Mi 3:9 - Sơ̆p Hlabơar Nơ̆r 'Bok Kei-Dei

⁹ Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Mi 3:9 交叉參考

Ne 13:17

Kơplah ei inh khă lu bơngai mơdrŏng lăm Juđa, khan kơ lu sư: Lu iĕm pơm tơdrong kơnê̆ kiơ âu? Mă pơm pơ'mê̆ kơ lăm năr Sa'bat.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Tơdrông Pơđơk 17:23

Bơngai kơnê̆ iŏk sa pơgâm. Wă pơlơ̆m tơdrong tơpăt.

Tơdrông Pơđơk 18:5

Ưh kơ trŏ ôh mơ̆t bơngai kơnê̆; Sek pơglăi lê̆ bơngai tơpăt.

Tơdrông Pơđơk 21:7

Tơdrong kơnê̆ lu bơngai pơm kơnê̆ dui ba lu sư răm. Yua kơ lu sư sơngah pơm tơdrong tơpăt.

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Je 5:28

Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

Lêwi 26:15

tơdah lu iĕm sơngah kơ nơ̆r Inh tơtă păng jơhngơ̆m iĕm areh kơ khôi juăt Inh, dĭng mah ưh pă pơm kiơ̆ nơ̆r Inh tơtă, pơm glăi kơ tơdrong Inh pơgơ̆p.

Am 5:7

Lu iĕm, tơplih tơdrong tơpăt na iŏk tơm 'long tăng păng klơ̆m lê̆ tơdrong 'lơ̆ng tơpăt tơ teh.

Mi 1:1

Nơ̆r Kră Yang khan kơ Mika bơngai Môresêt lăm chăl Jôtham, Ahas păng Hesekia, lu pơtao dêh char Juđa, tơdrong mă lu sư 'bôh noh trŏ kơ pơlei Samari păng pơlei Jêrusalem.

Mi 3:1

Thoi noh na inh khan thoi âu: Lu yŏng kơdră Jakôp păng lu bơngai pơgơ̆r hnam Isơrael, mơ̆ng bĕ! Hăm trŏ kơ lu iĕm athei băt kơ tơdrong tơpăt?

Both 27:19

Hiap pơtê̆ bĕ kơ bơngai bu sek ưh kơ tơpăt kơ lu bơngai tơmoi, lu bơngai mơti păng lu yă adro! Đĭ-đăng kon pơlei gô khan: A-men!