia đĭch đam Ammôn păng Gêsem bơngai Arâp kơtơ̆ng tơdrong jang 'nâu, na lu sư hiĕk che bơle kơ lu nhôn, lu sư khan: Lu iĕm pơm kiơ̆ lu iĕm wă blơ̆ pơtao hă?

Ne 2:19 交叉參考

Ne 13:28

Đei minh 'nu lăm kon drŏ-nglo Jôiada, sâu Êliasip 'bok soi tơm, ŏng Sanbalat, bơngai Hôrôn; yua kơ thoi noh inh puh tơweh lê̆ sư.

Ne 2:10

Mă-lei kơplah noh Sanhalat bơngai Hôrôn păng Tôbia đĭch đam Ammôn, băt tơdrong noh, na ưh kơ hiôk yua kơ đei bơngai truh wă chă tơgŭm lu kon pơlei Isơrael.

Ne 4:1

Tơdah Sanbalat băt kơ nhôn man hơmet ming dur pơlei dơ̆ng, na sư hil blĕk dêh păng hiĕk ăr kơ bơngai Juđa.

Ne 6:6

Lăm kơthơ đei chih thoi âu: Lăm lu adrĕch adrung ih đei kơtơ̆ng ang păng Gêsem khan thoi âu: Ih hăm lu bơngai Juđa chă đon wă blơ̆ teh đak; yua kơ thoi noh na ih oei man hơmet ming dur; đei kơtơ̆ng nơ̆r khan ih 'maih wă pơm pơtao lu sư.

Ne 6:9

Yua kơ lu sư wă tơhli lu nhôn; inh păng đĭ-đăng nhôn hli; lu sư khan: Ti lu sư gô gleh lap, ưh pă gơh jang dơ̆ng, na dang ei hloi, ơ Kră Yang pơm bĕ kơ ti inh jing pran.

Jop 30:1

Mă-lei dang ei, lu sư hiĕk ăr kơ inh, lu sư tơdăm 'lơ̆p hloh kơ inh, Mă 'bă lu sư, inh pă jô̆ bơih, wă jang wei triu. Hơdai hăm kŏ inh.

Horiso 123:4

Bơhngol lu nhôn hrăp dêh kơ tơdrong pơjăm đơ̆ng lu bơngai pơrŏ. Păng tơdrong areh pơjăm đơ̆ng lu bơngai pơang

Horiso 79:4

Lu nhôn jing bơngai pơm pơhiĕk ăn kơ rông 'bôt. Jing bơngai lu dêh char tăp dăr đe che bơle păng pơjăm.

Horiso 80:6

Ih pơm ăn kơ lu bơngai jih 'ma pơjah tơgar kơ lu nhôn; Păng lu ayăt kơ nhôn lu sư hiĕk pơjăm lu nhôn.

Horiso 80:7

Ơ Kră Yang 'Bok Kei-Dei Tih Hloh, apinh Ih tơiung lu nhôn dơ̆ng, pơdah bĕ muh măt Ih wă kơ lu nhôn gơh klaih.

Êsai 36:5

Ih, tơchĕng wă tơblah hăm inh hăm nơ̆r pơma 'bơ̆r hoh đĕch hă? Ih gơnang kơ bu mă pơ̆n tơblah hăm inh.

Je 20:8

Mưh wă inh pơma, inh athei ôr kơtang. Inh khan: “Rŭng răng dêh tăm 'băm dêh.” Tơpă nơ̆r Kră Yang pơm boih kơ inh mơlâu păng đe hiĕk ăr kơ inh prăt năr.

Je 41:10

Ismael rôp pơđĭ kon bơngai mă oei arih lăm pơlei Mispa, lu kon drŏ-kăn pơtao păng lu kon pơlei mă oei lê̆ tơ lăm pơlei Mispa mă Nebusaradan yŏng pơgơ̆r lu linh gak pơtao jao boih kơ Gêđalia, kon drŏ-nglo Ahikam. Ismael kon drŏ-nglo Nethania, rôp lu bơngai noh chông ba, năm tơ gah char Ammôn.

Mathiơ 9:24

Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Markôs 5:40

Na đe ei hiĕk kơ Sư. Sư pơpuh lu bơngai oei lăm ei lĕch đĭ tơ 'ngoaih na anhăk mĕ 'bă adruh mă lôch noh păng pêng 'nu bơngai mă kiơ̆ Sư hei, mơ̆t tơ anih đe tơ'bĭch adruh mă lôch noh.

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Yo 19:12

Kơtơ̆ng thoi noh, Pilat wă dêh achăng Yêsu. Mă-lei lu Juđê ôr pơret: “Dah ih achăng bơngai âu, ih jing pă buăl hăm 'bok pơtao tơm bơ̆n, Sêsar. Bơngai bu wă pôk akâu sư kơdih pơm pơtao, bơngai 'noh wă ayăt kơ 'bok pơtao tơm bơ̆n.”

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Hêbrơ 11:36

Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.