Mathiơ 9:12 - Sơ̆p Hlabơar Nơ̆r 'Bok Kei-Dei

¹² Yêsu kơtơ̆ng hloi lu sư pơma thoi noh na Yêsu khan kơ lu sư thoi âu: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang.

Mathiơ 9:12 交叉參考

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Horiso 41:4

Inh khan: “Ơ Kră Yang! Apinh Ih mơnat kơ inh, pơklaih bơhngol inh, yua kơ inh pơm yoch boih hăm Ih.”

Horiso 6:2

Ơ Kră Yang, apinh Ih mơnat kơ inh, yua kơ inh rơdu tơrăn; Ơ Kră Yang, pơklaih inh, yua kơ kơting inh tơtơ̆.

Je 17:14

Ơ Kră Yang apinh Ih ming pơklaih inh, na inh gơh klaih; apinh Ih dŏng pơklaih inh na inh gơh klaih: Ih boih mă Tơ'ngla inh bơnê ư-ang.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Mathiơ 18:11

Inh Kon Bơngai truh wă pơklaih kon bơngai hiong hiơt kơ 'Bok Kei-Dei.

Markôs 2:17

Yêsu kơtơ̆ng hloi lu sư pơma thoi noh, na Sư khan kơ lu 'bok thây ei: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang. Inh năm tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Luka 5:31

Na Yêsu khan kơ lu sư: “Lu bơngai mă liĕm akâu ưh kơ kăl kơ 'bok pơgang ôh. Pôm lu bơngai jĭ jăn đĕch kăl kơ 'bok pơgang.

Luka 8:43

Đei minh 'nu bơngai drŏ-kăn tuh pham mơjĭt-'bar sơnăm boih. Sư apah đe ming akâu sư tĕch đĭ mŭk tơmam sư ră mă-lei ưh kơ klaih ôh.

Luka 9:11

Lăp lu kon pơlei pơla kơtơ̆ng Yêsu wă năm tơ pơlei ei lu sư kiơ̆ hloi Yêsu. Na Yêsu kư̆m ưh kơ khă lu sư ôh. Sư bơtho lu đe ei tơdrong 'Bok Kei-Dei wă pơgơ̆r kon bơngai. Na Yêsu kư̆m chă pơklaih rah dôm lu bơngai jĭ jăn mơ̆n.

Kôlôsê 4:14

Luka sư pơm thây pơgang, sư kư̆m jang tơdrong Yêsu Krist mơ̆n, bơ̆n 'mêm kơ sư tơpă, sư kư̆m jet gia iĕm mơ̆n. Đêmas kư̆m hơdai jet gia iĕm mơ̆n.