36 Tôm tơdrong lu sư pơm đang boih, na lu sư tơoei ngôi lăng Yêsu.
Lu sư chih roi tơ gơ'bang iĕ pơ̆ng tơ kơpal kơ Yêsu khan tơdrong kơnê̆ đe jô̆ kơ Sư pơm thoi âu: “'Bok 'nâu, anăn sư Yêsu, 'Bok Pơtao đe Juđê.”
'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”
Đei minh 'nu 'bok tih linh dơ̆ng tơ anăp Yêsu 'bôh Sư kơtĕch jơhngơ̆m thoi noh, na sư khan: “Bơngai âu boih Kon 'Bok Kei-Dei tơpă.”
Na Pilat sơleng kơ đon tơdrong Yêsu 'bônh kơ lôch thoi noh. Na sư krao 'bok tih linh na jet sư Yêsu tam lôch.
