Mi 6:5 - Sơ̆p Hlabơar Nơ̆r 'Bok Kei-Dei

⁵ Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Mi 6:5 交叉參考

Horiso 111:4

Sư tơ'blŏk tơdrong jang hlĭch chrơp Sư đei pơm boih. Kră Yang 'mêm păng mơnat.

Horiso 143:11

Ơ Kră Yang, yua kơ anăn Ih. Ăn kơ inh arih Lăm tơdrong tơpăt Ih, dui iŏk inh klaih đơ̆ng tơdrong pơmat-tat.

Horiso 36:10

Apinh oei 'mêm mơnat kơ lu bơngai băt kơ Ih. Păng ăn tơdrong tơpăt Ih kơ lu bơngai đei jơhngơ̆m tơpăt.

Horiso 71:19

Ơ Kră Yang 'Bok Kei-Dei, tơdrong tơpăt Ih kơjung tĭk tơ plĕnh. Ih đei pơm boih tơdrong jang tih. Ơ Kră Yang 'Bok Kei-Dei, bu đei thoi Ih?

Êsai 1:27

Kră Yang gô sek tơlang nhôn hăm tơdrong tơpăt, na huai iŏk lu bơngai lăm pơlei tơbral hăm tơdrong 'lơ̆ng tơpăt Sư.

Jo 22:41

Truh tơ pơgê năr đơ̆ng rŏng Balak năm ba Balaam tơ Bamôt Baal, đơ̆ng anih noh sư gơh tơmang 'bôh tơ anih lu bơngai Isơrael oei pơdơh.

Jo 23:27

Balak khan kơ Balaam dơ̆ng: Thoi ei, hiăng năm, inh gô năm ba ih tơ anih nai; rŏ lăng Kră Yang 'Bok Kei-Dei gô ăn kơ ih hiap lu kon pơlei noh tơ noh.

Jo 25:1

Kơplah lu bơngai Isơrael oei 'bơ̆t Sitim lu kon pơlei pơtơm ngôi kư̆ kă hăm lu drŏ-kăn Môap.

Jo 25:2

Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.

Jo 31:16

To, lu sư noh boih mă kiơ̆ đon hơlĕnh Balaam pơhlŭ kon pơlei Isơrael pơm yang kơkuh kơ Pêôr păng yoch tih 'bơ̆t anăp Kră Yang; đơ̆ng tơdrong yoch noh boih pơm ăn kơ kon pơlei Isơrael đei tơdrong gleh truh,

Jo 31:8

Lu sư kư̆m pơlôch pơđăm 'nu pơtao Madian hơdai hăm lu bơngai mă lu sư đei pơlôch boih, anăn pơđăm 'nu pơtao noh, Êwi, Rêkem, Sur, Hur păng Reba, kư̆m iŏk đao pơlôch Balaam, kon drŏ-nglo Bêôr.

Jo 33:49

Lu sư pơdơh jê̆ đak Krong Jôrđăn iŏk đơ̆ng pơlei Bêt Jêsamôt truh tơ pơlei Abel Sitim lăm thŭng glă char Môap.

Êphêsô 2:11

Lu iĕm adrĕch adrung bơngai nai păng ưh kơ băt kiơ̆ tơdrong 'Bok Kei-Dei; na lu bơngai Juđê nhôn pơjăm iĕm khan bơngai ưh kơ băt kăt tơdra akar, mă-lei tơdrong lu nhôn kăt tơdra akar noh kư̆m ưh kơ yua kiơ ôh, yua kơ ti pơm tơ 'ngoaih đĕch.

Both 16:3

Năr giĕng Năm Brih 'nĕ kơ sa 'bĕng hrâu hăm 'buih pông; lăm tơpơh năr iĕm gô sa 'bĕng ưh kơ đei 'buih pông, wă khan 'bĕng pơmat-tat, wă kơ iĕm 'blŏk kơ năr iĕm lĕch hlôi đơ̆ng dêh Êyiptơ hăt hot.

Both 23:6

'Nĕ kơ layơ pơgơ̆p hơdai hăm 'bar khŭl adrĕch 'nâu.

Both 8:18

Iĕm athei 'blŏk kơ Kră Yang 'Bok Kei-Dei iĕm, noh jơ̆ đơ̆ng Sư ăn kơ iĕm jing mơdrŏng; wă pơsĭt tơdrong pơgơ̆p Sư pơkă pơkăm hăm 'bok iĕm sơ̆.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Both 9:7

Iĕm athei 'blŏk, 'nĕ kơ hiơt lu iĕm hlôi tơblĕk Kră Yang 'Bok Kei-Dei tơ lăm char glă, đơ̆ng năr iĕm lĕch hlôi kơ dêh Êyiptơ truh tơ năr 'nâu, iĕm ling-lang blah pơm plơ̆ kơ Kră Yang.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 3:1

'Brưch pơgê oei hrôih, Jôsuê drôih chông ba kon pơlei Isơrael, đơ̆ng Sitim, lu sư năm truh tơ jih đak Krong Jôrđăn, 'bĭch gô tơ noh adrol kơ tŏk găn đak Krong.

Jôsuê 4:19

Năr mơjĭt khei mônh, kon pơlei tŏk hlôi kơ đak Krong Jôrđăn, pơm anih tơ Gilgal, gah hơlĕch kơ pơlei Jêrikô,

II Pet 2:15

Lu sư lê̆ trong tơpăt, jing hơwơ̆l rok kiơ̆ trong 'Balam kon Bêhôr. 'Balam ham kơ jên dêh, na sư pơm tơdrong ưh kơ 'lơ̆ng.

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.

Ju 1:11

'Bok Kei-Dei gô phak lu sư tơpă yua kơ lu sư pơm thoi 'bok Kain sơ̆. Lu sư băt pôm tơdrong pơhlŭ đe wă kơ sa jên đe apah, thoi 'bok 'Balam sơ̆. Lu đe âu ưh kơ chu kơ yŏng sư pơgơ̆r, thoi 'bok Kôrê sơ̆ jing răm hloi.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.

Lu 11:25

Ih hăm trŏ hơgei hloh kơ Balak kon drŏ-nglo Siôr pơtao Môap ưh? Sư hăm đei nuih pơm năr ayơ pơjah pơjăng dah tơhil tơblah hăm lu bơngai Isơrael ưh?

Lu 5:11

Roi bĕ kơ lu bơngai reh brŏ oei reh tơ kơdrơ̆m đak, Wă kơ lu sư gô hơri pơlơ̆k dơ̆ng pơlơ̆k dơ̆ng tơdrong kĕ jei Kră Yang. Tơdrong kĕ jei kon pơlei Isơrael! Ơ kon pơlei Kră Yang jur năm bĕ tơ 'măng jang pơlei.

I Sam 12:7

Na dang ei, năm bĕ 'bơ̆t anăp Kră Yang, lê̆ inh gô sek tơlang lu iĕm lăm dôm tơdrong 'lơ̆ng tơpăt Kră Yang đei pơm tơgŭm lu iĕm păng yă 'bok lu iĕm.