13 'Nâu kon pơlei ih, lu linh ih rơdu thoi bơngai drŏ-kăn oei tŏk-bŏk ih. Lu 'măng jang char ih pơih boih rai să ăn kơ lu linh ayăt mơ̆t ŭnh sa đĭ boih lu mam chơkăl sư.
Yua kơ Sư pơrăm boih 'măng jang bơsei. Sư chơ̆ng tơgơ̆ lê̆ boih lu dơhlông bơsei.
Yua kơ Sư đei pơm kơjăp boih kơ chơkăl 'măng jang ih. Ăn tơdrong pŭn hiôk kơ kon sâu mă oei hơdai ih.a
Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.
Đao gưm pơm kơ lu bơngai khan lê̆ adrol ô hơlĕnh, Lu sư gô jing bơngai kơwao! Đao gưm blah plơ̆ lu linh pran kơtang, lu sư gô hli tơrơ.
Đao gưm blah plơ̆ lu aseh păng gre aseh, Păng đĭ-đăng lu linh đơ̆ng tơmoi, Pơm kơ lu sư gô jing thoi bơngai drŏ-kăn! Đao gưm blah lu hnam mong mŭk tơmam gĭt ăn kơ đe tơgar iŏk đĭ mŭk tơmam lu sư.
Lu linh dêh char Babilôn pơdơh tơblah, ôn akâu lu sư lăm kơđông kơjăp. Lu sư rơmơ̆n, jing thoi drŏ-kăn. Hnam lu sư đe soh đĭ, chơkăl 'măng jang lu pơlei sư tơgơ̆ boih.
Ơ char Têman dôm lu linh nuih kơtang ih gô hơwơ̆l hơwang, thoi noh na đe gô pơlôch đĭ lu drŏ-nglo đơ̆ng kông Êsâu lăm ei.
'Măng jang đak krong tơpơih đĭ truh tơ hnam pơtao pơchah đĭ.
Thoi đei pơkă Niniwe đe blah iŏk đe rôp anhăk, lu bơngai drŏ-kăn jang kơ sư, lu sư ôr hmoi thoi sem kơtơp păng tŭr kơtơh.
Tơ noh ŭnh gô sa ih, đao gưm gô pơlôch ih, luăn sa ih thoi lep, ih athei akŭm băl mă kơdrâ̆m thoi lep păng lơ thoi lep 'ba.
