Na 2:13 - Sơ̆p Hlabơar Nơ̆r 'Bok Kei-Dei

¹³ Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Na 2:13 交叉參考

II Pot 18:17

Mă-lei, pơtao đe Asiri wơh Tartan, Rapsaris păng Rapsaka chông ba minh khŭl linh lơ đơ̆ng pơlei Lakis, năm tơ Hesekia tơ pơlei Jêrusalem lu sư truh tơ pơlei Jêrusalem. Truh bơih lu sư dơ̆ng 'bơ̆t hơbong đak ro mơ̆t tơ Dơnâu Kơpơ̆ng, wă khan trong năm tơ anih lu bơngai juăt kơ pih sa.

II Pot 18:19

Rapsaka khan kơ lu sư: “Brŏk khan bĕ kơ Hesekia:” “'Nâu pơtao đe Asiri, pơtao tih khan: Ih gơnang kơ bu tơgŭm ih?

II Pot 19:23

Ih hlôi yua lu bơngai jang kơ ih na ih blei hiap Kră Yang. Ih khan: Hăm gre aseh lơ 'nâu, inh tŏk tơ kông kơjung truh tơ wĕch kông Liban; oei tơ noh, inh kăl bơih lu 'long hơngo kơjung hloh păng 'long hơngo hla iĕ mă 'lơ̆ng hloh, inh đei năm bơih tơ lăm bri roh noh tơ lăm kơdrơ̆ng 'long rơ̆m roh.

II Pot 19:9

Na pơtao Asiri kơtơ̆ng đe roi gah Tirhaka pơtao đe Êthiôpi: “Sư chông ba linh wă tơblah hăm ih.” Yua kơ noh Senacherip athei bơngai năm tơ Hesekia dơ̆ng păng pơkă khan.

II Ho 32:19

Lu sư khan kơ Kră Yang 'Bok Kei-Dei pơlei Jêrusalem thoi lu yang kon pơlei đơ̆ng ti kon bơngai pơm.

Horiso 46:9

Sư pơtôch tơdrong tơblah jơ̆p-jang teh đak. Gơ̆ lê̆ hră, gơ̆ lê̆? Tơju rơkhai rơkhônh. Sư soh lê̆ gre tơ lăm ŭnh.

Je 21:13

Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Je 46:14

Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’

Je 50:31

Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Êsêkiên 13:8

Thoi noh na Kră Yang Tih Hloh khan: Yua kơ lu iĕm pơma hơlĕnh, 'bôh tơdrong ưh kơ trŏ, âu Inh blah plơ̆ lu iĕm, Kră Yang Tih Hloh khan thoi noh.

Êsêkiên 21:3

Khan bĕ kơ teh đak Isơrael: Kră Yang khan thoi âu: Âu, Inh năm wă phak lu iĕm. Inh gô toh đao Inh đơ̆ng hơnglop, pơrăm lu bơngai tơpăt păng lu bơngai kơnê̆ đơ̆ng lăm lu iĕm.

Êsêkiên 26:3

Thoi noh, Kră Yang khan: Ơ Tirơ! Âu, Inh wă phak ih. Inh gô ăn lơ teh đak iung blah ih, nhen thoi đak dơsĭ poh-yă.

Êsêkiên 28:22

Khan bĕ kơ sư: Kră Yang khan thoi âu: Ơ pơlei Siđôn, âu, Inh blah ih; Inh wă kơ đei ư-ang lăm ih. Lu sư gô băt inh boih Kră Yang, kơplah inh sek tơlang phak ih wă tơ'bôh tơdrong rơgoh Inh.

Êsêkiên 29:10

lei na 'nâu, Inh blah ih păng lu krong ih, Inh gô pơm kơ char Êyiptơ iŏk đơ̆ng pơlei Mikdôl păng pơlei Aswan truh tơ hơdral Êthiôpi jing juơ tơtŭng.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 35:3

Păng khan kơ lu sư: Kră Yang khan thoi âu: Ơ Kông Seir, inh blah Ih! Inh gô yơ̆r ti blah ih, gô pơm kơ anih ih juơ rơhiăng pă đei.

Êsêkiên 38:3

Khan bĕ: Kră Yang đei khan thoi âu: Ơ Gôk pơtao Rôs, Mêsêk păng Tuban, âu Inh blah ih.

Êsêkiên 39:1

Ơ kon bơngai, khan lê̆ adrol blah Gôk, khan bĕ kơ sư: “Kră Yang khan thoi âu: Ơ Gôk pơtao đe Rôs, Mêsêk păng Tubal, Inh blah ih.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Na 2:12

dăm-brang tơno châu lơ lu kon sem bri ăn kơ lu kon sư sa păng châu rôp ăn kơ lu dăm-brang akăn, trôm lu sư oei 'bĕnh kơ sem bri đêl sư châu, tơpu lu sư 'bĕnh kơ 'nhĕm sem bri mă đêl lu sư đei rôp sa.

Na 3:1

Răm-'băm tơpă kơ pơlei mă ngăl pơlôch đe! Sư 'bĕnh-'bang kơ tơdrong hơlĕnh hơleo păng blah tơgar iŏk, tơtông ưh pă pơdơh.

Na 3:12

Đĭ-đăng lu kơđông kơjăp ih hiong thoi 'long hơra, đei plei đum blŭng-a lăm bơyan, tơdah đe gơgŭ sư gô hơlŭng huŏng tơ lăm 'bơ̆r lu bơngai 'maih sa.

Na 3:15

Tơ noh ŭnh gô sa ih, đao gưm gô pơlôch ih, luăn sa ih thoi lep, ih athei akŭm băl mă kơdrâ̆m thoi lep păng lơ thoi lep 'ba.

Na 3:5

Kră Yang Tih Hloh khan: 'Nâu, dang ei Inh wă blah ih; Inh gô plôh lê̆ ao tai ih, gô tơ'bôh pơdah ih akâu hoh ăn kơ kon pơlei pơla lăng păng roi dôm tơdrong mơlâu ih kơ rim teh đak.

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Jôsuê 11:9

Jôsuê blah lu sư pơm kiơ̆ kơ nơ̆r Kră Yang đei pơkă kơ sư, koh huan jon aseh păng soh gre aseh lu sư.