Mathiơ 9:2 - Sơ̆p Hlabơar Nơ̆r 'Bok Kei-Dei

² Tơ noh đe tung ba minh 'nu bơngai hơwen hơwo kơpal anhŭn anhăk tơ Yêsu. Yêsu 'bôh tơdrong lui đe noh 'lơ̆ng tơpă na Sư khan kơ bơngai hơwen hơwo ei thoi âu: “Ơ dăm, hiôk bĕ ih, yua kơ tơdrong yoch ih Inh pơklaih đĭ boih.”

Mathiơ 9:2 交叉參考

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Mathiơ 14:27

Mă-lei Yêsu thar khan kơ lu sư: “Iĕm 'nĕ pă hli, Inh âu lah.”

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Mathiơ 6:12

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Mathiơ 8:16

Lăp 'năr mơ̆t adrơ̆m kơsơ̆ ei đei lơ bơngai năm ba lu bơngai yang kơnê̆ mơ̆t pơm kơ sư wơnh. Na Yêsu pơma kơ lu yang kơnê̆ lăp minh nơ̆r đĕch, mă-lei lu yang kơnê̆ lĕch jăk hloi đơ̆ng akâu lu bơngai noh. Păng Sư kư̆m pơklaih dôm lu bơngai jĭ jăn nai.

Mathiơ 9:22

Yêsu hue tơ rŏng 'bôh duch ei păng khan: “Ơ duch, ih 'nĕ kơ hli, kơlih kơ ih lui na ih klaih.” Drŏ-kăn noh klaih hloi 'bơ̆t anăp Sư.

Mathiơ 9:5

Inh khan kơ bơngai hơwen hơwo âu tơdrong yoch sư Inh pơklaih đĭ boih, tơdrong 'noh dah iĕm 'bôh Inh athei sư iung yak, na sư iung yak hloi, 'noh iĕm kư̆m băt kơ Inh gơh pơklaih yoch sư mơ̆n. Yua kơ kiơ iĕm pơma mơmơnh khan Inh pơma blông?

Mathiơ 9:6

Na dang ei Inh wă pơklaih jĭ sư, wă tơbăt ăn kơ iĕm băt kơ Inh Kon Bơngai gơh pơklaih tơdrong yoch kon bơngai ala teh âu.” Na Yêsu khan kơ bơngai hơwen hơwo ei thoi âu: “Iung bĕ, chĕp anhŭn ih brŏk tơ hnam.”

Markôs 1:32

Lăp 'năr mơ̆t adrơ̆m kơsơ̆ ei đe năm ba tơ sư dôm lu bơngai jĭ jăn păng lu bơngai yang mơ̆t.

Markôs 10:49

Na Yêsu dơ̆ng păng khan: “Krao sư tơ âu.” Đe năm krao bơngai măt tol ei khan: “Ih 'nĕ pă sơ'ngon. Iung bĕ, Yêsu krao ih tơ to.”

Markôs 5:34

Na Yêsu khan kơ sư: “Ơ duch, kơlih kơ ih lui na ih klaih, na dang ei brŏk kơ ih mă 'lơ̆ng bĕ. Ih klaih đĭ boih, ưh pă đei jĭ dơ̆ng.”

Markôs 6:50

Đĭ dôm lu sư 'bôh tôm, na lu sư hli tơrơ tơpă. Mă-lei Yêsu khan hloi kơ lu sư: “Iĕm 'nĕ pă hli âu, Inh lah.”

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Yo 2:25

yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Yo 21:5

Yêsu khan kơ lu sư: “Ơ tơpôl lu dăm, iĕm traih jal hăm đei rôp kiơ?” Lu sư khan: “Nhôn hoh-hoy kơ rôp minh găr.”

Jang 14:9

Bơngai jo ei mơ̆ng Pôl bơtho Tơdrong 'Nao 'Lơ̆ng, Pôl lăng muh măt sư, băt kơ sư wă lui kơ 'Bok Kei-Dei, na gơh klaih kơ jĭ.

Jang 19:12

Bơngai lui iŏk che mu-suar păng kơn đêl Pôl yua kơdih, pơchĕp kơ đe jĭ jăn, na tơdrong jĭ lu sư klaih păng lu yang kơnê̆ lĕch đĭ đơ̆ng akâu lu sư.

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Rom 5:11

Thoi noh na dang ei bơ̆n chơt hiôk hăm 'Bok Kei-Dei boih, yua kơ Yêsu pơm 'long sơlam kơ bơ̆n hăm 'Bok Kei-Dei; yua kơ Yêsu na bơ̆n gơh hiôk hăm 'Bok Kei-Dei.

Ya 2:18

Pơtih gia đei 'bar 'nu bơngai pơma dih băl khan: “Ih khan ih klaih yua kơ ih lui. Inh klaih yua kơ inh kư̆m pơm 'lơ̆ng kơ tơdrong juăt 'Bok Kei-Dei.” 'Bar tơdrong noh, tơdrong ayơ wă kơ đe băt kơ bơ̆n lui tơpă? Bơ̆n athei pơm 'lơ̆ng tôm tơdrong na đe băt kơ bơ̆n lui tơpă.